- સગીરા પોતાના મંગેતર સાથે નવલખી કમ્પાઉન્ડમાં બેઠી હતી ત્યારે બે અજાણ્યા શખ્સ ધસી આવ્યા હતાં.
- મંગેતરને માર મારી ભગાડ્યા બાદ ઝાડીમાં લઈ જઈ બંને આરોપીઓએ સામુહિક દુષ્કર્મ ગુજાર્યું હતું.
- ઘટનાના બે વર્ષ બે માસ બાદ ગુનેગારોને મળી સજા.
[Mehulkumar Vyas – 9978918796]
વડોદરા । શહેરના નવલખી ગેંગરેપ કેસમાં આજરોજ વડોદરા કોર્ટે બંને આરોપીઓને અંતિમ શ્વાસ સુધી આજીવન કેદની સજા ફટકારી હતી. અત્રે ઉલ્લેખનિય છે કે, નવલખી ગેંગરેપ કેસે રાજ્યભરમાં ભારે ચકચાર જગાવી હતી. આરોપીઓને શોધી કાઢવા માટે પોલીસ વિભાગ દ્વારા ભારે જહેમત ઉઠાવવામાં આવી હતી. અંધારામાં બીડી અને તાપણાંના અજવાળે બળાત્કારીઓને જોનાર સગીરાએ કરેલા વર્ણનને આધારે સ્કેચ બનાવવામાં આવ્યા હતાં.
તા. 28 નવેમ્બર 2019ના રોજ મોડી સાંજે 14 વર્ષ 8 માસની ઉંમરની સગીરા તેના મંગેતર સાથે નવલખી કમ્પાઉન્ડમાં બેસવા ગઈ હતી. થોડાક અંતરિયાળ વિસ્તારમાં ટુ-વ્હિલર પર સગીરા તેના મંગેતર સાથે બેઠી હતી. દરમિયાનમાં કિશન માથાસુરિયા અને જશા સોલંકી ત્યાં ધસી આવ્યા હતાં. તેમણે પોલીસ તરીકે ઓળખાણ આપ્યા બાદ ધાકધમકી આપવા સાથે માર મારીને મંગેતરને ત્યાંથી ભગાડી મૂક્યો હતો.
સગીર મંગેતર મદદ પ્રાપ્ત કરીને પરત આવે ત્યાં સુધીમાં કિશન અને જશો સગીરાને નવલખી કમ્પાઉન્ડની અંદર અવાવરું જગ્યાએ દિવાલની પાછળ ખેંચી ગયા હતાં. પોલીસ સહિતના લોકો નવલખી કમ્પાઉન્ડમાં સગીરાની શોધખોળ કરતાં હતાં. ત્યાં સુધીમાં બંને નરાધમોએ સગીરાને માર મારવા સાથે બળાત્કાર ગુજાર્યો હતો. નરાધમોએ સગીરાના ગુપ્ત ભાગ પર નખોરીયા પણ ભર્યા હતાં. તેમજ સગીરા પાસે મુખ મૈથુન પણ કરાવ્યું હતું.
સગીરા પર બળાત્કાર ગુજારતી વેળાએ નરાધમોએ બીડી સળગાવીને તાપણું કર્યું હતું. અને એ અજવાળામાં સગીરાએ બંને નરાધમોના ચહેરા જોયા હતાં. જેને આધારે સ્કેચ બનાવીને શોધખોળ હાથ ધરવામાં આવી હતી. આ બનાવને પગલે ભારે ચકચાર મચી જવા પામી હતી. લગભગ 4 લાખ મોબાઈલ ડેટા તપાસ્યા બાદ પોલીસને આરોપીઓ અંગે કડી મળી હતી..
આરોપીઓની ધરપકડ બાદ માત્ર 45 દિવસમાં ક્રાઈમ બ્રાન્ચે તપાસ પુરી કરી હતી. અને કેસ ફાસ્ટ ટ્રેક કોર્ટમાં ચાલ્યો હતો. જેને પગલે બનાવના લગભગ બે વર્ષને બે મહિના બાદ આજરોજ કોર્ટે ચુકાદો સંભળાવ્યો હતો. કોર્ટે બંનેને પોક્સોની કલમ 6/1 અંતર્ગત દોષિત ઠેરવ્યા હતાં. કોર્ટે બંને આરોપીઓને ફાંસીની સજા કરવાની સરકારી વકિલની માંગણીને સ્વિકારી નહોતી. પરંતુ, બંને ગુનેગારોને આમરણાંત આજીવન કેદની સજા ફટકારી હતી.
(આજનો Funrang જોક)
ટાઈગર – પકડું, આજે એક છોકરીએ બસમાં મારી સાથે વાત કરી…
પકડું – અરે વાહ… શું વાત કરી?
ટાઈગર – ઉભા થાવ, આ લેડિઝ સીટ છે.
(દાંડિયા બજાર વિસ્તારમાં ઓફિસ ભાડે – વેચાણ)
દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111
(ધાર્મિક – સામાજીક કાર્યક્રમો અંગે જાણકારી આપો. )
9978918796 અથવા mehul. v. vyas@gmail. com / funrangnews@gmail. com પર મેઈલ કરો.
(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)
https://chat. whatsapp. com/HudhfYxRO090FnzisUr3wz