- હરિભક્તને માર મારતાં સંતોનો વિડીયો સોશિયલ મિડીયામાં વાઈરલ.
- ગામના હરિભક્તો મંદિરમાં ઉમટી પડતાં પોલીસ બોલાવવી પડી.
Mehulkumar Vyas. [9978918796]
વડોદરા । હરિધામ સોખડા ગામમાં આવેલા હરિધામ મંદિરમાં ચાર જેટલાં સંતો દ્વારા હરિભક્ત યુવકને માર મારવામાં આવ્યો હોવાની ઘટનાએ ભારે ચકચાર મચાવી દીધી છે. બનાવને પગલે ગામના હરિભક્તો મંદિરમાં ઉમટી આવ્યા હતાં. અને સમગ્ર મામલે દરમિયાનગીરી કરવા માટે પોલીસને બોલાવવી પડી હતી.
સંત હરિપ્રસાદ સ્વામી મહારાજના નિધન બાદ હાલ યોગી ડિવાઈન સોસાયટી સંચાલિત હરિધામ સોખડા મંદિરના વારસ અંગે વિવાદ સર્જાયેલો છે. પ્રેમસ્વરૂપ સ્વામી અને પ્રબોધ સ્વામીના જૂથો વચ્ચે લાંબા સમયથી ઘર્ષણ ચાલી રહ્યું છે.
પ્રાપ્ત માહિતી અનુસાર, આજે મંદિરના બે સંતો હરિસ્મરણ સ્વામી અને ભક્તિ વલ્લભ સ્વામી મહિલાઓ સાથે બેસીને વાતો કરી રહ્યા હતાં. છેલ્લાં પાંચેક વર્ષથી મંદિરના એકાઉન્ટ વિભાગમાં સેવા આપતો અનુજ નામનો હરિભક્ત સંતોને મહિલાઓ સાથે વાતો કરતાં જોઈ ચોંકી ઉઠ્યો હતો.
હરિભક્તે મહિલાઓ સાથે વાતો કરતાં સંતોનો વિડીયો બનાવવાનું શરૂ કર્યું હતું. હરિભક્તની હરકત નજરે પડતાં સંતો ઉશ્કેરાઈ ગયા હતાં. તેમણે હરિભક્તને માર મારવાનું શરૂ કર્યું હતું. જેમાં અન્ય બે સંતો જોડાયા હતાં. તેમણે હરિભક્ત પાસેથી મોબાઈલ ઝુંટવી લેવાનો પ્રયાસ કર્યો હતો. હરિભક્તે તેનો વિરોધ કરતાં સિક્યુરિટી ગાર્ડ્સ દ્વારા પણ માર માર્યો હતો.
બનાવને પગલે પ્રબોધ સ્વામી અને પ્રેમસ્વરૂપ સ્વામીના ટેકેદારો મંદિરમાં આવી પહોંચ્યા હતાં. અને પોલીસ બોલાવવાની ફરજ પડી હતી.
😛 (FunRang Joke) 😛
પકડુઃ ટાઈગર તને ખબર છે આ કોરોના બહુ અભિમાની વાઈરસ છે.
ટાઈગરઃ એમ… એ કેવી રીતે?
પકડુઃ જો… કોરોના એની જાતે ઘરમાં ના આવે, એને લેવા તમારે જ બહાર નિકળવું પડે. હાથ ધોઈ નાંખો તો ખોટું માની જાય, અને મોં પર માસ્ક રાખો તો ઓળખે પણ નહીં… બોલે છે ને અભિમાની…
ટાઈગરઃ એ ખરું હોં…
(દાંડિયા બજાર વિસ્તારમાં ઓફિસ ભાડે – વેચાણ)
દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111
(ધાર્મિક – સામાજીક કાર્યક્રમો અંગેના વિડીયો – ફોટોગ્રાફ્સ સાથેની માહિતી નીચેના નંબર પર વ્હોટ્સેપ કરો.)
9978918796 અથવા mehul.v.vyas@gmail.com / funrangnews@gmail.com પર મેઈલ કરો.
(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)
https://chat.whatsapp.com/HudhfYxRO090FnzisUr3wz