- મીરાએ પિતરાઈ બહેનને વોટ્સએપ પર મેસેજ કર્યો હતો ‘હું સંદીપ સાથે છું. ચિંતા કરશો નહીં.’
- તાજેતરમાં ધોરણ 12ની પરીક્ષા આપનાર મીરાની હત્યા ગળું દબાવી – ડામ આપીને કરવામાં આવી.
- મીરા જેની સાથે ગઈ હતી એ સંદીપ મકવાણાની શોધખોળ.
[Funrang Founder / Editor – Mr. Mehulkumar Vyas – 9978918796]
વડોદરા । શહેરના માંજલપુર વિસ્તારની 20 વર્ષિય યુવતી બે દિવસ અગાઉ ઘરેથી જતી રહી હતી. ગૂમ થયેલી યુવતીએ પિતરાઈ બહેનને વોટ્સએપ પર મેસેજ કરીને તે સંદીપ સાથે હોવાનું જણાવ્યું હતું. જોકે, તિલકવાડાના ખેતરમાંથી તેનો મૃતદેહ મળી આવ્યો હતો. પ્રાથમિક તબક્કે પ્રેમ પ્રકરણના કારણે મીરાની હત્યા કરવામાં આવી હોવાનું માનવામાં આવી રહ્યું છે.
માંજલપુર વિસ્તારની દરબાર ચોકડી પાસે આવેલા બળીયાદેવ મંદિર સામેના ખેતરમાં માતા – પિતા સાથે રહેતી અને તાજેતરમાં ધો.12ની પરીક્ષા આપનાર 20 વર્ષિય મીરા નિલેશભાઈ સોલંકી બે દિવસ અગાઉ ઘરેથી જતી રહી હતી. મોડી રાત સુધી મીરા પરત નહીં ફરતા પિતાએ માંજલપુર પોલીસ મથકમાં ગુમ થવા અંગેની અરજી આપી હતી. જ્યારે મીરાએ તેની પિતરાઈ બહેનને વોટ્સએપ પર મેસેજ કર્યો હતો. જેમાં જણાવ્યું હતું કે, હું સંદીપ સાથે છું. ચિંતા કરશો નહીં. રવિવારે સાંજ સુધીમાં હું ઘરે પાછી આવી જઈશ.
નર્મદા જિલ્લાના તિલકવાડાના ખેતરમાંથી યુવતીનો મૃતદેહ મળી આવ્યો હતો. તિલકવાડા પોલીસે લાશની ઓળખ કરવાની તજવીજ હાથ ધરતાં તે મીરા સોલંકીની હોવાનું સ્પષ્ટ થયું હતું. પ્રાથમિક તબક્કે ગળું દબાવીને તેમજ ડામ આપીને મીરાની હત્યા કરવામાં આવી હોવાનું સપાટી પર આવ્યું છે.
મીરાની હત્યા અંગેની ચોક્કસ જાણકારી મેળવવા માટે સયાજી હોસ્પિટલ ખાતે પેનલ ડોક્ટર્સ દ્વારા પોસ્ટમોર્ટમ કરવામાં આવ્યું હતું. પોલીસે હાલના તબક્કે અજાણ્યા હત્યારા સામે ગુનો નોંધી તપાસ હાથ ધરી છે. મીરાનો ફોન હજી મળ્યો નથી. તેમજ સંદીપ મકવાણાનો કોઈ અત્તો પત્તો મળ્યો નથી. મીરાની હત્યા કરનારને વહેલી તકે ઝડપી પાડવામાં આવે તેવી પરિવારજનોએ માંગણી કરી છે.
(આજનો Funrang જોક)
ચમન – યાર મમ્મીએ ઉઠાડવાનો નવો આઈડિયા લગાડ્યો છે.
અમન – કેમ શું કરે છે?
ચમન – સવારે ધીમેથી આવીને કહે છે, ઉઠી જા… તારા બાપા તારો મોબાઈલ ચેક કરી રહ્યા છે.
(દાંડિયા બજાર વિસ્તારમાં ઓફિસ ભાડે – વેચાણ)
દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111
(ધાર્મિક – સામાજીક કાર્યક્રમો અંગે જાણકારી આપો.)
9978918796 અથવા funrangnews@gmail. com પર મેઈલ કરો.
(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)
https://chat.whatsapp.com/HudhfYxRO090FnzisUr3wz