🎥 બિનઅસરકારક ‘બ્રહ્માસ્ત્ર’! । brahmastra Film review by Parakh Bhatt 🎥

કેમ જોવી?: વી.એફ.એક્સ. માટે!

કેમ ન જોવી?: વાર્તામાં કોઈ દમ નથી!

[Funrang Founder / Editor – Mr. Mehulkumar Vyas – 9978918796]

પરખ ભટ્ટ । ડિરેક્ટર અયાન મુખર્જીના જણાવ્યા મુજબ, બ્રહ્માસ્ત્ર ફિલ્મ પાછળ તેણે પોતાના જીવનના ૧૧ વર્ષો આપ્યા છે, પરંતુ ફિલ્મ જોઈને બહાર નીકળ્યા બાદ મનમાં સૌથી પહેલો સવાલ એ જન્મે કે આ ૧૧ વર્ષોમાં એણે કર્યુ શું?

બૉલિવૂડની અત્યંત ખર્ચાળ ફિલ્મોની હરોળમાં સ્થાન પામી ચૂકેલી બ્રહ્માસ્ત્ર ફિલ્મ ૪૦૦ કરોડથી વધુના બજેટ પર બની છે. ધર્મા પ્રોડક્શનથી માંડીને સ્ટાર સ્ટુડિયોઝ, પ્રાઇમ ફૉકસ વગેરે તેના પ્રોડ્યુસર છે. ખુદ રણબીર કપૂરનું નામ પ્રોડ્યુસર તરીકે સ્ક્રીન પર વાંચવા મળે છે. સાચું પૂછો તો, ફક્ત બૉલિવૂડને જ નહીં, પરંતુ મારા જેવા સનાતન સંસ્કૃતિપ્રેમી પ્રેક્ષકને પણ આ ફિલ્મની રાહ હતી. પ્રમોશન દરમિયાન જે રીતે ધર્મ અને દેવી-દેવતાનો આશરે આ ફિલ્મને પ્રમોટ કરવામાં આવતી હતી, એ જોઈને લાગતું હતું કે ફિલ્મમાં ખરેખર ખાસ્સું કામ થયું હોવું જોઈએ, પરંતુ એવું કંઈ જોવા મળતું નથી.

અનાથાશ્રમમાં મોટો થયેલો શિવા (રણબીર કપૂર) ડી.જે. તરીકે પોતાની જિંદગી જીવતો હોય છે અને ઈશા (આલિયા ભટ્ટ) તેના જીવનમાં પ્રવેશ કરે છે. લવ એટ ફર્સ્ટ સાઈટ! એ સમયે તેને ખ્યાલ આવે છે કે બ્રહ્માસ્ત્રના ત્રણ ટુકડા માટે ઝુનૂન (મૌની રોય) કેટલાક લોકોને મોતને ઘાટ ઉતારી રહી છે. કલકત્તાથી શરૂ થયેલી આ સફર વારાણસી બાદ હિમાલય સુધી પહોંચે છે. વચ્ચે વચ્ચે ટિપિકલ હિન્દી ગીતો ટપકી પડે છે અને ફિલ્મ ચાલ્યા રાખે છે.

શાહરૂખ ખાન, નાગાર્જુન અને ડિમ્પલ કાપડિયાનો ગેસ્ટ-અપિરિયન્સ પણ બ્રહ્માસ્ત્રને બચાવી શકે એમ નથી. ગીતો બેશક કર્ણપ્રિય છે. બેકગ્રાઉન્ડ સ્કૉર પર પણ મહેનત દેખાય છે. માર્વેલ સિનેમેટિક યુનિવર્સની જેમ અહીં પણ ફિલ્મના વી.એફ.એક્સ. પર ભરપૂર કામ થયું છે, પરંતુ વાર્તા ક્યાં? પૌરાણિક કથા ઉપર આધાર રાખતી ફિલ્મમાં ધરાર લવસ્ટોરી નાંખવાનો પ્રયાસ બૉલિવૂડ ક્યારે છોડશે? ફિલ્મના રાઇટર તરીકે અયાન મુખર્જીનું છીછરું રીસર્ચ દેખાઈ આવે છે. બીજી બાજુ, હુસૈન દલાલ પણ લેખક તરીકે અહીં ભયંકર નિષ્ફળ નીવડ્યા છે. હેરી પૉટ્ટર અને માર્વેલની ફિલ્મોનું કોમ્બો જોતા હોઈએ એવું લાગ્યા રાખે!

કેસરિયા, દેવા દેવા જેવા ગીતો ગણગણ્યા રાખવાનું મન થાય, પરંતુ ફિલ્મો ગીતોને આધારે નહીં વાર્તાને આધારે ચાલે છે એ અયાન મુખર્જી ભૂલી ગયા. ગુરુના કિરદારમાં અમિતાભ બચ્ચન અત્યંત સામાન્ય લાગે છે. એમની સ્ક્રીન-પ્રેઝન્સથી ફિલ્મ કંઈ ખાસ રસપ્રદ બનતી નથી. રણબીર કપૂરે સારો અભિનય કર્યો છે, પરંતુ આલિયા ભટ્ટના ભાગે ‘ગ્લેમરસ ડૉલ’ સિવાય કંઈ ભાગમાં આવ્યું નથી. એના કરતા તો મૌની રોય બે કદમ આગળ જણાય છે.

અયાન મુખર્જીએ એસ.એસ.રાજામૌલિની સલાહ બાદ ફિલ્મનો કેટલોક ભાગ રી-શૂટ કરાવ્યો હતો. વિચારવાની વાત એ છે કે આટઆટલા રી-શૂટ અને વર્ષોના ડીલે પછી પણ જો ફિલ્મ આવી બની હોય, તો એ પહેલાં તો કેટલી ભયંકર હશે! પૌરાણિક કથાઓનો અહીં કોઈ આધાર લેવામાં આવ્યો નથી, જેના લીધે ઊંડાણ નથી અનુભવી શકાતું. રાજામૌલિ જે પ્રકારે રામાયણ-મહાભારતના અર્કનો ઉપયોગ કરીને ફિલ્મો બનાવે છે, એ અર્ક આ ફિલ્મમાંથી ગાયબ છે.

આમ છતાં, ફિલ્મ એકાદ વખત થિયેટરમાં જોઈ શકો. વાર્તા-સ્ક્રીનપ્લે-લૉજિક-ડાયલોગ્સ જેવા પરિબળોને અવગણીને ફક્ત સંગીત અને હીરો-હિરોઈનને જોવાની ઈચ્છા હોય તો પરિવાર સાથે જોવામાં વાંધો નથી.

bhattparakh@yahoo.com

ક્લાયમેક્સ: તાજા રિપૉર્ટ મુજબ, બ્રહ્માસ્ત્રને લીધે ભારતની જાણીતી થિયેટર-ચેઇન ‘પી.વી.આર.’ના ૮૦૦ કરોડ રૂપિયા પાણીમાં ડૂબી ગયા છે!

(ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(સંપર્ક)

ધાર્મિક – સામાજીક કાર્યક્રમો કે સમાચાર અંગે જાણકારી આપવા માટે 9978918796 પર વોટ્સએપ કરો અથવા કોલ કરો. અથવા તો funrangnews@gmail.com પર મેઈલ કરો.

(WhatsApp Group Link)

Funrang newsના વોટ્સએપ ગૃપમાં જોડાવા માટે આ લિન્ક પર ક્લિક કરો. https://chat. whatsapp. com/HudhfYxRO090FnzisUr3wz જેમને વોટ્સએપ ગૃપમાં એડ કરવા હોય એમને ન્યૂઝ ફોરવર્ડ કરો.