🐂 *તક ચૂકે એની તકદીર રૂઠે । મોતી જેવી Motivational વાત* 🐂

[Funrang Founder / Editor – Mr. Mehulkumar Vyas – 9978918796]

FunFado । જીવનમાં દરેક વ્યક્તિને આગળ વધવાની – કંઈક કરવાની તક મળતી હોય છે. સામે આવેલી તકને ઓળખીને એને જે ઝડપી લે છે એ આગળ વધે છે. ચૂકી ગયેલી તક ફરી ક્યારેય નથી આવતી. અને તક ચૂકી જનારને પસ્તાવો કર્યા સિવાય કંઈ હાથ નથી લાગતું. ચાલો ત્યારે પ્રસ્તુત છે તક ચૂકી ગયેલા યુવાનની કથા.

ગામડા ગામનો ભાવેશ શહેરમાં ભણી – ગણીને પાછો આવ્યો. માતા – પિતાએ એને લગ્ન કરવા દબાણ કર્યું. પણ, ભાવેશના જેવી ભણેલી ગણેલી ગામમાં એક જ છોકરી હતી. સરપંચની દિકરી નયના… ભાવેશે માતા – પિતાના સંતોષ માટે અને પોતાની સમકક્ષ એવી નયના સાથે લગ્ન કરવાનું નક્કી કરી લીધું.

શહેરમાં ભણીને આવેલા ભાવેશે સીધા જ સરપંચના ઘરે પહોંચીને સીધી વાત કરી લેવાનું નક્કી કર્યું. ભાવેશ પહોંચ્યો સરપંચના ઘરે… સરપંચે આવકાર આપ્યો… ચા – પાણી કરાવ્યા. ભાવેશના અભ્યાસના વખાણ કર્યા. ઔપચારિક વાતો ચાલતી હતી ત્યાં અચાનક જ ભાવેશે ધડાકો કર્યો કે મારે તમારી દિકરી નયના સાથે લગ્ન કરવા છે.

સરપંચ સહિત એમનો આખો પરિવાર બે સેકન્ડ માટે તો આશ્ચર્યમાં ગરક થઈ ગયાં. પણ, પછી સરપંચે મલકીને કહ્યું કશો વાંધો નહીં. મારા ખેતરમાં હું એક પછી એક એમ ત્રણ બળદ છોડીશ. જો તું એ ત્રણ પૈકી એકપણ બળદનું પુછડું પકડી લઈશ તો હું નયનાના લગ્ન તારી સાથે કરાવી દઈશ.

ભાવેશ તો રાજીનો રેડ થઈ ગયો… માત્ર બળદનું પુછડું પકડવાનું હતું. એ તો ખેતરમાં જઈને ઉભો રહી ગયો અને અંગ્રેજીમાં સરપંચને કહ્યું કમોન સર… આઈ એમ રેડી… સરપંચે બળદના વાડાનો દરવાજો ખોલ્યો… એક ખતરનાક બળદ બહાર નિકળ્યો…

બળદ દોડતો સામે આવી રહ્યો હતો ત્યાં ભાવેશને મનમાં થયું કે આને છંછેડવા જેવો નથી. એક પાટું મારશે તો પચ્ચીસ ફૂટ દૂર ફેંકી દેશે. હાડકાં ખોખરા થઈ જશે અને આબરૂ જશે એ વધારાનું… બીજો બળદ આવે ત્યારે પ્રયત્ન કરીશું, આટલું વિચારીને ભાવેશે બળદનો રસ્તો છોડીને બાજુ પર ખસી ગયો.

થોડીક હિંમત ભેગી કરીને ભાવેશે ફરી સરપંચને બૂમ પાડી… નેક્સ્ટ પ્લિઝ… છોડો… સરપંચે ફરી દરવાજો ખોલ્યો અને એક બળદ દોડીને બહાર આવ્યો… ભાવેશની આંખો બળજને જોઈને ફાટવા જેવી પહોળી થઈ ગઈ. કારણકે, બીજો બળદ તો પહેલા કરતાં પણ વધારે ખતરનાક હતો.

પહેલો બળદ પાટુ મારે તો પચ્ચીસ ફૂટ દૂર જાય એવું લાગતું હતું પણ આ બીજો મારે તો સો ફૂટ દૂર ફેંકી દે એવો હતો. ભાવેશ ડરથી રીતસર થથરવા લાગ્યો. બીજો બળદ તો એની પાસે આવે એ પહેલાં જ ભાવેશ એક ઝાડની પાછળ જઈને સંતાઈ ગયો. બળદ દોડીને જતો રહ્યો ત્યારબાદ ભાવેશ થથરતા પગે બહાર આવ્યો અને ખાલી હાથ ઉંચો કરીને ઇશારો કરી શક્યો કે ત્રીજાને આવવા દો…

સરપંચે દરવાજો ખોલ્યો અને ભાવેશ બળદને જોઈને ખુશખુશાલ થઈ ગયો. મનમાં વિચાર્યું કે, સારું થયું બે બળદ જવા દીધા… આ ત્રીજો તો સાવ માંયકાગલો છે આનું પુછડું પકડીશ કે તરત જ નયનાનો હાથ મારા હાથમાં… ભાવેશ પુછડું પકડવા માટે તત્પર થઈને ઉભો રહી ગયો.

દૂબળો પાતળો માંયકાગલો બળદ ધીમે ધીમે દોડતો એની તરફ આવી રહ્યો હતો. ભાવેશ એકદમ તૈયાર થઈને ઉભો હતો ત્યાં બળદ આવી પહોંચ્યો અને લગભગ ઉભો જ રહી ગયો… ભાવેશે પુછડું પકડવા તરાપ મારી પણ, આ બળદનું તો પુછડું જ નહોતું.

(આજનો Funrang જોક)

ચમન – યાર મારા અક્ષર બહુ જ ખરાબ છે…

અમન – તો શું? 

ચમન – હું ડૉક્ટર બની શકું?

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો.)

9978918796 અથવા funrangnews@gmail. com પર મેઈલ કરો.    

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat.whatsapp.com/HudhfYxRO090FnzisUr3wz