- મુંબઈથી વડોદરાના ગોત્રી વિસ્તારના 67 વર્ષિય વૃદ્ધનાં રિપોર્ટમાં XE વેરિએન્ટ મળ્યો.
- કોરોના સંક્રમિત વ્યક્તિના સંપર્કમાં આવેતાં અન્ય ત્રણ લોકોના રિપોર્ટ્સ નેગેટીવ.
- હાલ મુંબઈ ગયેલાં કોરોના સંક્રમિત દર્દીની હાલત સંપૂર્ણ સ્થિર.
[Funrang Founder / Editor – Mr. Mehulkumar Vyas – 9978918796]
વડોદરા । મુંબઈથી ફ્લાઈટ દ્વારા વડોદરા આવેલા 67 વર્ષિય વૃદ્ધને કારણે XE વેરિએન્ટની ગુજરાતમાં એન્ટ્રી પડી ચૂકી છે. મુંબઈથી આવી હોટલમાં રોકાણ કરવા દરમિયાન તાવની અસર જણાતાં વૃદ્ધ અને તેમની પત્નીનો કોરોના ટેસ્ટ કરવામાં આવ્યો હતો. વૃદ્ધ પરત મુંબઈ જતાં રહ્યા બાદ ગઈકાલે રાત્રે XE પોઝિટીવ રિપોર્ટ આવ્યો હતો.
તાજેતરમાં 67 વર્ષિય વૃદ્ધ પત્ની સાથે મુંબઈથી ફ્લાઈટ મારફતે વડોદરા આવ્યા હતાં. વડોદરાના ગોત્રી વિસ્તારની હોટલમાં તેઓ રોકાયા હતાં. દરમિયાનમાં તેઓમાં તાવના લક્ષણો જોવા મળતાં ખાનગી લેબોરેટરીમાં કોરોના ટેસ્ટ કરાવાયો હતો. તેમજ ICMRની ગાઈડલાઈન પ્રમાણે સેમ્પલને જીનોમ સિક્વન્સિંગ માટે ગાંધીનગર મોકલવામાં આવ્યું હતું. ગઈકાલે જીનોમ સિક્વન્સિંગના રિપોર્ટમાં XE વેરિએન્ટ મળી આવ્યો હતો.
વડોદરાની મુલાકાત લઈને પરત મુંબઈ જતાં રહેલાં વૃદ્ધને શોધવા માટે આરોગ્ય વિભાગનું તંત્ર હરકતમાં આવ્યું હતું. શરૂઆતમાં દર્દી અંગે કોઈ જ જાણકારી પ્રાપ્ત થઈ નહોતી. જોકે, આખરે તેમનો મોબાઈલ નંબર મળી આવતાં આરોગ્ય વિભાગ દ્વારા તેમનો સંપર્ક કરી સ્વાસ્થ્યની સ્થિતિ બાબતે પુછપરછ કરવામાં આવી હતી. જેમાં તેઓની હાલત સંપૂર્ણ સ્થિર હોવાનું જણાઈ આવ્યું હતું. દર્દીના સંપર્કમાં આવેલા અન્ય ત્રણ લોકોના કોરોના રિપોર્ટ્સ નેગેટીવ આવ્યા છે.
કોરોના વાઈરસ સતત મ્યૂટેટ થઈ રહ્યો છે ત્યારે ઓમિક્રોન BA.1 અને BA.2ના મિશ્રણથી આ નવો વેરિએન્ટ XE બન્યો છે. ઓમિક્રોન વેરિએન્ટને કારણે ભારતમાં કોરોનાની ત્રીજી લહેર આવી હતી. હવે આ નવા વેરિએન્ટને કારણે ભારતમાં ચોથી લહેર આવે તેવી શક્યતા લગભગ નહિંવત હોવાનું સીરો સર્વેમાં જાણવા મળ્યું છે.
કહેવાય છે કે, XE વેરિએન્ટ ઓમિક્રોનના મૂળ સ્વરૂપ કરતાં 10 ગણું વધારે ચેપી છે. જોકે, નિષ્ણાંતોનું માનવું છે કે, ભારતીયોમાં ચેપ સામે લડવાની ક્ષમતા ઉત્પન્ન થઈ ગઈ હોવાને કારણે આ વાઈરસથી મોટો ખતરો નથી.
(આજનો Funrang જોક)
(અમન – ચમન બેઠાં હતાં ત્યાં રમણ ખુશ થતો આવ્યો)
રમણ – દોસ્તો મારી અને મારી ગર્લફ્રેન્ડના લગ્ન નક્કી થઈ ગયા…
અમન – અરે વાહ… અભિનંદન…
ચમન – અભિનંદન… ક્યારે છે લગ્ન?
રમણ – મારા 5 મે ના રોજ અને એના 15 મે એ…
(દાંડિયા બજાર વિસ્તારમાં ઓફિસ ભાડે – વેચાણ)
દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111
(ધાર્મિક – સામાજીક કાર્યક્રમો અંગે જાણકારી આપો.)
9978918796 અથવા funrangnews@gmail. com પર મેઈલ કરો.
(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)
https://chat.whatsapp.com/HudhfYxRO090FnzisUr3wz