🐘 ક્લાઈમેટ ચેન્જનો કારમો ઘા । બચ્ચાને જન્મ આપી ત્યજી રહી છે હાથણીઓ 🐘

• કેન્યાના નૈરોબી ખાતે તરછોડી દેવાયેલા હાથીના બચ્ચાઓ માટે ખોલવામાં આવ્યું અનાથાશ્રમ.
• છેલ્લાં કેટલાંક વર્ષોથી અનેક ઝૂંડ બચ્ચાંને તરછોડીને આગળ વધી રહ્યાં હોવાનું સામે આવ્યું.   

[Funrang Founder / Editor – Mr. Mehulkumar Vyas – 9978918796]

FunFado । વિશ્વમાં સૌથી પાવન પ્રેમ માતા અને સંતાનનો હોય છે. મનુષ્ય હોય કે જાનવર માતા જીવના જોખમે સંતાનને બચાવતી હોય છે. પરંતુ કેન્યાના એવા કિસ્સાઓ સામે આવી રહ્યા છે કે, હાથણીઓ બચ્ચાને જન્મ આપ્યા બાદ નિરાધાર ત્યજી રહી છે. છેલ્લાં કેટલાંક વર્ષોથી નૈરોબીના જંગલોમાં નિરાધાર હાથીઓના બચ્ચા મળી આવવાના બનાવો બનવાને કારણે અનાથાશ્રમ ખોલવું પડ્યું છે.

હાથીને સૌથી સમજદાર પ્રાણી ગણવામાં આવે છે. હાથીનું ઝુંડ બચ્ચાઓની સુરક્ષા પ્રત્યે ખુબ જ સચેત હોય છે. બાળકોને ઝુંડની અંદર સુરક્ષીત રાખવામાં હાથણી સહિતનું સમગ્ર ઝુંડ કવાયત કરતું હોય છે. આ સંજોગોમાં આફ્રિકન દેશ કેન્યાના નૈરોબીના જંગલોમાં હાથીને કેટલાંક બચ્ચા નિરાધાર રખડતાં મળી આવ્યા હતાં.

શરૂઆતમાં તો એમ માનવામાં આવ્યું કે, બચ્ચા ઝૂંડથી કદાચ છૂટા પડી ગયા હશે. જોકે, બાદમાં એ વાત સ્પષ્ટ થઈ કે, ખરેખર તો બાળકોને તેમના માતા – પિતાએ જ ત્યજી દીધા છે. બાળકને એકલું અટલું મુકીને ઝુંડ આગળ વધી ગયું છે. આ કારણસર જંગલમાં હાથીના ઘણાં બચ્ચા નિરાધાર રખડતાં જોવા મળી રહ્યાં હતાં.

જંગલમાં જીવન કેવી રીતે વ્યતિત કરવું? એની કોઈ જ જાતની સમજ ના હોવાથી આ ત્યજી દેવાયેલા હાથીના બચ્ચાઓ અટવાયેલા ફરતાં હતાં. તેમને સુરક્ષિત વાતાવરણ આપવા માટે આખરે એક અનાથાશ્રમ ખોલવું પડ્યું. જ્યાં આજની તારીખે આશરે 13 જેટલાં હાથીના બચ્ચાઓનું પાલન પોષણ કરવામાં આવી રહ્યું છે.

અનાથાશ્રમમાં રહેલા તમામ બચ્ચાઓ જંગલમાં ભૂખ્યા તરસ્યા પકડવામાં આવ્યા હતાં. એક બચ્ચાનું તો રેસક્યુ એવાં સંજોગોમાં કરવામાં આવ્યું કે, સિંહોનું ટોળું એનો શિકાર કરવાની તૈયારીમાં હતું. સિંહોએ બચ્ચાને ઘેરી જ લીધું હતું. જો રેસ્ક્યુ ટીમ એ સમયે ત્યાં પહોંચી ના હોત, અથવા થોડા સમય બાદ પહોંચી હોત તો કદાચ આ બચ્ચાના જીવનનો અંત આવી ગયો હોત.

વયસ્ક હાથીઓના આવા વર્તન પાછળનું કારણ શોધવા માટે એક્સપર્ટ્સ દ્વારા કવાયત હાથ ધરવામાં આવી હતી. છેલ્લાં કેટલાંક સમયથી નાના બાળકોને આમ નિરાધાર શા માટે ત્યજી દેવામાં આવી રહ્યાં છે? આ પ્રશ્નનો જવાબ એવો મળ્યો કે, ક્લાઈમેટ ચેન્જના કારણે હાથીઓ આમ કરી રહ્યાં છે.

ક્લાઈમેટ ચેન્જના કારણે વયસ્ક હાથીઓને પોતાનું પેટ ભરવામાં જ ભારે તકલીફ ભોગવવી પડી રહી છે. વયસ્ક હાથીઓને જાતે જીવતાં રહેવામાં જ ભારે મુશ્કેલીઓ પડી રહી હોય, ત્યારે તેઓ બાળકનું પાલન પોષણ કરવાની જવાબદારી કેવી રીતે ઉપાડી શકે? આ કારણસર હાથણી જન્મ આપ્યા બાદ બચ્ચાને ભગવાન ભરોસે ત્યજી રહી છે.

(આજનો Funrang જોક)

ચમન – યાર એક જોરદાર વાત વાંચી…

અમન – એમ… કઈ વાત…

ચમન – ઇન્ડીપેન્ડન્ટ મહિલાઓ હમેશા, એમની કામવાળી પર ડિપેન્ડન્ટ હોય છે.

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો.)

9978918796 અથવા funrangnews@gmail. com પર મેઈલ કરો.    

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat.whatsapp.com/HudhfYxRO090FnzisUr3wz