🐰 બેખબર સસલું કૂદતું કૂદતું દીપડાના ‘મોંમાં’ જઈ પડ્યું… (જુઓ વિડીયો) 🐰

• વડોદરા શહેર પાસેના ઈંટોલા ખાતે દીપડાએ કર્યો સસલાંનો શિકાર.
• મોડી રાત્રે કારમાં પસાર થતાં સ્થાનિક ખેડૂત દ્વારા વિડીયો શૂટિંગ કરાયું.  

[Funrang Founder / Editor – Mr.  Mehulkumar Vyas – 9978918796]

વડોદરા । દીપડાને શિકાર કરતો જોવો એ એક દુર્લભ ઘટના હોય છે. વડોદરા શહેર પાસેના ઈંટોલા ગામની સીમમાંથી મોડી રાત્રે કારમાં પસાર થતાં એક સ્થાનિક ખેડૂતને આવી જ એક દુર્લભ ઘટના જોવા મળી. દીપડાના શિકારનો વિડીયો હાલ સોશિયલ મિડીયામાં વાઈરલ થઈ રહ્યો છે.

માનવ વસાહતની આસપાસ દીપડા ફરતાં હોય છે પરંતુ, ભાગ્યે જ એ લોકોની નજરે ચડતાં હોય છે. છેલ્લાં દસ વર્ષમાં દીપડાઓની સંખ્યામાં 30 ટકાનો વધારો થયો હોવાની વિગતો ગત જાન્યુઆરી 2021માં વનમંત્રી ગણપત વસાવાએ જાહેર કરી હતી. હાલના સમયમાં કુલ દીપડાઓ પૈકી 34 ટકા એટલે કે આશરે 470 જેટલાં દીપડા માનવ વસાહતની આસપાસ વસવાટ કરી રહ્યા છે.

વડોદરા શહેર આસપાસના વિસ્તારના ગામોમાં દીપડા જોવા મળી જતાં હોય છે. વિશ્વામિત્રી નદીના કોતરો તેમજ મહિસાગર નદીના કોતરોમાં પણ દીપડાઓ વસવાટ કરતાં હોય છે. ત્યારે ઈંટોલા ગામનો એક ખેડૂત મોડી રાત્રે કારમાં ગામની સીમમાંથી પસાર થઈ રહ્યો હતો. સામાન્ય રીતે વાહનની લાઈટ પડવાથી અને વાહનની અવર જવર થવાથી દીપડા ઝાળી – ઝાંખરામાં જતાં રહેતાં હોય છે.

પરંતુ, ઇંટોલાના ખેડૂતની નજરે પડેલો દીપડો બિન્દાસ્ત પણે રસ્તાની ધાર પર આરામથી ચાલતો આગળ જઈ રહ્યો હતો. તેથી ખેડૂતે દીપડાનો વિડીયો ઉતારવાનું શરૂ કર્યું. થોડીવારમાં દીપડો અચાનક શિકાર કરવાની મુદ્રા ધારણ કરીને બેસી ગયો. પળવારમાં સામેથી એક સસલું કૂદતું કૂદતું દિપડા તરફ આવતું જોવા મળ્યું. સસલું હજી કંઈ સમજે એ પહેલાં તો દીપડાએ તરાપ મારીને એનો શિકાર કરી નાંખ્યો અને સમગ્ર ઘટનાને ખેડૂતે મોબાઈલથી શૂટ કરી લીધી હતી.

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો. )

9978918796 અથવા funrangnews@gmail.com પર મેઈલ કરો.

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat. whatsapp. com/HudhfYxRO090FnzisUr3wz