🤔 મિત્રને લગ્નની ગિફ્ટ તરીકે મોંઘાદાટ લીંબુ પકડાવતાં મિત્ર 🤔

• મીઠાઈના બોક્સમાં મોંઘા ભાવના લીંબુ ભરીને ગિફ્ટ કર્યા.
• રાજકોટના ધોરાજી ખાતે લગ્ન સમારોહમાં આપવામાં આવી મોંઘેરી ભેટ.

[Funrang Founder / Editor – Mr. Mehulkumar Vyas – 9978918796]

રાજકોટ । રાજ્ય સહિત સમગ્ર દેશમાં લીંબુના ભાવ આસમાને પહોંચ્યા છે. લીંબુનો પાક કરતાં ખેડૂતોએ પાક બચાવવા સુરક્ષા વધારી દીધી છે. ઉત્તર પ્રદેશના કાનપુરના બગીચામાં લીંબુની ચોરી થવા અંગે પોલીસ મથકે ગુનો પણ નોંધાયો છે. આ સંજોગોમાં રાજકોટના ધોરાજી ખાતે યોજાયેલા લગ્ન સમારોહમાં નવદંપત્તિને લીબુંની મોંઘેરી ગિફ્ટ આપી હોવાની અનોખી ઘટના બનવા પામી છે.

હાલ દેશમાં લીંબુ 300 થી 400 રૂપિયે કિલો વેચાઈ રહ્યાં છે. પેટ્રોલ – ડિઝલના વધતાં ભાવો તેમજ કુદરતી આફતોને કારણે લીંબુના ભાવમાં ધરખમ ભાવ વધારો નોંધાયો છે. ત્યારે ધોરાજીના મોણપરા વિસ્તારમાં લગ્ન સમારોહ યોજાયો હતો. જેમાં ઘોડે ચડેવા જઈ રહેલાં મિત્રને પીઠી ચોળવાના પ્રસંગે કિંમતી ગિફ્ટ આપવાના વિચાર સાથે દિનેશ નામના મિત્રએ મીઠાઈના બોક્સમાં લીંબુ ભરીને અનોખી ગિફ્ટ આપી હતી. દિનેશ ઉપરાંત અન્ય મિત્રોએ આપેલી ગિફ્ટ નિહાળીને લગ્ન પ્રસંગમાં હાજર લોકોના મોં પર સ્મિત રેલાઈ ગયું હતું.

દિનેશના મતાનુસાર, હાલ રાજ્ય અને દેશમાં લીંબુની કિંમત અત્યંત વધી ગઈ છે. ગરમીના દિવસોમાં લીંબુની ખાસ જરૂર હોય છે. આ સંજોગોમાં મેં વિચાર્યું કે મિત્રને ઉનાળામાં કામમાં આવે અને મોંઘી ગણાય તેવી ગિફ્ટ આપવી જોઈએ. અને ખૂબ વિચારીને આ નિર્ણય કર્યો હતો.

લગ્નની ભેટમાં લીંબુ પકડાવવામાં આવ્યા એ બાબત સોશિયલ મિડીયામાં ભારે વાઈરલ થઈ છે.

(આજનો Funrang જોક)

ચમન – યાર મમ્મીએ ઉઠાડવાનો નવો આઈડિયા લગાડ્યો છે.

અમન – કેમ શું કરે છે?

ચમન – સવારે ધીમેથી આવીને કહે છે, ઉઠી જા… તારા બાપા તારો મોબાઈલ ચેક કરી રહ્યા છે.

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો.)

9978918796 અથવા funrangnews@gmail. com પર મેઈલ કરો.    

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat.whatsapp.com/HudhfYxRO090FnzisUr3wz