વિક્રમ સંવત 2078 પોષ સુદ – એકમ
આજની ચંદ્ર રાશિ – ધન (સાંજે 6.51 સુધી) મકર
મેષ (અ,લ,ઈ)
આપની ઇચ્છાઓ પુરી કરવા માટે દ્રઢ નિર્ધાર કરીને ઝડપથી નિર્ણય લો. અત્યાર સુધી રૂપિયા પાણીની જેમ વાપરી નાંખનારને આજે રૂપિયાની કિંમત સમજાશે. બની શકે પાણી ખરીદવા માટેય હવાતિયાં મારવા પડે. પ્રેમજીવનમાં તકલીફ આવી શકે છે, બને ત્યાં સુધી પ્રેમિકા સાથે દલીલ ટાળશો.
વૃષભ (બ,વ,ઉ)
આજે નાણાંના રોકાણ અંગે ઉતાવળે નિર્ણય લેવો નહીં. કોઈને પુછી પુછીને પણ નિર્ણય કરવો નહીં. જાતે નિર્ણય લેજો અને શેરબજારમાં નાણાં રોકવા હોય તો બજાર બંધ થઈ જાય એ પહેલાં નિર્ણય લેશો. આજે લોકો તમારા માટે શું વિચારે છે? એની તમને ચિંતા રહેશે નહીં. જીવનસાથી આપની સાંજ ખુશનુમા બનાવશે.
મિથુન (ક,છ,ધ)
આજે સારું પરિણામ પ્રાપ્ત કરવા માટે મહેનત વધારે કરવી પડશે. માટે મહેનત કરવામાં પાછી માની કરતાં નહીં. આજે પરિવારજનો અને મિત્રો માટે સમય નહીં હોય. જીવનસાથી કારણ વગર કચકચ કરશે જેના કારણે ચીડાઈ શકો છો. માટે બને તો હેન્ડ્સફ્રી કાનમાં રાખી ગીતો કે ભજન સાંભળવા.
કર્ક (ડ,હ)
ધન સંગ્રહની મહત્વની બાબતો આજે આપના ધ્યાનમાં આવશે. જોકે, પોતાના ધનના સંગ્રહ પર જ ધ્યાન રાખો તો સારું. કોઈ આપની વાતથી દુઃખી થઈ શકે છે, માટે બોલતી વખતે બે નહીં ચાર વાર વિચારજો. જીવનસાથીનું સ્વાસ્થ્ય બગડવાની શક્યતા છે. તો લાગતી વળગતી વ્યવસ્થા કરી રાખશો.
સિંહ (મ,ટ)
શારીરિક તંદુરસ્તી જાળવવા વ્યાયામનો સહારો લઈ શકો. જોકે, બપોરે વ્યાયામ કરો એનો કોઈ અર્થ નહીં સરે. આજે પ્રેમની સુવાસ માણી શકશો. તેથી ખર્ચો થવાની શક્યતા ખરી. માતા – પિતાની સેવા કરવાની ઈચ્છા હશે. પરંતુ, વ્યસ્તતાને કારણે એ કરી ના પણ શકો. લોકોની વાત પર ભરોસો કરવો નહીં.
કન્યા (પ,ઠ,ણ)
જીવનમાં આશાવાદી બનવાનો પ્રયાસ કરશો. આજે બાળકની ખાસ કાળજી રાખવી, સંતાનનું સ્વાસ્થ્ય બગડે તેવી શક્યતાઓ છે. માટે ચોકલેટ – ફાસ્ટ ફૂડ ખવડાવશો નહીં. મોડી સાંજે પરિવારજનોથી દૂર બાગ બગીચામાં સમય વિતાવી શકો છો. જોકે, ત્યાં મોબાઈલ લઈને જશો તો એકલતા નહીં અનુભવી શકો.
તુલા (ર,ત)
આજે આપની સ્માઈલમાં વિશેષ આકર્ષણ રહેશે. ઇમેઈલ કે પત્ર દ્વારા સારા સમાચાર પ્રાપ્ત થઈ શકે છે. બિલ ચુકવણીના પત્ર ખોલશો નહીં. આજે આપને પોતાની આવડત બતાવવાનો મોકો મળશે. પરિવારજનો સાથે સુરુચિ ભોજનનો આનંદ માણી શકશો. જીવનસાથી આપની વાત માની શકે છે.
વૃશ્ચિક (ન,ય)
ખરીદેલી જમીન વેચવાનો ઘણાં સમયથી પ્રયાસ કરતાં હશો તો આજે ખરીદદાર મળી શકે છે. ભાવમાં થોડી બાંધછોડ કરશો તો જમીન વેચી પણ શકશો. બપોર પછી કોઈ સારા સમાચાર પ્રાપ્ત થઈ શકે છે. જેને કારણે પરિવારમાં આનંદ છવાશે. શક્ય હોય તો પરીવારજનોને પાર્ટી આપશો.
ધન (ભ,ફ,ઢ,ધ)
કોર્ટ કચેરીમાં ધન સંબંધી કોઈ બાબત અટકેલી હશે તો આજે એનો ઉકેલ મળી શકે છે. ઘણાં સમયથી જે લોકોના સંપર્કમાં નથી એ લોકોને મળીને સંબંધ તાજા કરવા સારો દિવસ. નવરાશની પળોમાં આજે રમત રમી શકો છો. જોકે, મોબાઈલની ગેમ્સ રમવી એ રમત ગણી શકાય નહીં.
મકર (ખ,જ)
ઘણાં સમયથી પરત નહીં મળી રહેલી ઉઘરાણીની રકમ આજે મળી શકવાથી આર્થિક સ્થિતિ સુધરી શકે છે. આજે આપ પોતાના માટે સમય કાઢી શકો છો. જોકે, એ સમયમાં સૂઈ જવાની સ્હેજપણ જરૂર નથી. પ્રિયજન સાથે કોઈ વાતે મતભેદ થયો હોય તો આજે એનો ઉકેલ મળી શકે છે. એ માટે ચર્ચા કરવી જરૂરી છે.
કુંભ (ગ,શ,ષ,સ)
આજે ટેન્શન હળવું થવાથી માનસિક શાંતિ અનુભવી શકો છો. કાર્યક્ષેત્રમાં આજે આપને તકલીફ ભોગવવી પડી શકે છે. ભુલ થવાને કારણે ઉપરી અધિકારી તરફથી સાંભળવું પણ પડી શકે છે. માટે દરેક કામ બહુ ધ્યાનથી કરવાં જરૂરી. અચાનક આવેલું ધન બિલ તેમજ ખર્ચને પહોંચી વળવામાં મદદરૂપ રહેશે.
મીન (દ,ચ,ઝ,થ)
આજે ઘરના સુશોભન અંગે તેમજ બાળકોની જરૂરીયાત માટે વિચાર મનમાં આવશે. અજાણી વ્યક્તિને કારણે જીવનસાથી સાથે તકરાર થઈ શકે છે. તકરારમાં દલીલ કરવાને બદલે સોરી કહીને શાંતિ પ્રાપ્ત કરી શકો છો. રિયલ એસ્ટેટ કે સાંસ્કૃતિક પ્રોજેક્ટમાં આપનું ધ્યાન ખેંચાશે.
(દાંડિયા બજાર વિસ્તારમાં ઓફિસ ભાડે – વેચાણ)
દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111
(ધાર્મિક – સામાજીક કાર્યક્રમો અંગેના વિડીયો – ફોટોગ્રાફ્સ સાથેની માહિતી નીચેના નંબર પર વ્હોટ્સેપ કરો.)
9978918796 અથવા 7016576415
(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)
https://chat.whatsapp.com/HudhfYxRO090FnzisUr3wz
(ફનરંગની યૂટ્યૂબ ચેનલ પર જઈ સબસ્ક્રાઈબ કરવા નીચેની લિન્ક પર ક્લિક કરો)
https://www. youtube. com/channel/UCi9Oagp-aUKUjbKKfN6H0gg
