- તા. 17 ફેબ્રુઆરીના રોજ એક્ટિવા સવાર સુફીયાનની કાર ચાલક સાથે તકરાર થઈ હતી.
- તકરારની અદાવત રાખી સુફીયાને કાર ચાલકના પેટ અને છાતી પર ચાકુના ઘા ઝીંક્યા હતાં.
[Mehulkumar Vyas – 9978918796]
વડોદરા । ગત તા. 17 ફેબ્રુઆરી રોજ અટલાદરા વિસ્તારમાં નજીવી બાબતે એક શખ્સે કાર ચાલકના પેટ અને છાતી પર ચાકુના ઘા ઝીંક્યા હતાં. કાર ચાલકે અજાણ્યા હુમલાખોર સામે જે.પી. રોડ પોલીસ મથકમાં ફરિયાદ નોંધાવી હતી. હત્યાનો પ્રયાસ કરનાર શખ્સને ઓળખી ક્રાઈમ બ્રાન્ચે ગણતરીના સમયમાં ઝડપી પાડ્યો હતો.
17 ફેબ્રુઆરીના રોજ રેતી ભરેલી ટ્રકને ભાયલી તરફ ખાલી કરાવવા માટે એક શખ્સ પોતાની સીયાઝ કારમાં નિકળ્યો હતો. દરમિયાનમાં અટલાદરા ફાટક પાસે કારનો ટર્ન લેતી વખતે પાદરા તરફથી એક્ટિવા પર આવેલા અજાણ્યા શખ્સને ચાલકે બ્રેક મારી હતી. જેના મામલે એક્ટિવા સવાર અજાણ્યા શખ્સ અને કારચાલક વચ્ચે ચકમક ઝરી હતી. જોકે, એક્ટિવા સવાર અજાણ્યો શખ્સ ત્યાંથી જતો રહ્યો હતો.
બાદમાં સાંજે પાંચ વાગ્યાના સુમારે રેતીની ટ્રકની રાહ જોવા માટે ચાલકે કાર બ્રહ્મકુમારી મંદિર ત્રણ રસ્તા પાસે રોડની સાઈડમાં ઉભી રાખી હતી. ત્યારે એક્ટિવા સવાર શખ્સ ત્યાં ધસી આવ્યો હતો અને કારની બ્રેક મારવાના મુદ્દે બિભત્સ ગાળો ભાંડી હતી. ઝગડા દરમિયાન અચાનક ધારદાર રામપુરી ચાલુ કાઢી કારમાં બેઠેલા ચાલક પર હુમલો કર્યો હતો. નજીવી બાબતે કાર ચાલકના પેટ અને છાતી પર ચાકુના ઘા ઝીંક્યા હતાં. જોકે, ચાલકે સમયસૂચકતા વાપરીને પાવર વિંડો બંધ કરી દેતાં હુમલાખોરે હાથ ખેંચી લીધો હતો અને ત્યાંથી નાસી છૂટ્યો હતો.
નજીવી બાબતે હત્યાના પ્રયાસ અંગેનો ગુનો જે.પી. રોડ પોલીસ મથકમાં નોંધાવવામાં આવ્યો હતો. જેને પગલે અજાણ્યા આરોપીને શોધી કાઢવા માટે ક્રાઈમ બ્રાન્ચના પી.આઈ. આર.એ. જાડેજાની દોરવણી હેઠળ ટીમ એક્શનમાં આવી હતી. સીસીટીવી ફૂટેજ અને હ્યુમન સોર્સ આધારીત તપાસ કરતાં ક્રાઈમ બ્રાન્ચને જાણવા મળ્યું કે હુમલાખોર સુફીયાન સિકંદરખાન પઠાણ (રહે. ફતેપુરા, પાંજરીગર મહોલ્લો) હતો.
સુફીયાન પોલીસથી બચવા માટે નાસતો ફરતો હતો, જોકે, ક્રાઈમ બ્રાન્ચની ટીમે તેને એક્ટિવા સાથે ઝડપી પાડ્યો હતો. અને જે. પી. રોડ પોલીસને સોંપવા તજવીજ હાથ ધરી હતી. સુફીયાન પઠાણને ઝડપી પાડવામાં ક્રાઈમ બ્રાન્ચના પી.એસ.આઈ. આર. કે. ટોરાણી તથા સ્ટાફના હર્ષદકુમાર, રાકેશભાઈ, શક્તિસિંહ, વિક્રમસિંહ, જૈનુલઆબેદ્દિન, સંજયભાઈ, વિશાલસિંહ, કુંદનભાઈ દ્વારા સારી કામગીરી કરવામાં આવી હતી.
(આજનો Funrang જોક)
ટાઈગર – યાર, કાલે તો દિપાલી જોડે ઝગડો થઈ ગયો…
પકડું – કેમ શું થયું?
ટાઈગર – દિપાલી મને કહે કે હું રક્ષાબંધન પર રાખડી બાંધવા આવું છું તો તું બંધાવતો કેમ નથી?
પકડું – બરોબર છે… કેમ નથી બંધાવતો?
ટાઈગર – મેં એને કીધું કે કાલે તારા માટે મંગળસૂત્ર લઇને આવું તો તું બંધાવીશ? બસ આ વાતે ઝગડો થઈ ગયો…
Funrang classified
(દાંડિયા બજાર વિસ્તારમાં ઓફિસ ભાડે – વેચાણ)
દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111
(ધાર્મિક – સામાજીક કાર્યક્રમો અંગે જાણકારી આપો. )
9978918796 અથવા mehul. v. vyas@gmail. com / funrangnews@gmail. com પર મેઈલ કરો.
(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)
https://chat. whatsapp. com/HudhfYxRO090FnzisUr3wz