🤜🏻 રવિવારે મોડી રાત્રે બે કોમના જૂથ વચ્ચે થયેલી અથડામણમાં 19 ધમાલિયાઓની ધરપકડ 🤛🏻

• અમદાવાદી પોળ પાસે સર્જાયેલા અકસ્માતના બનાવ બાદ બે કોમના જૂથ વચ્ચે અથડામણ સર્જાઈ.
• તોફાની તત્વોએ કોઠી પોળમાં સાંઈબાબાની પ્રતિમા તોડી તેમજ પત્થરમારો અને વાહનોની તોડફોડ કરી.
• બનાવ અંગે કારેલીબાગ અને રાવપુરા પોલીસ મથકમાં અલગ અલગ ગુના નોંધાયા.
• કારેલીબાગ પોલીસ મથકમાં નોંધાયેલા ગુનામાં 19 ધમાલિયા તત્વોની ધરપકડ કરવામાં આવી.
• રાવપુરા પોલીસે ત્રણ શખ્સોની ધરપકડ કરી.
• શહેરની શાંતિ જાળવવામાં આવે તેવી પોલીસ કમિશનર ડૉ. શમશેરસિંહની જાહેર જનતાને અપીલ.

[Funrang Founder / Editor – Mr. Mehulkumar Vyas – 9978918796]

વડોદરા । રવિવારે મોડી રાત્રે વડોદરા શહેરના હાર્દ સમા રાવપુરા રોડ પર આવેલી અમદાવાદી પોળ પાસે સર્જાયેલા અકસ્માતને પગલે બે કોમના જૂથો વચ્ચે અથડામણ સર્જાઈ હતી. લઘુ મતિ કોમના ટોળાંએ નજીવી બાબતે શહેરની શાંતિને પલીતો ચાંપ્યો હતો અને કોઠી પોળમાં સાંઈ બાબાની પ્રતિમા તોડીને એક રીતે શહેરભરમાં દિવસો સુધી અશાંતિ સ્થપાય તેવો પ્રયાસ કર્યો હતો. જોકે, પોલીસ તંત્ર દ્વારા સત્વરે કાર્યવાહી કરીને ધમાલિયા તત્વોને ઝડપી પાડવામાં આવ્યા હતાં. અત્રે ઉલ્લેખનિય છે કે, અકસ્માતની નજીવી બાબતે જ કોમી છમકલું કરાયું કે પછી શહેરની શાંતિ ડહોળવાનો આ પ્રયાસ હતો? તે અંગે પોલીસે તપાસ હાથ ધરી છે.

રામનવમી અને ત્યારબાદ હનુમાન જયંતિ ટાણે ગુજરાત સહિત દેશના અલગ અલગ ઠેકાણે કોમી તંગદીલીનું વાતાવરણ સર્જાયું હતું. જોકે, કોમી રખમાણોને નિંદનિય ભૂતકાળ ધરાવતાં વડોદરા શહેરમાં શાંતિ છવાયેલી હતી. પરંતુ જાણે ધમાલિયા તત્વોને જાણે શહેરની શાંતિ આંખમાં કણાની માફક ખૂંચતી હોય એમ રવિવારે મોડી રાત્રે નજીવી બાબતે બે કોમ વચ્ચે જૂથ અથડામણની ઘટનાને પગલે તંગદીલી છવાઈ ગઈ હતી.

ધમાલિયાં તત્વોએ પત્થમારો કરવા સાથે વાહનોની તોડફોડ કરી હતી. અમદાવાદી પોળ પાસે સર્જાયેલી ઘટનાને પગલે કોઠી પોળમાં સાંઈ બાબાની પ્રતિમા તોડી નાંખવામાં આવી હતી. નજીવા અકસ્માતને પગલે સર્જાયેલી જૂથ અથડામણની ઘટનાને પગલે પોલીસ કમિશનર ડૉ. શમશેરસિંહ સહિત પોલીસ અધિકારીઓ અને કર્મચારીઓ દોડી આવ્યા હતાં.

આજરોજ પોલીસ કમિશનર ડૉ. શમશેરસિંહે જણાવ્યું હતું કે, રાવપુરા પોલીસ મથકમાં 8 જેટલાં શખ્સો સામે અકસ્માતનો ગુનો નોંધાયો હતો. તેમજ કારેલીબાગ પોલીસ મથકમાં 25થી વધુ શખ્સો સામે રાયોટિંગનો ગુનો નોંધવામાં આવ્યો હતો. પોલીસે રાતોરાત અકસ્માતના ગુનામાં ત્રણ શખ્સોને ઝડપી પાડ્યા હતાં. જ્યારે કારેલીબાગ પોલીસ મથકમાં નોંધાયેલા રાયોટિંગના ગુનામાં 19 ધમાલિયા તત્વોને રાત્રે જ ઝડપી પાડવામાં આવ્યા હતાં. અને વધુ શખ્સોની શોધખોળ હાથ ધરવામાં આવી છે. શહેરમાં તંગદીલી ના છવાયે તે માટે પોલીસે ચુસ્ત બંદોબસ્ત તેમજ પેટ્રોલિંગ ગોઠવી દેવામાં આવ્યું છે.

હાલ શહેરમાં શાંતિ સ્થપાયેલી છે ત્યારે શહેરના સંવેદનશીલ વિસ્તારોમાં પોલીસ બંદોબસ્ત ગોઠવી દેવાયો છે. આ તબક્કે પોલીસ કમિશનર ડૉ. શમશેરસિંહે શહેરની શાંતિ અકબંધ રાખવા માટે શહેરીજનોને અપીલ કરી છે.

કારેલીબાગ પોલીસ મથકમાં નોંધાયેલા ગુનામાં સંડોવાયેલા લોકો

અબ્દુલ રસીદ અબ્દુલ મઝીદ શેખ, મોહમદ ફેઈઝ આરીફભાઈ શેખ, એહઝાઝ હનીફ મહોમદ શેખ, અબ્દુલ હનનાન શેખ, સૈયદ મુસફર અયુબભાઈ, મહોમદજાદ રસીદભાઈ શેખ, વારીસખાન તોફીક ખાન, મોહમદ ઇમ્તીયાઝ ઇબ્રાહીમભાઈ વાકીયાવાલા, મોહમદ ઝુબેર મલેગ દુધવાલા, ઇમરાન યુસુફખાન પઠાણ, શેખ હમીદ અબ્દુલ રહીમ, મહોમદ ફેક ફરીદમીયા શેખ, આકીબ મહોમદ શકીબ શેખ, ઉસ્માન શબીરભાઈ જનતાવાલા, શેખ શમદ અબ્દુલ રહીમ, મહોમદ જુનેદ આસીફમીયા શેખ, મોહમદ ઓવેસ અબ્દુલ હમીર શેખ, શેખ મહોમદ સકીલ અબ્દુલ રહીમ, મહોમદ આરીફ ઇકબાલ દુધવાલા તથા ફૈલજમીયાં ફરીદમીયા શેખ તેમજ બીજા વીસથી પચ્ચીસ જેટલાં અન્ય શખ્સોનું ટોળું.

(આજનો Funrang જોક)

ચમન – યાર મમ્મીએ ઉઠાડવાનો નવો આઈડિયા લગાડ્યો છે.

અમન – કેમ શું કરે છે?

ચમન – સવારે ધીમેથી આવીને કહે છે, ઉઠી જા… તારા બાપા તારો મોબાઈલ ચેક કરી રહ્યા છે.

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો.)

9978918796 અથવા funrangnews@gmail. com પર મેઈલ કરો.    

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat.whatsapp.com/HudhfYxRO090FnzisUr3wz