- ગત તા. 10 ડિસેમ્બર 2021ના રોજ આજવા ચોકડી પાસે હાઈવે પર સગીર સહિતના 5 શખ્સોએ લૂંટ કરી હતી.
- નવું નક્કોર સુઝુકી બર્ગમેન તેમજ રોકડા રૂપિયાની લૂંટ ચલાવી હતી.
Mehulkumar Vyas. [9978918796]
વડોદરા | ગત તા. 10 ડિસેમ્બર 2021ના રોજ આજવા ચોકડી પાસે મોડી રાત્રે બે વાગ્યાના સુમારે ચાકુની અણીએ ડરાવી ધમકાવી નવું નક્કોર મોપેડ અને રોકડની લૂંટ ચલાવનાર સગીર સહિતના 5 શખ્સોને વડોદરા ક્રાઈમ બ્રાન્ચે ઝડપી પાડ્યા હતાં.
વાઘોડિયા રોડ પર બાપોદ વુડા મકાનમાં રહેતો 22 વર્ષિય સંજય ઉર્ફે કાણી જશુભાઈ પરમાર ગુનાઈત ભૂતકાળ ધરાવે છે. હત્યાનો પ્રયાસ, સગીરાનું અપહરણ, દુષ્કર્મ, વાહન ચોરી, ઇંગ્લિશ દારૂ, મારામારી વગેરેના ગુનાઓમાં સંજય પકડાયેલો છે. તેમજ બાપોદ વુડાના મકાનમાં રેહતાં 18 વર્ષિય રોહીત ઇશ્વરભાઈ વસાવા, 22 વર્ષિય રૂત્વિક ચંદ્રકાન્ત રાજપૂત તેમજ અર્બન રેસીડેન્સી પ્રધાનમંત્રી આવાસમાં રેહતા હર્ષ દીલીપભાઈ મૌર્ય અગાઉ ઇંગ્લિશ દારૂ તેમજ મારામારીના ગુનામાં પકડાયેલા હતાં.
ગત તા. 10 ડિસેમ્બર 2021ના રોજ રાત્રે બે વાગ્યાના અરસામાં આજવા ચોકડી પાસે હાઈવે પર નવી નક્કોર મોપેડ જતાં જોઈ સંજય પરમાર સહિતના શખ્સો તેમજ એક સગીરે લૂંટ કરવાનો પ્લાન બનાવ્યો હતો. સગીર સહિતના પાંચેય શખ્સોએ મોપેડને આંતર્યું હતું. તેમજ ચાકુની અણીએ ડરાવી ધમકાવી મોપેડ તેમજ રોકડ રૂ. 200 લૂંટીને ફરાર થઈ ગયા હતાં. આ અંગે બાપોદ પોલીસ મથકમાં ગુનો દાખલ થયો હતો.
લૂંટના બનાવ અંગે સીસીટીવી ફૂટેજ, ટેક્નિકલ અને હ્યુમન સોર્સ આધારે તપાસ કરી ક્રાઈમ બ્રાન્ચે આજરોજ સગીર સહિતના પાંચેય લૂંટારાંઓને ઝડપી પાડ્યા હતાં. તેઓની પાસેથી બે ટુ-વ્હિલર, પાંચ મોબાઈલ ફોન અને હથિયાર ગુપ્તી મળી રૂ. 2,19,300નો મુદ્દામાલ કબજે કર્યો હતો.
મોપેડની લૂંટ ચલાવનાર શખ્સોને ઝડપી પાડવામાં ક્રાઈમ બ્રાન્ચના પો.સ.ઈ. એસ.એમ. ભરવાડ તથા સ્ટાફના હર્ષદકુમાર, શક્તિસિંહ, રાકેશ, કુલદીપ, સંજય, સુરેશ, જૈનુલભાઈ, ભુપેન્દ્રસિંહ, રણજીતસિંહ, કુંદન દ્વારા સારી કામગીરી કરવામાં આવી હતી.
😀 (FunRang Joke) 😀
ભદો છોકરી જોવા ગયો, તો સાથે મિત્ર પકડુંને લેતો ગયો.
છોકરીવાળાએ પુછ્યું કે ભદાભાઈ કેટલું ભણ્યાં છો?
તો પકડુંએ જવાબ આપ્યો, MF IAS…
છોકરીવાળાને લાગ્યું કે આ ડિગ્રી વિશે પુછીશું તો આપણે અભણ લાગીશું. એટલે બહુ ચર્ચા ના કરી… પણ, છોકરીવાળાના ઘરેથી નિકળ્યા બાદ ભદાએ પકડુંને પછ્યું કે, MF IASનો અર્થ શું?
પકડું કહે, મેટ્રિક ફેઈલ ઇન ઓલ સબ્જેક્ટ
(દાંડિયા બજાર વિસ્તારમાં ઓફિસ ભાડે – વેચાણ)
દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111
(ધાર્મિક – સામાજીક કાર્યક્રમો અંગેના વિડીયો – ફોટોગ્રાફ્સ સાથેની માહિતી નીચેના નંબર પર વ્હોટ્સેપ કરો.)
9978918796 અથવા 7016576415
(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)
https://chat.whatsapp.com/HudhfYxRO090FnzisUr3wz
(ફનરંગની યૂટ્યૂબ ચેનલ પર જઈ સબસ્ક્રાઈબ કરવા નીચેની લિન્ક પર ક્લિક કરો)
https://www. youtube. com/channel/UCi9Oagp-aUKUjbKKfN6H0gg