- અજાણતા પાડેલો ફોટોગ્રાફ એનિમલ ફ્રેન્ડ્સ કૉમેડી પેટ એવોર્ડ્સ – 2021માં પ્રથમ આવ્યો.
- યુકેની જોએ રૉસે ખેંચેલી તસવીરને ટાઈટલ અપાયું Dog fart bubble photo.
- જોએ રૉસે ઇનામમાં મળેલી રકમ દાન કરી દીધી.
Gajab News. યુકેની એક મહિલાએ એના 9 અઠવાડિયાના પાલતું કૂતરાંનો એવો ફોટો પાડ્યો કે, એને લગભગ બે લાખની લૉટરી લાગી ગઈ. પરપોટાથી રમી રહેલાં કૂતરાંના ફોટોગ્રાફ્સ Dog fart bubble photo એનિમલ ફ્રેન્ડ્સ કૉમેડી પેટ એવોર્ડ્સ – 2021માં પ્રથમ ક્રમે આવ્યો હતો.
પૉલ જોયંસો હિક્સ અને ટૉમ સલ્લમ દ્વારા ધ કૉમેડી પેટ ફોટો કોમ્પિટિશનની શરૂઆત કરી હતી. હાલ આ કોમ્પિટિશન પેટ લવર્સમાં ઘણી લોકપ્રિય છે. ચાલુ વર્ષે યોજાયેલી કોમ્પિટિશનમાં યુકેની જોએ રૉસને ફાળે પ્રથમ ઇનામ ગયું હતું.
યુકેની જોએ રૉસે પોતાના સવા બે મહિનાના પાલતું લેબ્રાડોર કૂતરાં પેપર સાથે પાર્કમાં ગઈ હતી. પાર્કમાં પેપર પરપોટા સાથે રમી રહ્યું હતું ત્યારે જોએ એના ફોટોગ્રાફ પાડી રહી હતી. એક પરપોટો પેપરના પાછળના ભાગ પાસે આવ્યો ત્યારે જ જોએ ક્લિક કર્યો હતો. જાણે પેપરે પાદીને પરપોટો ફૂલાવ્યો હોય હોય એવું ફોટોમાં ક્લિક થઈ ગયું હતું.
એનિમલ ફ્રેન્ડ્સ કૉમેડી પેટ એવોર્ડ્સ અંગે જાણકારી મળતાં જોએએ આ તસવીર સ્પર્ધામાં મોકલી હતી. સ્પર્ધાના નિર્ણાયકોને પેપરનો ફોટો ખૂબ પસંદ પડ્યો હતો. અને તેને પ્રથમ ઇનામ આપવામાં આવ્યું હતું. જોએને સ્વપ્નેપણ ખ્યાલ નહોતો કે પેપરની મસ્તીનો આ ફોટોગ્રાફ્સ લગભગ બે લાખ રૂપિયા જેટલું ઇનામ જીતી આપશે. જોકે, જોએએ ઇનામમાં મળેલી રકમ ચેરીટી માટે દાન કરી દીધી છે. હાલ પેપર 7 મહિનાનું થઈ ગયું છે.
(આ સમાચારનું નટુ દ્વારા સ્પેશિયલ રિપોર્ટિંગ)
મેહુલ નમસ્કાર હું છું મેહુલ વ્યાસ અને તમે જોઈ રહ્યાં છો… મને
નટુ ખાંટુ નટુના ખાટ્ટા મીઠ્ઠા હાય… હલો… પ્રણામ…
મેહુલ નટીયા કેમ મૂડમાં નથી… શું થયું?
નટુ અરે જવા દોને વાત કરવા જેવી નથી…
મેહુલ ઠીક છે ના કહીશ…
નટુ ના… ના… કહું છું… આજે હું કાકાના ભાઈના ફોઈના દિકરાના બનેવીની બહેનના ઘરે ગયો હતો.
મેહુલ બહુ બધું ફર્યો એમાં થાક્યો લાગે છે…
નટુ અરે એવું નથી… એમના ઘરે પહોંચ્યો ત્યાં મને ભૂખ લાગી હતી. મેં કહ્યું ખાવાનું કંઈ મળશે… તો બહેન તાત્કાલિક ડીશમાં દાળ – ભાત લઈ આવ્યા…
મેહુલ દાળ – ભાત બરોબર નહી હોય…
નટુ અરે ના… હું દાળ – ભાત ખાવા જતો હતો ત્યાં એમનો કૂતરો મારી સામે ઘુરકીયા કરવા લાગ્યો… મેં પુછ્યું આને શું થયું? તો બહેન કહે… એ પોતાની ડીશ ઓળખી ગયો છે… જલ્દી ખાઈ જાવ નહીંતર કરડશે…
મેહુલ (હસીને) ઠીક છે… બહુ ખરાબ થયું… સમાચાર…
નટુ સમાચારમાં એવું છે કે, યુકેની એક યુવતીએ પોતાના પાળતું કૂતરાનો એવો ફોટો પાડ્યો કે, એ લખપતિ બની ગઈ…
મેહુલ સમાચારમાં પણ કૂતરો? ઠીક છે… કેવી રીતે?
નટુ યુકેની જોએ રોસે પાંચેક મહિના પહેલાં પાર્કમાં કૂતરાં પેપરને લઈને ગઈ હતી. ત્યાં પરપોટાથી પેપર રમી રહ્યું હતું. ત્યાં એક પરપોટો ઉડીને પેપરની પાછળ આવી પહોંચ્યું અને જાણે પેપરે પાદીને પરપોટો ફૂલાવ્યો હોય એવો ફોટો જોએ ક્લિક કર્યો.
મેહુલ હા… આટલું સમજાયું… પણ, લખપતિ કેવી રીતે બની…
નટુ જોએએ ફોટો એનિમલ ફ્રેન્ડ્સ કૉમેડી પેટ એવોર્ડ્સ – 2021માં મોકલ્યો… અને ત્યાં પહેલું ઇનામ પ્રાપ્ત થયું… લગભગ બે લાખનું… આ રકમ એણે દાન કરી દીધી…
મેહુલ વાહ સરસ… સૂત્રોનું આજે કંઈ કહેવું છે…
નટુ મારા પ્રાણી જગતના સૂત્રોનું કહેવું છે કે… ભૌ… ભૌ… ભૌ…
મેહુલ થેન્ક્યુ વેરી મચ… નટીયાના સૂત્રો… મળીએ પછી…