🫰🏻 નસીબની બલીહારી । શાક ખરીદવા રૂ. 500ના છૂટ્ટા કરાવ્યાને 12 કરોડને માલિક થઈ ગયા 🫰🏻

• કેરળના કોટ્ટયના રહેવાસી સદાનંદનું નસીબ આખરે ચમક્યું.
• રૂ. 500ના છુટ્ટા કરાવવા માટે લોટરી ખરીદી હતી.

[Funrang Founder / Editor – Mr.  Mehulkumar Vyas – 9978918796]

ફન્ટુઝ । નસીબ આડેનું પાંદડું ખસે નહીં તો પહાડ જેવું લાગે અને ક્ષણવારમાં ખસી જાય તો પછી સદા આનંદમય જીવન બની જાય. એવી જ ઘટના કેરળના કોટ્ટયમના એક શખ્સ સદાનંદ સાથે બનવા પામી હોવાનું જાણવા મળે છે. શાકભાજી ખરીદવા નિકળેલા સદાનંદે રૂ. 500ના છુટ્ટા કરાવ્યા અને ગણતરીના સમયમાં એ 12 કરોડનો માલિક બની ગયો.

77 વર્ષિય સદાનંદને લોટરીની ટિકિટ ખરીદવાની આદતને કારણે પત્ની દ્વારા અનેકવાર ટોકવામાં આવ્યો હશે. આજદીન સુધી એણે અનેકવાર નસીબ અજમાવ્યું હશે પણ નસીબ કામ લાગતું નહોતું. દરમિયાનમાં એ તાજેતરમાં સવારે શાકભાજી લેવા માટે ઘરેથી નિકળ્યો હતો.

ઘરેથી નિકળતી વખતે સદાનંદને ખબર નહીં જ હોય કે, આજે નસીબ એના દ્વાર ખખડાવવા નહીં પણ છપ્પર ફાડીને નાણાં આપવા આવી રહ્યું છે. રૂ. 500ની નોટ હોવાથી કોઈ શાકભાજીવાળો શાક આપવા તૈયાર નહોતો જેને પગલે સદાનંદે છુટ્ટા રૂપિયા મેળવવા માટે લોટરીની ટિકીટ ખરીદી હતી. છુટ્ટા રૂપિયાથી શાકભાજી ખરીદીને ઘરે પહોંચ્યા બાદ થોડાક સમયમાં એને જાણ થઈ કે જે લોટરીની ટિકીટ એણે ખરીદી હતી એનો જેકપોટ લાગ્યો છે અને એ 12 કરોડ રૂપિયા જીત્યા છે.

77 વર્ષિય સદાનંદને 12 કરોડની લોટરી લાગી હોવાની ઘટના કેરળમાં ભારે ચકચાર મચાવી રહી છે. જોકે પ્રાપ્ત વિગતો અનુસાર, ટેક્સની રકમ કપાઈ ગયા બાદ આશરે 7.39 કરોડ રૂપિયા સદાનંદને મળશે. આમ જોવા જઈએ તો આ રકમ પણ ઓછી તો ના જ કહેવાય.લોટરી લાગ્યા બાદ સદાનંદની પત્નીએ કદાચ કહ્યું હશે કે, મને તો ખબર જ હતી કે તમારું નસીબ એક દિવસ જરૂર ચમકી ઉઠશે.

(ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(સંપર્ક)

ધાર્મિક – સામાજીક કાર્યક્રમો કે સમાચાર અંગે જાણકારી આપવા માટે 9978918796 પર વોટ્સએપ કરો અથવા કોલ કરો. અથવા તો funrangnews@gmail.com પર મેઈલ કરો.

(WhatsApp Group Link)

Funrang newsના વોટ્સએપ ગૃપમાં જોડાવા માટે આ લિન્ક પર ક્લિક કરો. https://chat. whatsapp. com/HudhfYxRO090FnzisUr3wz જેમને વોટ્સએપ ગૃપમાં એડ કરવા હોય એમને ન્યૂઝ ફોરવર્ડ કરો.