👉🏻 એન્થોનીના ભાગવાની ‘પૂજા’ના ભાગરૂપે પીએસઆઈને સાસુમા રેસ્ટોરન્ટમાં ‘પેટપૂજા’ કરવા લઈ ગયેલો સોહેલ સૈયદ ઝડપાયો 👈🏻

• નામચીન અનિલ ઉર્ફે એન્થોની પોલીસ જાપ્તામાંથી ભાગવામાં સંડોવાયેલો વધુ એક આરોપી ઝડપાયો.

[Funrang Founder / Editor – Mr.  Mehulkumar Vyas – 9978918796]

વડોદરા । નામચીન અનિલ ઉર્ફે એન્થોની ગત તા. 6 મે ના રોજ પોલીસ જાપ્તામાંથી નાસી છૂટ્યો હતો. આ બનાવમાં આજરોજ વડોદરા પોલીસની ક્રાઈમ બ્રાન્ચે વધુ એક આરોપીને ઝડપી પાડ્યો હતો.

છોટાઉદેપર ખાતે બનાવટી ચલણી નોટોના ગુનામાં પકડાયેલો નામચીન અનિલ ઉર્ફે એન્થોની મુલચંદ ગંગવાણી ગઈ તા. 6 મે ના રોજ બપોરના સમયે સયાજીગંજ ખાતે આવેલી પૂજા હોટલ ખાતેથી પોલીસ જાપ્તાને ચકમો આપી નાસી છૂટ્યો હતો. નામચીન એન્થોનીને ભાગવામાં મદદ કરવાના ગુનામાં અત્યાર સુધીમાં પીએસઆઈ સહિતના લોકોને ઝડપી પાડવામાં આવ્યા છે.

એન્થોની અને તેની સાથે સંડોવાયેલા લોકોને ઝડપી પાડવા માટે ક્રાઈમ બ્રાન્ચના પોલીસ અધિકારીઓ અને કર્મચારીઓની જુદી જુદી ટીમો તપાસ કરી રહી છે. દરમિયાનમાં આજે ક્રાઈમ બ્રાન્ચને ચોક્કસ બાતમી મળી હતી કે, તાંદલજાના એમ.આઈ.જી. ફ્લેટમાં રહેતો 38 વર્ષિય સોહેલ વસીમોહમંદ સૈયદ જાપ્તાના પીએસઆઈને જમવા માટે સાસુમા રેસ્ટોરન્ટમાં લઈ ગયો હતો.

સયાજીગંજની હોટલ પૂજામાંથી એન્થોની ભાગી છૂટે એવી વ્યવસ્થિત ‘પૂજા’ના ભાગરૂપે જ સોહેલ સૈયદ પીએસઆઈને પેટપૂજા કરવા માટે રેસ્ટોરન્ટમાં લઈ ગયો હતો. જેને પગલે ક્રાઈમ બ્રાન્ચે સોહેલને ઝડપી પાડ્યો હતો. તેની ગુનામાં સંડોવાણી જણાઈ આવતાં કાયદેસરની કાર્યવાહી કરી, વધુ તપાસ માટે સયાજીગંજ પોલીસને સોંપવા તજવીજ હાથ ધરવામાં આવી છે.

સોહેલને ઝડપી પાડવામાં ક્રાઈમ બ્રાન્ચના પી.આઈ. આર. એ. જાડેજા, પી.એસ.આઈ. આર.કે.તોરાણી, હે.કો. અબ્દુલરશીદ શેરમહમંદ દ્વારા સારી કામગીરી બજાવવામાં આવી હતી.

(આજનો Funrang જોક)

પતિ તૈયાર થઈને બહાર નીકળતો હતો ત્યાં પત્નીએ છીંક ખાધી..

પતિ નારાજ થઈને બોલ્યો: “થોડી મોડી ખાધી હોત તો? આપણને બેયને અપશુકન થયા”

પત્ની – “બેયને કેમ? ન સમજાયું.”

પતિ – “વેકેશનમાં તમારે પિયર જવાનું છે ને! તે ટિકિટ લેવા જતો હતો”

પત્ની હજુ વિચારે છે કે એમાં બેયને અપશુકનની વાત ક્યાં આવી?

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો. )

9978918796 અથવા funrangnews@gmail.com પર મેઈલ કરો.     

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat. whatsapp. com/HudhfYxRO090FnzisUr3wz