🎥 શમશેરા: યશરાજ પ્રૉડક્શન્સના રૂપિયા ૧૫૦ કરોડનો ધુમાડો! | Samshera movie review by Parakh Bhatt 🎥

કેમ જોવી?: ઘરે એરકન્ડિશ્નર ન હોય અને થિયેટરની ઠંડી હવામાં સૂવાનો આનંદ માણવો હોય તો!

કેમ ન જોવી?: પ્રેક્ષકોના નસકોરાં સાંભળવાનો શોખ ન હોય તો!

[Funrang Founder / Editor – Mr.  Mehulkumar Vyas – 9978918796]

પરખ ભટ્ટ । ‘સંજુ’ની સફળતા બાદ રણબીર કપૂરની હાલકડોલક થતી નિષ્ફળ કારકિર્દી લાંબુ ખેંચી શકશે કે કેમ, એ હવે યક્ષપ્રશ્ન છે. રણબીરની ત્રણ ફિલ્મો ઉપર હાલ બૉલિવૂડના કરોડો-અબજો રૂપિયાનો ઉગાર જુગાર ખેલાયો છે: (૧) શમશેરા (૨) બ્રહ્માસ્ત્ર (૩) એનિમલ. જેમાંથી શમશેરા ગઈકાલે રીલિઝ થઈ, બ્રહ્માસ્ત્ર ૯મી સપ્ટેમ્બરે રીલિઝ થવાની છે. ‘યશરાજ પ્રૉડક્શન્સ’ને ‘સમ્રાટ પૃથ્વીરાજ’ અને ‘થગ્સ ઑફ હિન્દુસ્તાન’ની ભયંકર નિષ્ફળતા પછી અક્કલ આવે તો સારું છે! ‘શમશેરા’ જેવી પીરિયડ-ડ્રામા ઉપર ૧૫૦ કરોડ રૂપિયાનો ધુમાડો કરી નાંખવામાં કઈ વાતની સમજદારી?

૧૯મી સદીના શરૂઆતી ભાગમાં અંગ્રેજોના આગમન સમયે કેટલીક ખાસ જાતિઓ ઉપર લાદી દેવામાં આવેલાં ‘ડાકુ/ચોર/લૂંટારા’ના ટેગ સામે જંગ પોકારી ઉઠેલાં શમશેરા (રણબીર કપૂર)ની આ વાર્તા છે. દરોગા શુદ્ધસિંઘ (સંજય દત્ત) સવર્ણની ભૂમિકામાં છે, જેની વફાદારી અંગ્રેજો પ્રત્યે છે. એમને ખુશ કરવા માટે તે કોઈ પણ હદ્દ સુધી જઈ શકે છે! શમશેરા અંગ્રેજોથી આઝાદી મેળવવાના પ્રયત્નોમાં લાગી ગયો હોવાને કારણે હવે શુદ્ધસિંઘની આંખોમાં તે કણાની માફક ખૂંચવા માંડ્યો છે.

‘યશરાજ પ્રૉડક્શન્સ’ કેવા પ્રકારની ફિલ્મો આજકાલ બનાવી રહ્યું છે, એ તો આદિત્ય ચોપરા જ જાણે! યશરાજ ચોપરાએ ફિલ્મ-જગતમાં જે આભા ઉભી કરી હતી, એને ખરડાવવાનું કામ આદિત્ય ચોપરા કરી રહ્યો છે. સ્ક્રિપ્ટ અને સ્ક્રીનપ્લેની આટલી ખરાબ પસંદગી? દક્ષિણ ભારતીય ફિલ્મો જોઈને ફક્ત વી.એફ.એક્સ અને એનિમેશન જ શીખ્યા હોય, એવું લાગે છે! અને યશરાજની દરેક ફિલ્મોમાં વાંસડા જેવી વાણી કપૂર જ શા માટે દેખાઈ રહી છે? જેને એક્ટિંગનો ‘અ’ નથી આવડતો, એના ખભે આવડી મોટી ફિલ્મની લીડ-હિરોઈન બનવાની જવાબદારી તો શી રીતે આપી શકાય? ક્યાં તો યશરાજનો પૈસો બે નંબરનો છે, અથવા તો પછી તેને હવે પૈસાની કોઈ કિંમત નથી રહી! સાઉથ-ઇન્ડિયન ફિલ્મ જેવો પ્રભાવ ઊભો કરવાના ચક્કરમાં તેઓ ‘ઠગ્સ ઑફ હિન્દુસ્તાન’ જેવી વાહિયાત કક્ષાની ફિલ્મની હરોળમાં મૂકી શકાય એવી આ ફિલ્મ બનાવી ચૂક્યા છે. કૉસ્ચ્યુમ્સ, ડાયલોગ્સ, એક્ટિંગ, વાર્તા, ડિરેક્શન, એક્શન જેવા એકેય સિનેમેટિક-ફેક્ટરમાં આ ફિલ્મ ખરી ઉતરે એવી નથી. અધૂરામાં પૂરું, વારંવાર ‘કબાબમાં હડ્ડી’ બનીને ટપકી પડતાં ગીતો મગજમાં હથોડો મારવાનું કામ કરે છે. રણબીર કપૂર અને સંજય દત્તની એક્ટિંગ ઠીકઠાક છે, પણ અધધ કહી શકાય એવી તો નથી જ!

આજથી સિને‘મા’એ પ્રતિજ્ઞા લઈ લીધી કે જે ફિલ્મમાં વાણી કપૂર હશે, એ ફિલ્મ થિયેટરમાં જોવામાં નહીં આવે! પૈસા અને સમયનો ખોટો બગાડ હવે પોસાય એમ નથી!

bhattparakh@yahoo.com

ક્લાયમેક્સ: ઑડિયન્સની ઓછપને કારણે ભારતના પુષ્કળ શહેરોમાં ગઈકાલે ‘શમશેરા’ના શૉ રદ્દ કરવાનો નિર્ણય લેવો પડ્યો!

(ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(સંપર્ક)

ધાર્મિક – સામાજીક કાર્યક્રમો કે સમાચાર અંગે જાણકારી આપવા માટે 9978918796 પર વોટ્સએપ કરો અથવા કોલ કરો. અથવા તો funrangnews@gmail.com પર મેઈલ કરો.

(WhatsApp Group Link)

Funrang newsના વોટ્સએપ ગૃપમાં જોડાવા માટે આ લિન્ક પર ક્લિક કરો. https://chat. whatsapp. com/HudhfYxRO090FnzisUr3wz જેમને વોટ્સએપ ગૃપમાં એડ કરવા હોય એમને ન્યૂઝ ફોરવર્ડ કરો.