😂 બ્રિટીશ કપલને રેસ્ટોરન્ટમાં ઇન્ડિયન પકોડા ભાવ્યા… એટલે નવજાત બાળકનું નામ ‘પકોડા’ પાડ્યું 😂

• આયરલેન્ડના ન્યૂટાઉનબેબીની ધ કૈપ્ટન્સ ટેબલ નામની રેસ્ટોરન્ટે સોશિયલ મિડીયા પર જાહેર કરી વિગતો.
• નેટિઝન્સે ફોટો પર કોમેન્ટ્સ કરીને ઉડાડી મજાક.

[Funrang Founder / Editor – Mr. Mehulkumar Vyas – 9978918796]

અજબ ગજબ । બાળકનું નામ પાડવું એ માતા – પિતા માટે ખૂબ જ મહેનતનું કામ હોય છે. બાળકનો જન્મ થતાં પહેલાં જ એના માટે નામની શોધખોળ શરૂ થઈ જતી હોય છે. પરંતુ, બ્રિટનના એક દંપત્તિએ ભારતીય રેસ્ટોરન્ટમાં પકોડા ભાવી જતાં, પોતાના નવજાત બાળકનું નામ પકોડા (Pakora) પાડી દીધું છે. પકોડાના પૃથ્વી પર અવતરણ અંગેની તસવીર રેસ્ટોરન્ટ દ્વારા સોશિયલ મિડીયામાં શેર કરવામાં આવી છે.

આયરલેન્ડના ન્યૂટાઉનબેબી ખાતે ધ કૈપ્ટન્સ ટેબલ નામની રેસ્ટોરન્ટ દ્વારા સોશિયલ મિડીયામાં પોસ્ટ કરાયેલી વિગતો એવી છે કે, એક કપલ જમવા માટે આવ્યું હતું. મેન્યૂ કાર્ડમાં ભારતીય ડિશ પકોડા હતી. દંપત્તિએ તેનો ઓર્ડર કર્યો હતો. બાદમાં પકોડા એમને ખૂબ ભાવ્યા હતાં. જેને પગલે તેમણે પોતાના નવજાત બાળકનું નામ પકોડા રાખી દીધું.

રેસ્ટોરન્ટ દ્વારા બાળકની તસવીર સાથે ઓર્ડરનું બીલ સોશિયલ મિડીયામાં શેર કરાયું છે. સાથે લખવામાં આવ્યું છે કે, Welcome to the world Pakora (પૃથ્વી પર પકોડાનું સ્વાગત છે) આ ફોટોગ્રાફ્સ સોશિયલ મિડીયામાં ભારે ચકચાર મચાવી રહ્યો છે. લોકો ટ્વિટ કરીને મજાક પણ કરી રહ્યા છે.

એક યુઝરે ફોટો શેર કરીને લખ્યું છે કે, આની દાદીનું નામ નાન હશે. અન્ય એક યુઝરે લખ્યું છે કે, મારા બે બાળકો છે ચિકન અને ટિક્કા. તો એકજણે લખ્યું છે કે, પ્રેગનેંસી દરમિયા હું કેળા અને તરબૂચ બહુ ખાતી હતી. સારું થયું કે મેં મારી બુદ્ધિનો ઉપયોગ કર્યો અને બાળકોનું નામ કેળું અને તરબુચ ના રાખ્યું. અન્ય એક યુઝરનું કહેવું છે કે, આના આગલા બાળકનું નામ સમોસા હશે. જ્યારે એક યુઝરે બાળકનો ફોટો શેર કરીને લખ્યું છે કે, આ મારો દિકરો છે, એનું નામ ચિકન બૉલ છે.

(ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(સંપર્ક)

ધાર્મિક – સામાજીક કાર્યક્રમો કે સમાચાર અંગે જાણકારી આપવા માટે 9978918796 પર વોટ્સએપ કરો અથવા કોલ કરો. અથવા તો funrangnews@gmail.com પર મેઈલ કરો.

(WhatsApp Group Link)

Funrang newsના વોટ્સએપ ગૃપમાં જોડાવા માટે આ લિન્ક પર ક્લિક કરો. https://chat. whatsapp. com/HudhfYxRO090FnzisUr3wz જેમને વોટ્સએપ ગૃપમાં એડ કરવા હોય એમને ન્યૂઝ ફોરવર્ડ કરો.