- સયાજીગંજ પોલીસ મથકની SHE ટીમે ડેકોય વૉચ ગોઠવી આધેડને ઝડપી પાડ્યો.
- બેરોજગાર રાજુ પટેલે SHE ટીમની મહિલા પોલીસ કર્મીઓને બિભત્સ ચેનચાળા કરી ઇશારા કર્યા.
FunRang News. વડોદરા શહેરમાં છોકરીઓ – મહિલાઓને અભદ્ર ઇશારા કરતાં ટપોરીઓ પર પોલીસ વિભાગની SHE ટીમ ત્રાટકી છે. આજે કમાટીબાગમાં ઝાડીઓમાં સંતાઈ છોકરીઓને બિભત્સ ચાળા કરતાં આધેડ ટપોરીને ઝડપી પાડવામાં આવ્યો હતો.
શિયાળાની મૌસમમાં મોટી સંખ્યામાં યુવતીઓ – મહિલાઓ કમાટીબાગમાં એક્સસાઈઝ કરવા તેમજ ચાલવા માટે આવી રહી છે. સવાર સિવાયના સમયમાં પણ કમાટીબાગમાં યુવતીઓ – મહિલાઓની અવર જવર રહેતી હોય છે. ત્યારે કમાટીબાગમાં કોઈ ટપોરી છે કે નહીં? તેની તપાસ કરવા માટે SHE ટીમની મહિલા કર્મચારીઓ સાદા વેશમાં પહોંચી હતી.
SHE ટીમની મહિલા કર્મચારીઓએ જોયું કે એક શખ્સ ઝાડીની આડશમાં સંતાઈને તેની પાસેથી પસાર થતી યુવતીઓ – મહિલાઓને અભદ્ર ઇશારા કરી બિભત્સ ચેનચાળા કરી રહ્યો હતો. જેને પગલે ડેકોય વૉચ ગોઠવવામાં આવી હતી. જેમાં મહિલા કર્મચારીઓ નજીક પહોંચતાં ઝાડીમાં સંતાયેલા આધેડ શખ્સ તેમને જોઈને બિભત્સ ચેનચાળા કર્યા હતાં અને ખરાબ ઇશારા કર્યા હતાં. જેને પગલે 55 વર્ષિય રાજુભાઈ હરમાનભાઈ પટેલ (રહે. વાડી ટાવર પાસે, બેન્ક ઓફ બરોડાની ગલી, વાડી, વડોદરા)ને ઝડપી પાડી કાયદેસરની કાર્યવાહી હાથ ધરી હતી. રાજુ પટેલ બેરોજગાર હોવાનું પ્રાથમિક ધોરણે જાણવા મળ્યું હતું.
આધેડ ટપોરીને ઝડપી પાડવામાં WPC અસ્મિતાબહેન કેસરભાઈ અને WLRD મિત્તલબહેન કાંતિલાલ દ્વારા સારી કામગીરી બજાવવામાં આવી હતી.
(આપના કોઈ મિત્રને કે પરિચિતને ફનરંગ ન્યૂઝના વોટ્સએપ ગ્રૂપમાં જોડાવાની ઇચ્છા હોય તો આ ન્યૂઝ એમને ફોરવર્ડ કરો. નીચેની તસવીર પર ક્લિક કરવાથી એ વોટ્સએપ ગ્રૂપમાં જોડાઈ શકશે. )
#funrang #Vadodara #Ahmedabad #Surat #Rajkot #Gandhinagar #gujaratnews #gujaratinews #latestnews #newsupdate
(ફનરંગની યૂટ્યૂબ ચેનલ પર જઈ સબસ્ક્રાઈબ કરવા નીચેની લિન્ક પર ક્લિક કરો)
Please subscribe my YouTube channel by clicking this link –
https://www. youtube. com/channel/UCi9Oagp-aUKUjbKKfN6H0gg