🎥 દિલ્હી ક્રાઈમ-૨: પરફેક્ટ સિક્વલ! | Netflix Web series review by Parakh Bhatt 🎥

કેમ જોવી?: શેફાલી શાહના દમદાર અભિનય અને પોલીસ ડિપાર્ટમેન્ટની અંતરંગ બાબતો જાણવા માટે!

કેમ ન જોવી?: ખૂનખરાબો અને લોહીના રેલાં ધરાવતાં દ્રશ્યો જોવા ટેવાયેલાં ન હો તો!   

[Funrang Founder / Editor – Mr. Mehulkumar Vyas – 9978918796]

પરખ ભટ્ટ । રિચી મહેતા દિગ્દર્શિત ‘દિલ્હી ક્રાઈમ’ની પહેલી સિઝન જ્યારે નેટફ્લિક્સ પર ૨૦૧૯ની સાલમાં રીલિઝ થઈ, ત્યારે રાતોરાત તે સુપરહિટ થઈ હતી. નિર્ભયાકેસ પર આધારિત એ વાર્તામાં પોલીસ ડિપાર્ટમેન્ટની જદ્દોજહદની વિસ્તારપૂર્વક ચર્ચ કરવામાં આવી હતી. બરાબર ત્રણ વર્ષ બાદ તાજેતરમાં તેની બીજી સિઝન લૉન્ચ કરવામાં આવી છે, જેમાં પહેલી સિઝનના પાત્રોને રીપિટ કરવા સિવાય સ્ટોરીના તાણાવાણાં ક્યાંય કનેક્ટેડ નથી. આજ વખતે રિચી મહેતાની સાથોસાથ ડિરેક્ટર તનુજ ચોપરા પણ પાંચ એપિસોડની આ સિઝનમાં જોડાયા છે.

ડીસીપી વર્તિકા ચતુર્વેદી (શેફાલી શાહ) ‘ચડ્ડી-બનિયાન ગેંગ’નો કેસ હાથમાં લે છે. ગુનેગારો દિલ્હીના પૉશ વિસ્તારોમાં રહેતાં લોકોના ઘરમાં જઈ લૂંટફાટ મચાવી, એમની ક્રૂર હત્યાઓ કરે છે. ૯૦ના દાયકામાં ચલણમાં આવેલી ચડ્ડી-બનિયાન ગેંગ એ સમયે ગુજરાત, દિલ્હી, રાજસ્થાન સહિત દેશના જુદા જુદા રાજ્યોમાં ખાસ્સી સક્રિય હતી. અંગ્રેજોએ એમના સમયમાં આદિવાસીઓ માટે લાગુ પાડેલાં ‘ડિનૉટિફાઇડ ટ્રાઇબ્સ’ નિયમને લીધે એમની સાથે ઘણો અન્યાય થયો હતો. સમાજ એમની સાથે દુર્વ્યવહાર કરવામાં કશું બાકી નહોતો રાખતો. આજની સ્થિતિ પણ બહુ અલગ નથી, પરંતુ શું ખરેખર આજ વખતે ચડ્ડી-બનિયાન ગેંગમાં ડિનૉટિફાઇડ ટ્રાઇબ્સ (ડી.એન.ટી.) સંકળાયેલાં છે કે પછી બીજુ કોઈ?

ગયા વખતની જેમ આજ વખતે પણ આઇ.પી.એસ. નીતિ સિંઘના પાત્રમાં રસિકા દુગ્ગલ, દિલ્હી પોલીસ કમિશ્નર કુમાર વિજયના પાત્રમાં આદિલ હુસૈન, ઈન્સ્પેક્ટર ભૂપેન્દ્ર સિંહના કિરદારમાં રાજેશ તૈલંગ, શેફાલી શાહના પતિ તરીકે ડેન્ઝિલ સ્મિથ, ગોપાલ દત્ત જેવા દમદાર અભિનેતાઓએ સીરિઝને જોવાલાયક બનાવી છે. તિલોત્તમા શોમેનું નવું ઉમેરાયેલું પાત્ર બીજી સિઝનના પ્રાણ છે. ગયા વખતની જેમ સ્ટૉરીમાં પર્સનલ ટચ અને હ્યુમન ઈમોશન્સની થોડી ખામી ચોક્કસથી જણાય, પરંતુ પોલીસ ડિપાર્ટમેન્ટની કાર્યવાહી અને કાર્યશૈલી બાબતે મેકર્સ ફરી ખરા ઉતર્યા છે. બેકગ્રાઉન્ડ સ્કૉર જબરદસ્ત છે. ડાર્ક થીમ-પેલેટને કારણે શૉનો અસલી મિજાજ માણી શકાય છે. આમ છતાં, ફક્ત પાંચ એપિસોડને કારણે સિઝન થોડી ટચૂકડી લાગી શકે!

bhattparakh@yahoo.com

ક્લાયમેક્સ: ડિઝની પ્લસ હૉટસ્ટાર પર તાજેતરમાં રીલિઝ થયેલી અક્ષયકુમાર અભિનીત ફિલ્મ ‘કઠપૂતલી’ના શરૂઆતી રિવ્યુ અત્યંત ખરાબ જણાઈ રહ્યા છે. પ્રેક્ષકોને એક નવી સુપરફ્લૉપ ફિલ્મ આપ્યા બાદ હવે અક્ષયકુમારે ખરેખર મનોમંથન અને મહેનત ચાલુ કરી દેવાની જરૂર છે!

(ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(સંપર્ક)

ધાર્મિક – સામાજીક કાર્યક્રમો કે સમાચાર અંગે જાણકારી આપવા માટે 9978918796 પર વોટ્સએપ કરો અથવા કોલ કરો. અથવા તો funrangnews@gmail.com પર મેઈલ કરો.

(WhatsApp Group Link)

Funrang newsના વોટ્સએપ ગૃપમાં જોડાવા માટે આ લિન્ક પર ક્લિક કરો. https://chat. whatsapp. com/HudhfYxRO090FnzisUr3wz જેમને વોટ્સએપ ગૃપમાં એડ કરવા હોય એમને ન્યૂઝ ફોરવર્ડ કરો.