પાણીપુરી વેચનાર શખ્સને તિક્ષ્ણ હથિયારના ઘા મારી પતાવી નાંખતાં માથાભારે શખ્સો

• વડોદરાના ખોડીયારનગર વુડાના આવાસમાં બનેલી ઘટના.
• સોમવારે બપોરે પાણીપુરી લૂંટી ગયેલાં શખ્સો સામે યુવકે ફરિયાદ નોંધાવી હતી.
• મોડી રાત્રે દારૂનો નશો કરી માથાભારે શખ્સોએ ફરિયાદની અદાવતે યુવકને રહેંસી નાંખ્યો.

[Mehulkumar Vyas – 9978918796]

વડોદરા । શહેરના ખોડીયારનગર વુડાના આવાસ પાસે રહેતાં પાણીપુરી વેચનાર યુવકને કેટલાંક માથાભારે શખ્સોએ દારૂનો નશો કરી રહેંસી નાંખ્યો હતો. સોમવારે પાણીપુરી લૂંટનાર માથાભારે શખ્સો સામે યુવાને બાપોદ પોલીસ મથકમાં ફરિયાદ નોંધાવી હતી. જેની અદાવત રાખે માથાભારે શખ્સોએ મોડી રાત્રે પાણીપુરી વેચતાં યુવકને તિક્ષ્ણ હથિયારના ઘા ઝીંકી પતાવી નાંખ્યો હતો. હત્યાના બનાવને પગલે વિસ્તારમાં ભારે ચકચાર મચી ગઈ હતી. બનાવ અંગે હરણી પોલીસે તપાસ હાથ ધરી છે.

ખોડીયારનગર સ્થિત મારૂતિનગરમાં રહેતો સુધીર ઉર્ફે ટુમટુમ કમલેશ રાજપૂત પાણીપુરી વેચવાની લારી ચલાવતો હતો. સોમવારે બપોરે સુધીર રાજપૂત લારી લઈને નિકળ્યો હતો. ત્યાં સફેદ વુડાના મકાન પાસે કેટલાંક માથાભારે શખ્સોએ તેની લારી રોકી પાણીપુરી ખાધી હતી. પાણીપુરી ખાધા બાદ નાણાં બાબતે ઝગડો કરી માથાભારે શખ્સોએ સુધીરને માર માર્યો હતો. તેમજ પાણીપુરીની લૂંટ ચલાવી નાંસી ગયા હતાં.

પાણીપુરીની લૂંટ અંગે સુધીર રાજપૂતે નોંધાવેલી ફરિયાદને આધારે બાપોદ પોલીસે માથાભારે શખ્સોની અટકાયત કરી હતી. સામાન્ય ઝગડાનો મામલો હોવાથી માથાભારે શખ્સો થોડા જ સમયમાં જામીન પર છુટી ગયા હતાં. જોકે, પોલીસ ફરિયાદ કરનાર પાણીપુરી વેચનાર યુવક પર ખાર રાખ્યો હતો. ગત મોડી રાત્રે માથાભારે શખ્સો દારૂનો નશો કરીને સુધીર રાજપૂતના ઘરે પહોંચી ગયા હતાં. અને તિક્ષ્ણ હથિયારના ઘા મારી હત્યા કરી દીધી હતી. બાદમાં મૃતદેહને હરણી પોલીસની હદમાં મુકી નાસી છૂટ્યા હતાં.

આજે સવારે સુધીર રાજપૂતનો મૃતદેહ મળી આવ્યો હોવાની જાણ થતાં હરણી પોલીસ બનાવ સ્થળે દોડી ગઈ હતી. હત્યાના બનાવની વાત પ્રસરતા ભારે ચકચાર મચી ગઈ હતી. સુધીરનો મૃતદેહ મળી આવ્યો તે સ્થળે દેશી દારૂની ખાલી પોટલીઓ મળી આવી હતી. જેને પગલે દારૂનો નશો કરીને હત્યા કરી હોવાનું પ્રાથમિક તબક્કે સપાટી પર આવ્યું છે. પોલીસે વધુ તપાસ હાથ ધરી છે.

(આજનો Funrang જોક)

પકડું – ટાઈગર તને ખબર છે, ઇઝરાઈલના વડાપ્રધાનને ક્યારેય નેટનો પ્રોબ્લમ નથી આવતો?

ટાઈગર – કેમ? 

પકડું – કારણ કે, નેટ ન્યા હું…

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો. )

9978918796 અથવા mehul. v. vyas@gmail. com / funrangnews@gmail. com પર મેઈલ કરો.

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat. whatsapp. com/HudhfYxRO090FnzisUr3wz