🎥 થન્ડર અને થડાકાથી ભરપૂર થોર! | Movie Review by Parakh Bhatt 🎥

કેમ જોવી?: માર્વેલના ચાહક હો તો!

કેમ ન જોવી?: થોર શ્રેણીની સૌથી નબળી ફિલ્મ જોઈને નિરાશ ન થવું હોય તો!

[Funrang Founder / Editor – Mr.  Mehulkumar Vyas – 9978918796]

પરખ ભટ્ટ । ‘માર્વેલ સિનેમેટિક યુનિવર્સ’ની ૨૯મી ફિલ્મ! જેમ જેમ માર્વેલનું બ્રહ્માંડ વિસ્તરતું જાય છે, એમ એમ એની અંદર વધુને વધુ સુપરહીરો આવતાં જાય છે. આમ તો ‘ગાર્ડિયન્સ ઑફ ધ ગેલેક્સી’ અને ‘થોર’ બંને એકમાં ભળી ગઈ કહેવાય. થોર ઉર્ફે ક્રિસ હેમ્સવર્થ પાછલાં ૧૦ વર્ષોથી ગ્રીક ગૉડનું આ કિરદાર નિભાવી રહ્યો છે. વચ્ચે તેણે ‘થોર’ તરીકે સંન્યાસ લેવાની વાત પણ ઉચ્ચારી હતી, પરંતુ પૈસાની બોલી સામે કોનું જોર ચાલ્યું છે? મજાની વાત એ છે કે ‘એવેન્જર્સ: એન્ડ ગેમ’ જ્યાં પૂરી થઈ હતી, ત્યાંથી જ ‘થોર: લવ એન્ડ થન્ડર’ની શરૂઆત થઈ છે.

વેલ્કેરી (ટેસ્સા થોમ્પસન) હવે એસ્ગાર્ડની નવી રાજા (હા, બરાબર વાંચ્યુ! રાણી નહીં, રાજા) છે! થોર (ક્રિસ હેમ્સવર્થ) પોતાની રિટાયરમેન્ટ માણી રહ્યો છે. એવામાં અચાનક બ્રહ્માંડ ઉપર ગૉર – ધ ગૉડ બુચર (ક્રિશ્ચિયન બેલ)નું સંકટ ઘેરાય છે. દેવી-દેવતાઓને અનેક વિનંતીઓ કર્યા પછી પણ તેની દીકરી જીવતી ન બચી શકી હોવાને લીધે હવે તેનામાં દેવતાઓ પ્રત્યે ખુન્નસ ભરાઈ ગયું છે. બ્રહ્માંડના તમામ દેવતાઓને તે મોતને ઘાટ ઉતારી રહ્યો છે!

માર્વેલની ફિલ્મોમાં હંમેશાથી એક્શન, રોમાન્સ, થ્રિલ, મિસ્ટ્રી, હિસ્ટ્રી, સાયન્સ, મેજિક અને ડ્રામાનું કૉમ્બિનેશન જોવા મળતું હોય છે, પરંતુ આજ વખતે કમનસીબે ધૂમધડામ અને શોરબકોરથી ભરેલા થડકારા સિવાય બીજું કશું નથી. બે કલાક જેટલી નાની ફિલ્મ હોવા છતાં ગજબનાક લાઉડનેસને કારણે કાન પાકી જાય છે. માર્વેલનું યુનિવર્સ વિસ્તારવાના ચક્કરમાં ફિલ્મની વાર્તા સાથે અન્યાય થયો હોય એવું મને લાગ્યું. અભિનય, બેકગ્રાઉન્ડ સ્કૉર, એક્શન-સિક્વન્સ, ડ્રામા અને સિનેમેટોગ્રાફી બાબતે કોઈ કચાસ ન જણાઈ, પરંતુ ડિરેક્શન બાબતે ટાઇકા વાટીટીનું આજ વખતે પ્રમાણમાં થોડું નબળું જરૂર લાગ્યું. ‘થોર: રગ્નારોક’ની માફક આજ વખતે એક્શન અને ડ્રામા વચ્ચે સંતુલન જાળવી ન શકાયું. જેન ફૉસ્ટર (નટાલિયા પૉર્ટમેન)ની પુનઃવાપસી રોચક છે, પરંતુ ફિલ્મની ધૂમધડામમાં તેનો આસ્વાદ માણવાનું ક્યાંક ચૂકી જવાતું હોય, એવું લાગ્યા રાખે.

ઑવરઑલ, માર્વેલના ચાહકો તો રિવ્યૂની સાડીબારી રાખ્યા વગર અલ્ટીમેટલી ફિલ્મ જોવાના જ છે. વળી, માર્વેલની ફિલ્મ છે એટલે મજા પણ આવવાની, પરંતુ અગાઉની ફિલ્મોની સરખામણીમાં વાર્તા અને ડિરેક્શનલ પૉઇન્ટ-ઑફ-વ્યૂથી આ ફિલ્મ થોડી કાચી રહી ગઈ છે, એ સ્વીકારવું રહ્યું.

bhattparakh@yahoo.com

ક્લાયમેક્સ: ‘ડિઝની પ્લસ હૉટસ્ટાર’ પર ચાલી રહેલી વેબસીરિઝ ‘મિસ માર્વેલ’ ધીરે ધીરે જામી રહી છે. જો ‘થોર’ જોઈને થોડી નિરાશા થાય તો મિસ માર્વેલ અને મૂન-નાઇટ જોઈ શકો છો!

(ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(સંપર્ક)

ધાર્મિક – સામાજીક કાર્યક્રમો કે સમાચાર અંગે જાણકારી આપવા માટે 9978918796 પર વોટ્સએપ કરો અથવા કોલ કરો. અથવા તો funrangnews@gmail.com પર મેઈલ કરો.

(WhatsApp Group Link)

Funrang newsના વોટ્સએપ ગૃપમાં જોડાવા માટે આ લિન્ક પર ક્લિક કરો. https://chat. whatsapp. com/HudhfYxRO090FnzisUr3wz જેમને વોટ્સએપ ગૃપમાં એડ કરવા હોય એમને ન્યૂઝ ફોરવર્ડ કરો.