- ધડાકો દોઢ કિમી દૂર સુધી સંભળાયો.
- કંપની પાસે આવેલા મકાનોની દિવાલો તૂટી.
- ધડાકાને પગલે જીઆઈડીસીમાં ભારે ઉત્તેજના વ્યાપી.
FunRang News. વડોદરાની મકરપુરા GIDC ખાતે આવેલી કેન્ટોન લેબોરેટરીઝમાં આજે સવારે પ્રચંડ વિસ્ફોટ સાથે બોઈલર ફાટ્યું હતું. બોઈલર ફાટ્યા બાદ આગ લાગી ગઈ હતી. બોઈલર નીચે દબાઈ જવાને કારણે 4 કામદારોના મૃત્યુ થયા હતાં જ્યારે 14 જેટલાં કામદાર ઇજા પામ્યા હતાં. બનાવને પગલે ભારે ઉત્તેજના વ્યાપી ગઈ હતી. ફાયર બ્રિગેડ દ્વારા આગ પર કાબૂ મેળવીને કાટમાળ હટાવવાની કામગીરી હાથ ધરવામાં આવી હતી.
કેન્ટોલ લેબોરેટરીઝ કંપનીમાં બોઈલરની પાસે જ કામદારના પરિવારને રહેવા માટે ગેરકાયદે મકાન બાંધ્યા છે. ગેરકાયદે બનાવાયેલા કામદાર રહેણાંકની પાસે જ આવેલું બોઈલર આજે સવારના સમયે ફાટ્યું હતું. પ્રચંડ વિસ્ફોટ દોઢ કિમી સુધી સંભળાયો હતો. જ્યારે કામદારોના મકાનોની દિવાલો તૂટી જવા પામી હતી.
(Watch Now) આજે ગુજરાતી ન્યૂઝપેપર્સમાં પ્રસિદ્ધ થયેલાં કાર્ટૂન્સ
બનાવને પગલે ટોળાં એકઠાં થયા હતાં. બોઈલરની નીચે દબાઈ જવાને કારણે 4 કામદારના મૃત્યુ થયા હતાં. તેમજ નાના બાળકો – મહિલાઓ સહિત 14 જેટલાં લોકોને ઇજા પહોંચી હતી. તેઓને 108 મારફતે હોસ્પિટલમાં ખસેડવામાં આવ્યા હતાં. જ્યારે બોઈલર નીચે કામદાર દબાયા હોવાની આશંકા છે.
બનાવ અંગે જાણ થતાં દોડી ગયેલા ફાયર બ્રિગેડના લાશ્કરોએ કપનીનું વીજ કનેક્શન કાપીને આગ પર કાબૂ મેળવ્યો હતો. ત્યારબાદ બોઈલરના કાટમાળને ખસેડવાની કામગીરી હાથ ધરી હતી. પ્રાથમિક તબક્કે ટેમ્પરેચર મેઇન્ટેઈન કરવામાં ના આવ્યું હોવાના કારણે બોઈલર ફાટ્યું હોવાનું અનુમાન લગાવવામાં આવી રહ્યું છે.
(આપના કોઈ મિત્રને કે પરિચિતને ફનરંગ ન્યૂઝના વોટ્સએપ ગ્રૂપમાં જોડાવાની ઇચ્છા હોય તો આ ન્યૂઝ એમને ફોરવર્ડ કરો. નીચેની તસવીર પર ક્લિક કરવાથી એ વોટ્સએપ ગ્રૂપમાં જોડાઈ શકશે. )
#funrang #Vadodara #Ahmedabad #Surat #Rajkot #Gandhinagar #gujaratnews #gujaratinews #latestnews #newsupdate
(ફનરંગની યૂટ્યૂબ ચેનલ પર જઈ સબસ્ક્રાઈબ કરવા નીચેની લિન્ક પર ક્લિક કરો)
Please subscribe my YouTube channel by clicking this link –
https://www. youtube. com/channel/UCi9Oagp-aUKUjbKKfN6H0gg