- કલકત્તાનો સુપ્રિયો ચક્રવર્તી અને દિલ્હીનો અભય ડાંગ હૈદરાબાદના રિસોર્ટમાં પરણ્યાં.
- બંગાળી અને પંજાબી વિધી દ્વારા કરાયા લગ્ન.
- LGBTQ સમુદાયની સોફિયા ડેવિડે કરાવ્યા લગ્ન.
- બંનેના પરિવારજનોએ સહિતના સ્વજનોએ લગ્નમાં હાજરી આપી.
FunRang News. તેલંગાણામાં કલકત્તાનો સુપ્રિયો અને દિલ્હીનો અભય લગ્નગ્રંથીએ જોડાયા હતાં. આઠ – દસ વર્ષ સુધી સમલૈંગિક સંબંધ રાખ્યા બાદ બંનેએ આખરે લગ્ન કર્યા હતાં. હૈદરાબાદ ખાતે યોજાયેલા લગ્નોત્સવમાં બંનેના પરિવારજનોએ ઉમળકાભેર હાજરી આપી હતી.
કલકત્તાનો 31 વર્ષિય સુપ્રિયો ચક્રવર્તી અને દિલ્હીનો 34 વર્ષિય અભય ડાંગ છેલ્લાં આઠ – દસ વર્ષથી સમલૈંગિક સંબંધો ધરાવતાં હતાં. હૈદરાબાદમાં સુપ્રિયો હોટલ મેનેજમેન્ટ ક્ષેત્રમાં નોકરી કરે છે. જ્યારે અભય મલ્ટિનેશન કંપનીમાં નોકરી કરે છે. લાંબા સમયના સંબંધો બાદ તેઓએ લગ્ન કરવાનું નક્કી કર્યું હતું.
હૈદરાબાદના રિસોર્ટમાં ધામધૂમથી લગ્નોત્સવ ઉજવાયો હતો. બંને જણે મહેંદી મુકાવી હતી. તેમજ બંગાળી અને પંજાબી રીતીરિવાજ અનુસાર લગ્નની વિધી કરવામાં આવી હતી. LGBTQ સમુદાયની સોફિયા ડેવિડે જ લગ્ન કરાવ્યા હતાં. લગ્નોત્સવમાં બંનેના પરિવારજનો, સ્નેહિજનો અને મિત્રો હાજર રહ્યાં હતાં.
શક્યતઃ તેલંગાણાના સૌ પ્રથમ સમલૈંગિક લગ્નોત્સવ અંગે ભારે ચકચાર મચી છે.
(આપના કોઈ મિત્રને કે પરિચિતને ફનરંગ ન્યૂઝના વોટ્સએપ ગ્રૂપમાં જોડાવાની ઇચ્છા હોય તો આ ન્યૂઝ એમને ફોરવર્ડ કરો. નીચેની તસવીર પર ક્લિક કરવાથી એ વોટ્સએપ ગ્રૂપમાં જોડાઈ શકશે.)
#funrang #Vadodara #Ahmedabad #Surat #Rajkot #Gandhinagar #gujaratnews #gujaratinews #latestnews #newsupdate
(ફનરંગની યૂટ્યૂબ ચેનલ પર જઈ સબસ્ક્રાઈબ કરવા નીચેની લિન્ક પર ક્લિક કરો)
Please subscribe my YouTube channel by clicking this link –
https://www.youtube.com/channel/UCi9Oagp-aUKUjbKKfN6H0gg