🙏🏻 પાંચ ભાવ પૈકી કોઈ એક ભાવથી પ્રભુને ભજીશું તો આ જીવાત્મા પરમાત્માથી અળગો રહી શક્તો નથી : દ્વારકેશલાલજી 🙏🏻

• એટલાન્ટાની ગોકુલધામ હવેલીમાં 3 વર્ષ બાદ પૂ.દ્વારકેશલાલજીનું પુન:આગમન.
• ગોકુલધામમાં પૂ.દ્વારકેશલાલજીના સાંનિધ્યમાં શ્રીકૃષ્ણ જન્મોત્સવ-નંદ ભવન ઉત્સવ ઉજવાયો.
• કૃષ્ણનું ભયથી નામ સ્મરણ કરનાર કંસની મુક્તિ થતી હોય તો ભક્તિ કરનારનો હાથ અને સાથ કૃષ્ણ ક્યારેય છોડતા નથી : પૂ.દ્વારકેશલાલજી.

[Funrang Founder / Editor – Mr. Mehulkumar Vyas – 9978918796]

દિવ્યકાંત ભટ્ટ, એટલાન્ટા । અમેરિકાના એટલાન્ટા સિટીમાં આવેલી ગોકુલધામ હવેલીમાં 3 વર્ષ બાદ વૈષ્ણવાચાર્ય પૂ.દ્વારકેશલાલજી મહારાજના પુન: આગમન પ્રસંગે શ્રીકૃષ્ણ જન્મોત્ત્સવ-નંદ ભવન ઉત્ત્સવની આનંદ-ઉત્સાહ સાથે ભક્તિભાવપૂર્વક ઉજવણી કરાઇ હતી.આ પ્રસંગે આયોજિત શ્રીકૃષ્ણ ચરિતામૃત સત્સંગમાં પૂ.દ્વારકેશલાલજી મહારાજશ્રીએ ભક્તિના પાંચ ભાવનું વર્ણન કરી સમજાવ્યું હતું કે, પાંચ ભાવ પૈકી કોઇ એક ભાવથી પ્રભુને આપણે નિત્ય ભજીશું તો આ જીવાત્મા પરમાત્માથી ક્યારેય અળગો રહી શક્તો નથી.

ગોકુલધામ હવેલીમાં મંગળવારની ઢળતી સાંજે વડોદરાના શ્રી કલ્યાણરાયજી મંદિરના ષષ્ઠ પીઠાધિશ્વર પૂ.દ્વારકેશલાલજી મહારાજશ્રીના સાંનિધ્યમાં શ્રીકૃષ્ણ જન્મોત્સવ અને નંદ ભવન ઉત્સવની ઉજવણી કરાઇ હતી. પૂ.શ્રીએ ચાંદીના પલનામાં શ્રીઠાકોરજીને ઝુલાવતાં આ દર્શનનો લ્હાવો લઇ ગોકુલધામના વૈષ્ણવ શ્રદ્ધાળુઓ ધન્ય બન્યા હતા. ગોકુલધામની સજાવટ ટીમ દ્વારા આ પ્રસંગે તૈયાર કરાયેલું નંદ ભવનનું ડેકોરેશન આકર્ષણનું કેન્દ્ર બન્યું હતું. આ વેળા શ્રદ્ધાળુઓએ ‘નંદ ઘેર આનંદ ભયો, જય કનૈયાલાલકી’ નો જયઘોષ કરી શ્રીકૃષ્ણ જન્મોત્ત્સવનો આનંદ લૂંટ્યો હતો.

શ્રીકૃષ્ણ જન્મોત્ત્સવ બાદ ગોકુલધામના શ્રીજગદગુરુ હોલમાં શ્રીકૃષ્ણ ચરિતામૃત સંત્સંગનું આયોજન કરાયું હતું. પૂ.દ્વારકેશલાલજી મહારાજશ્રીએ કૃષ્ણની ભક્તિ વાત્સલ્ય ભાવથી, સખ્ય(મિત્ર)ભાવથી, માધુર્ય(પ્રેમ) ભાવથી, દાસ ભાવથી અને શાંત ભાવથી કરવા જણાવ્યું હતું. આ પાંચ પૈકી કોઇ એક ભાવથી પણ પ્રભુને ભજીશું તો આ જીવાત્મા પરમાત્માથી અળગો રહી શક્તો નથી. પૂ.શ્રીએ કહ્યું હતું કે, કંસ દ્વારા ભયથી પણ કૃષ્ણનું નામ લેવાયું હતું તો પણ તેની મુક્તિ થતી હોય તો જે ભક્તિ ભાવે કૃષ્ણને ભજે છે તેનો હાથ અને સાથ કૃષ્ણ ક્યારેય છોડતા નથી.

પૂ.શ્રીએ રાત્રે સૂતી વખતે ક્ષમા કરી દઇશું અને ક્ષમા આપી દઇશું તો પ્રભુને અતિ આનંદ થશે તેમ કહ્યું હતું.પૂ.શ્રીએ હ્રદયરૂપી ખેતરમાં કૃષ્ણરૂપી બીજનું વાવેતર કરીશું અને તેમાં પ્રેમની માટીથી એને આપણે સિંચીશું, સત્સંગના ખાતરથી તેનું પોષણ કરીશું, કિર્તનના જળથી પોષણ આપીશું અને સેવાના પવન-વાયરા વાતા રહેશે તો કૃષ્ણરૂપી બીજ પલ્લવિત-અંકુરિત થશે.આ બીજ ઉપર ભક્તિરૂપી ફળ લાગશે તેનાથી આપણે અળગા રહી શકીશું નહીં.

આ પ્રસંગે મુખ્ય મનોરથી કામિની અને તુષાર પટેલ, સહ મનોરથી બેલા અને બિરેન શાહનું સન્માન કરાયું હતું. પૂ.દ્વારકેશલાલજી મહારાજશ્રીએ આ ટાણે ગોકુલધામ હવેલીના એક્ઝિક્યુટિવ સેક્રેટરી તેજસ પટવાને ઓનરરી ડૉકટરેટની પદવી મળી હોવાનું જાહેર કરતાં વૈષ્ણવોએ આ જાહેરાતને વધાવી લીધી હતી.

કાર્યક્રમમાં ગોકુલધામના ચેરમેન અશોક પટેલ, એક્ઝિક્યુટિવ સેક્રેટરી તેજસ પટવા, ટ્રેઝરર કિન્તુ શાહ, જીગર શાહ, સુબોધ શાહ, ડૉ. ઇન્દ્ર શાહ, હેતલ શાહ, સમીર શાહ, અલકેશ શાહ, કેતુલ ઠાકર, હિતેશ પંડિત, આત્મય અને આર્ષ તલાટી સહિત અનેક હોદ્દેદારો ઉપસ્થિત રહ્યા હતા.

(ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(સંપર્ક)

ધાર્મિક – સામાજીક કાર્યક્રમો કે સમાચાર અંગે જાણકારી આપવા માટે 9978918796 પર વોટ્સએપ કરો અથવા કોલ કરો. અથવા તો funrangnews@gmail.com પર મેઈલ કરો.

(WhatsApp Group Link)

Funrang newsના વોટ્સએપ ગૃપમાં જોડાવા માટે આ લિન્ક પર ક્લિક કરો. https://chat. whatsapp. com/HudhfYxRO090FnzisUr3wz જેમને વોટ્સએપ ગૃપમાં એડ કરવા હોય એમને ન્યૂઝ ફોરવર્ડ કરો.