- સુરતના વેસુ ખાતે રહેતાં મીલ માલીકના પુત્ર કૃણાલ કબુતરવાલા સામે ફરિયાદ.
- પૂર્વ પ્રેમિકાને બચકાં ભરવા ઉપરાંત તેના બોયફ્રેન્ડને દંડાથી માર માર્યો.
- છેડતી અને મારામારીનો ગુનો નોંધાતાં જ કૃણાલ કબુતરવાલા ઉડન છૂ થયો.
FunRang News. નોર્થ ઇસ્ટની યુવતીને તેનો પૂર્વ પ્રેમી કૃણાલ કબુતરવાલા હેરાન કરતો હતો. આ મામલે યુવતી અને તેનો હાલનો બોયફ્રેન્ડ રાત્રે સાડા અગિયાર વાગ્યે કૃણાલના પિતાને ફરિયાદ કરવા ગયા હતાં. જોકે, ગુસ્સે થઈ ગયેલા કૃણાલે પૂર્વ પ્રેમિકાને બચકાં ભર્યા અને તેના બોયફ્રેન્ડને દંડાથી ફટકાર્યો હતો. આ અંગેની ફરિયાદ નોંધાતાં કૃણાલ કબુતરવાલા ઉડન છૂ થઈ ગયો હતો.
સુરતના વેસુ વિસ્તારમાં રહેતો મીલ માલીકનો પુત્ર કૃણાલ કબુતરવાલા નોર્થ ઇસ્ટની એક યુવતી સાથે પ્રેમમાં પડ્યો હતો. જોકે, બાદમાં કૃણાલ વિદેશ ગયો હતો ત્યારે યુવતીને અય એક યુવક સાથે પ્રેમ સંબંધ બંધાઈ ગયો હતો. જેને પગલે પરત ફરેલાં કૃણાલનું પત્તુ યુવતીએ કાપી નાંખ્યું હતું.
છેલ્લાં કેટલાંક સમયથી કૃણાલ તેની પૂર્વ પ્રેમિકાને હેરાન કરી રહ્યો હતો. આ અંગે નોર્થ ઇસ્ટની યુવતીએ પોતાના હાલના બોયફ્રેન્ડને ફરિયાદ કરી હતી. તેમજ તેમણે કૃણાલના પિતાને પણ હેરાનગતિ અંગે ફરિયાદ કરી હતી. રવિવારે રાત્રે સાડા અગિયાર વાગ્યાના સુમારે યુવક અને યુવતી અગમ્ય કારણોસર (હાલના તબક્કે તેઓ રાત્રીના સમયે કેમ ગયાં એની ખબર પડી નથી) વેસુ જેનીલ એન્ટરપ્રાઈઝ બંગલો પર ગયા હતાં.
બંગલાના કમ્પાઉન્ડમાં પૂર્વ પ્રેમિકાને તેન બોયફ્રેન્ડ સાથે જોઈને કૃણાલ ગુસ્સે ભરાયો હતો. તેણે યુવકને દંડો મારી દેતાં તેના માથામાં ઇજા પહોંચી હતી. દંડો વાગવાથી યુવક કમ્પાઉન્ડની બહાર જતો રહ્યો હતો. બંગલાના સિક્યુરિટીવાળાઓએ પણ યુવકને કૃણાલની પાસે આવતાં અટકાવ્યો હતો. દરમિયાનમાં કૃણાલ ઉશ્કેરાઈને યુવતીને માર માર્યો હતો અને બચકાં ભરી લીધા હતાં. આ ઘટનાનો વિડીયો બહાર ઉભેલા યુવકે ઉતારી લીધો હતો.
કૃણાલના ગુસ્સાનો ભોગ બનેલાં યુવક – યુવતી સારવાર માટે હોસ્પિટલમાં પહોંચ્યા હતાં. બાદમાં યુવકની ફરિયાદને આધારે કૃણાલ કબુતરવાલા સામે છેડતી અને મારા મારીનો ગુનો નોંધવામાં આવ્યો હતો. ગુનો નોંધાતાં જ મીલ માલીકનો પુત્ર ભાગી છૂટ્યો હતો. બનાવ અંગે પોલીસ તપાસ હાથ ધરી છે.
(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)
https://chat. whatsapp. com/BFcVIbNaMAO8IlIZ6tInSj
#funrang #Vadodara #Ahmedabad #Surat #Rajkot #Gandhinagar #gujaratnews #gujaratinews #latestnews #newsupdate
(ફનરંગની યૂટ્યૂબ ચેનલ પર જઈ સબસ્ક્રાઈબ કરવા નીચેની લિન્ક પર ક્લિક કરો)
Please subscribe my YouTube channel by clicking this link –
https://www. youtube. com/channel/UCi9Oagp-aUKUjbKKfN6H0gg
