🫳🏻 ચૂનાની આડમાં પોલીસને ચૂનો ચોપડવાનો બૂટલેગરનો કારસો ઉંધો પડ્યો (જુઓ વિડીયો) 🫳🏻

• ચૂનો (લાઈમ પાવડર)ની આડમાં સેલવાસથી ઈંગ્લીશ દારૂનો જથ્થો મંગાવવામાં આવ્યો હતો.
• 79,200 રૂપિયાની કિંમતની 264 નંગ ઇંગ્લીશ દારૂની બોટલ્સ ઝડપી પાડતી પીસીબી.

[Funrang Founder / Editor – Mr.  Mehulkumar Vyas – 9978918796]

વડોદરા । દારૂનો ધંધો કરી તગડો નફો કમાવવા માટે બુટલેગરો દ્વારા પોલીસને ચૂનો ચોપડવા માટે અવનવી તરકીબો અજમાવવામાં આવતી હોય છે. જોકે, પોલીસ તંત્રના બાતમીદારોની ‘બાજ નજર’માં તરકીબો પકડાઈ જાય છે અને પોલીસ તંત્ર આશ્ચર્યજનક રીતે બુટલેગરોના દારૂના જથ્થાને ઝડપી પાડતી હોય છે. ત્યારે ચૂનો (લાઈમ પાવડર)ના નામે ઈંગ્લિશ દારૂનો જથ્થો શહેરમાં ઘુસાડી, પોલીસને ચૂનો ચોપડવાનો મનસૂબો ધરાવતાં બુટલેગર પર પીસીબી ત્રાટકી હતી.

પીસીબી (પ્રિવેન્શન ઓફ ક્રાઈમ બ્રાન્ચ)ના પી.એસ.આઈ. એમ. જી. કરડાણીને બાતમી પ્રાપ્ત થઈ હતી કે, એક થ્રી વ્હિલર ટેમ્પો અમીતનગરથી છ ભૂરા બેરલ્સ ભરીને નિકળ્યો છે. જેમાં ભારતીય બનાવટનો ઈંગ્લિશ દારૂનો જથ્થો ભરેલો છે અને આ જથ્થો સમા ઉર્મી સ્કૂલ પાસેના બ્રિજ પાસે ડિલીવરી કરવા જઈ રહ્યો છે.

પી.એસ.આઈ.ને મળેલી બાતમીને આધારે એક્શનમાં આવી ગયેલી પીસીબીની ટીમે કેન્દ્રિય વિદ્યાલય સામે વૉચ ગોઠવીને ટેમ્પાને ઝડપી પાડ્યો હતો. બેરલ્સમાં તપાસ કરતાં તેમાં ચૂના (લાઈમ પાવડર)ની આડમાં સંતાડેલો દારૂનો જથ્થો મળી આવ્યો હતો.

પોલીસે ટેમ્પા ચાલક અહેમદ ગુલામનબી શેખ (રહે. નૂર કોમ્પ્લેક્ષ, નવાબવાડા, દુલીરામ પેન્ડાવાળાની ગલીમાં, રાવપુરા)નાં ખિસ્સા ફંફોસતાં ચૂના (લાઈમ પાવડર) મંગાવેલાના ખોટા બીલો મળી આવ્યા હતાં. પોલીસે ટેમ્પો ચાલકને દારૂના જથ્થા સાથે ઝડપી પાડી, દારૂનો જથ્થો મંગાવનાર રાકેશભાઈ, ટેમ્પો ભાડે કરનાર અજાણ્યા શખ્સ અને સેલવાસથી દારૂનો જથ્થો સપ્લાય કરનાર શખ્સને વોન્ટેડ જાહેર કર્યા હતાં.

પીસીબીએ છ ભૂરા પ્લાસ્ટિક બેરલ્સમાંથી રૂ. 79,200 ની કિંમતની 264 દારૂની બોટલ્સ સહિતનો કુલ 1 લાખ 40 હજારનો મુદ્દામાલ કબજે કર્યો હતો. ચૂનાની આડમાં પોલીસને ચૂનો ચોપડવાનો મનસૂબો ધરાંવતી તરકીબ ખુલ્લી પાડવામાં પીસીબીના પી.આઈ. જે. જે. પટેલ, પી.એસ.આઈ. એમ. જી. કરડાણી, હે.કો. દેવેન્દ્ર ચંદ્રકાંત, હે.કો. દિપેશસિંઘ નરેશસિંઘ, પો.કો. કનુભાઈ શંકરભાઈ, પો.કો. મિતેષકુમાર રતનભાઈ દ્વારા સારી કામગીરી કરવામાં આવી હતી.

(આજનો Funrang જોક)

પતિ તૈયાર થઈને બહાર નીકળતો હતો ત્યાં પત્નીએ છીંક ખાધી..

પતિ નારાજ થઈને બોલ્યો: “થોડી મોડી ખાધી હોત તો? આપણને બેયને અપશુકન થયા”

પત્ની – “બેયને કેમ? ન સમજાયું.”

પતિ – “વેકેશનમાં તમારે પિયર જવાનું છે ને! તે ટિકિટ લેવા જતો હતો”

પત્ની હજુ વિચારે છે કે એમાં બેયને અપશુકનની વાત ક્યાં આવી?

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો. )

9978918796 અથવા funrangnews@gmail.com પર મેઈલ કરો.     

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat. whatsapp. com/HudhfYxRO090FnzisUr3wz