- તાંદલજામાં મેકડૉવેલ્સ નં. 1 વ્હીસ્કીની 3744 બોટલ ઝડપી પાડી, પોલીસ ચોપડે 1 બોટલની કિંમત માત્ર રૂ. 100
- ફતેપુરા હુજરત પાગાની બુટલેગર રાધાબહેન કહારના ઘરમાંથી રોયલ વ્હિસ્કીના 96 પાઉચ ઝડપાયા.
FunRang News. શહેરમાં નાતાલ અને થર્ટી ફર્સ્ટ લોકો કોરે કોરી ઉજવે એ માટે વડોદરા પોલીસ તંત્ર એક્શનમાં આવ્યું છે. ત્યારે ક્રાઈમ બ્રાન્ચ દ્વારા તાંદલજા અને ફતેપુરાના બુટલેગરનું ‘હેપ્પી ન્યૂ યર’ બગાડવામાં આવ્યું છે.
વડોદરા પોલીસ કમિશનર ડૉ. શમશેરસિંઘ સહિતના ઉચ્ચ અધિકારીઓ દ્વારા શહેરમાં પ્રોહીબિશન, જુગારની પ્રવૃત્તિ નેસ્તાનાબુદ કરવાની સુચના આપવામાં આવી છે. જેને પગલે ક્રાઈમ બ્રાન્ચના ડીસીપી જયદિપસિંહ જાડેજા, એસીપી ડી. એસ. ચૌહાણના માર્ગદર્શન હેઠળ ક્રાઈમ બ્રાન્ચના પી.આઈ આર. એ. જાડેજાની દોરવણીમાં દારૂનો જથ્થો ઝડપી પાડવામાં આવ્યો હતો.
તાંદલજા ગામ પાછળ આવેલા એકતાનગર પાસે કાળી તલાવડી ખાતે આવેલા ગોડાઉનમાં અંગ્રેજી દારૂનો જથ્થો હોવાની બાતમીને આધારે ત્રાટકેલી ક્રાઈમ બ્રાન્ચની ટીમે મેકડૉવેલ્સ નં.1 બ્રાન્ડની વ્હિસ્કીની 3744 (78 પેટી) બોટલ ઝડપી પાડી હતી. રૂ. 3,74,400ની કિંમતનો (શક્યતઃ ક્વાર્ટરીયા હોવાથી પ્રતિ બોટલ રૂ. 100 ના હિસાબે) ઝડપાયેલો દારૂનો જથ્થો રાજસ્થાનના બાડમેર ખાતે રહેતા રામકિશન સોહનલાલનો હોવાની વિગતો સપાટી પર આવી હતી. ગોડાઉન ભાડે રાખી દારૂનો વેપલો કરી તહેવાર ટાણે કમાણી કરી લેવાની ગણતરી કરનાર રામકીશન સામે ગુનો નોંધી, આગળની કાર્યવાહી જે.પી.રોડ પોલીસને સોંપાઈ હતી.
ક્રાઈમ બ્રાન્ચની અન્ય એક ટીમે ફતેપુરા હુજરત પાગા ખાતે રહેતી બુટલેગર રાધાબહેન અમરીશભાઈ કહારના ઘરે દરોડો પાડ્યો હતો. જેમાં રોયલ વ્હિસ્કીના રૂ. 9600ની કિંમતના (પ્રતિ પાઉચ રૂ. 100ના ભાવના) 96 પાઉચ ઝડપી પાડ્યા હતાં. રાધાબહેન કહાર સામે ગુનો નોંધી વધુ તપાસ સિટી પોલીસ મથકને સોંપવામાં આવી હતી.
દારૂનો જથ્થો ઝડપી પાડવામાં ક્રાઈમ બ્રાન્ચના પી.એસ.આઈ. આર. કે. ટોરાણી તથા સ્ટાફના શક્તિસિંહ, હર્ષદભાઈ, રાકેશભાઈ, જૈનુલ આબેદ્દિન, રણજીતસિંહ, નયનાબહેને સારી કામગીરી કરી હતી.
(આપના કોઈ મિત્રને કે પરિચિતને ફનરંગ ન્યૂઝના વોટ્સએપ ગ્રૂપમાં જોડાવાની ઇચ્છા હોય તો આ ન્યૂઝ એમને ફોરવર્ડ કરો. નીચેની તસવીર પર ક્લિક કરવાથી એ વોટ્સએપ ગ્રૂપમાં જોડાઈ શકશે. )
#funrang #Vadodara #Ahmedabad #Surat #Rajkot #Gandhinagar #gujaratnews #gujaratinews #latestnews #newsupdate
(ફનરંગની યૂટ્યૂબ ચેનલ પર જઈ સબસ્ક્રાઈબ કરવા નીચેની લિન્ક પર ક્લિક કરો)
Please subscribe my YouTube channel by clicking this link –
https://www. youtube. com/channel/UCi9Oagp-aUKUjbKKfN6H0gg