🫣 મૉલમાં બેટાએ ભૂલથી મૂર્તિ પાડી, બાપને રૂ. 3.3 લાખની પડી 🫣

• હૉંગકૉંગના મોંગકૉક જીલ્લાના લૈંગહમ પ્લેસ શૉપિંગ મૉલના ટૉય શૉપની ઘટના.
• 5.9 ફૂટની રૂ. 5 લાખથી વધુની કિંમતની ગોલ્ડન મૂર્તિ પડતાં જ ટુકડે ટુકડાં થઈ ગયાં.
• સીસીટીવી ફૂટેજ નિહાળતાં નાનાં બાળકે મૂર્તિનો ટેકો લેવા જતાં ઘટના બની હોવાનું સામે આવ્યું.
• સોશિયલ મિડીયામાં જામી જોરદાર ચર્ચા – કેટલાંકના મતે શૉપવાળા જવાબદાર તો કેટલાંકનું કહેવું છે કે મૉલમાં માતા – પિતાએ બાળકનું ધ્યાન રાખવું જોઈએ.

[Funrang Founder / Editor – Mr.  Mehulkumar Vyas – 9978918796]

ફનરંગ ન્યૂઝ । તાજેતરમાં હૉંગકૉંગના એક મૉલમાં બેટાએ ભૂલથી 5 લાખ રૂપિયાથી વધુ કિંમતની ગોલ્ડન મૂર્તિ પાડી નાંખી હતી. મૂર્તિ પડવાથી તૂટીને ટુકડે ટુકડા થઈ ગયા બાદ શૉપવાળાઓએ સીસીટીવી ફૂટેજ તપાસ્યા હતાં. બાદમાં મૂર્તિ તોડવા માટે જવાબદાર બાળકના પિતા પાસેથી આશરે 3.3 લાખનો દંડ ભરાવ્યો હતો.

હૉંગકૉંગના મોગકૉંક જિલ્લામાં આવેલા લૈંગહમ પ્લેસ શૉપિંગ મૉલના એક ટૉય શૉપમાં 5.9 ફૂટની ઉંચાઈ ધરાવતી ગોલ્ડન મૂર્તિ મુકવામાં આવી હતી. દરમિયાનમાં ગત રવિવારના રોજ શૉપમાં ભારે ભીડ થઈ હતી. જેમાં અચાનક સ્ટાફના ધ્યાનમાં આવ્યું કે, ગોલ્ડન મૂર્તિ પડીને ટુકડે ટુકડા થઈ ગઈ છે. જેને પગલે સ્ટાફમાં ફફડાટ વ્યાપી ગયો હતો.

મૂર્તિ કેવી રીતે તૂટી? એ તપાસવા માટે સીસીટીવી ફૂટેજ નિહાળવામાં આવ્યા હતાં. જેમાં જોવા મળ્યું કે, એક બાળક મૂર્તિ પાસે ઉભો હતો. તેણે મૂર્તિ સાથે પીઠ ટેકવવાનો પ્રયાસ કર્યો જેમાં મૂર્તિ પડવા જેવી થઈ હતી. બાળકે મૂર્તિને પડતાં રોકવાનો પ્રયાસ કર્યો પરંતુ મૂર્તિ જમીનદોસ્ત થઈ ગઈ હતી. આ ઘટના સમયે એ બાળકનો પિતા ચેંગ શૉપની બહાર ફોન પર વાત કરી રહ્યો હતો. મૂર્તિ પડવાનો અવાજ આવતાં ચેંગે વળીને એ તરફ જોયું પણ હતું.

શૉપવાળાઓએ તૂટેલી મૂર્તિનું વળતર ચૂકવવા અંગે જણાવતાં ચેંગ એ માટે તૈયાર થઈ ગયો હતો. આશરે 5 લાખની મૂર્તિ સામે શૉપવાળાઓએ ડિસ્કાઉન્ટ આપ્યા બાદ રૂ. 3.3 લાખની ચુકવણી કરાવી હતી. શૉપના માલિક દ્વારા એમ કહેવાયું કે, આ ઘટનાનો સમજૂતી પૂર્વક નિકાલ લાવવામાં આવ્યો હતો. જોકે, સોશિયલ મિડીયા પર આ ઘટનાની તસવીરો શેર થતાં લોકો અલગ અલગ પ્રતિક્રિયા આપી રહ્યાં છે.

સોશિયલ મિડીયામાં એક પક્ષ શૉપવાળાને દોષિત માને છે. લોકોનું કહેવું છે કે, કિંમતી મૂર્તિને યોગ્ય રીતે રાખવાની જવાબદારી શૉપવાળા હોય. જ્યાં બાળકોની અવર જવર હોય તેવા સ્થળે મૂર્તિ આવી રીતે ના રાખી શકાય. મૂર્તિને આસપાસ રેલિંગ જેવું લગાડવું જરૂરી છે. મૂર્તિની કિંમત જ આટલી ના હોય. તૂટી જાય એવી મૂર્તિ સરખી રીતે નહીં મૂકી શૉપવાળાએ બાળકના પિતાને છેતર્યો છે. વગેરે વગેરે…

જ્યારે ચેંગને દોષિત માનતાં લોકોનું કહેવું છે કે, મૉલ જેવી જગ્યાએ માતા – પિતાએ પોતાના બાળકનું ખાસ ધ્યાન રાખવું જરૂરી છે. દિકરાને આવી રીતે એકલો મૂકીને પિતા ફોન પર વાતો કરે, અને માતાનું પણ ધ્યાનના હોય એ યોગ્ય નથી. બાળકોને કિંમતી વસ્તુઓ અંગે ધ્યાન રાખતાં શિખવવું જોઈએ. વગેરે વગેરે..

આ ઘટના અંગે આપનું શું મંતવ્ય છે… કોમેન્ટ કરીને જણાવશો.?

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો. )

9978918796 અથવા funrangnews@gmail.com પર મેઈલ કરો.

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat. whatsapp. com/HudhfYxRO090FnzisUr3wz