🔔 Google Map પર મંદિર જોઈને ઘંટ ચોરતાં ચાર ‘ઘંટ’ ઝડપાયા 🔔

• તસ્કરો પાસેથી 40 કિલોનો એક અને 7 – 7 કિલોના સાત ઘંટ મળી આવ્યા.
• મંદિરમાંથી ચોરેલા ઘંટ ખરીદનાર શખ્સને ઝડપી પાડવા માટે કવાયત શરૂ.

[Funrang Founder / Editor – Mr.  Mehulkumar Vyas – 9978918796]

ફનરંગ । ઉત્તર પ્રદેશના ગોરખપુરમાં મંદિરના ઘંટ ચોરતી ગેંગ ઝડપાઈ છે. જેમણે પોલીસ સમક્ષ કબૂલાત કરી હતી કે, Google Map પર લોકેશન જોયા બાદ તેઓ મંદિરનો ઘંટ ચોરતાં હતાં. તસ્કર ટુકડી પાસેથી પોલીસે 40 કિલોનો એક અને 7 – 7 કિલોના સાત ઘંટ મળી કુલ આશરે એક લાખ રૂપિયાની મત્તા કબજે કરી હતી.

ગોરખપુરના સહજનવાંમાં ચોરીનો એક અનોખો કિસ્સો સામે આવ્યો છે. ગત શનિવારે મોડી રાત્રે સહજનવાંના પાલી બ્લોક સ્થિત માડર ગામની પાસે આવેલા જય માં ચડવાની મંદિરમાંથી 8 ઘંટની ચોરી થઈ હતી. તસ્કરો 8 ઘંટ ચોરીને બાઈક પર જઈ રહ્યા હતાં ત્યારે પોલીસે એમને રોક્યા હતાં. જોકે, તસ્કરોએ ભાગવાનો પ્રયાસ કરતાં શંકાને આધારે પોલીસે પીછો કરી તેઓને ઝડપી પાડ્યા હતાં. પોલીસે તેઓની પાસેથી 8 ઘંટ, રિંચ, લોખંડનો સળિયો વગેરે જપ્ત કર્યું હતું. તપાસમાં તસ્કરો સંતકબીરનગર જીલ્લાના રહેવાસી હોવાનું સામે આવ્યું હતું.

પોલીસ પુછપરછમાં તસ્કરોએ જણાવ્યું કે, તેઓ પહેલા ગુગલ મેપ પર મંદિરનું લોકેશન શોધતા હતાં. ગામથી દૂર આવેલું મંદિર મળે એટલે તેઓ ત્યાં રેકી કરતાં હતાં અને પકડાઈ જવાનો ભય ના હોય એવાં મંદિરને નિશાન બનાવી તેઓ ત્યાંથી ઘંટ ચોરી કરતાં હતાં. હાલના તબક્કે પોલીસે ચોરીનાં ઘંટ ખરીદનાર શખ્સને ઝડપી પાડવા કવાયત હાથ ધરી છે.

તા. 11 થી 17 જુલાઈના પ્રત્યેક દિવસોનું મહત્વ જાણો । પ.પૂ. ડૉ. શ્રી જ્યોર્તિનાથજી

(ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(સંપર્ક)

ધાર્મિક – સામાજીક કાર્યક્રમો કે સમાચાર અંગે જાણકારી આપવા માટે 9978918796 પર વોટ્સએપ કરો અથવા કોલ કરો. અથવા તો funrangnews@gmail.com પર મેઈલ કરો.

(WhatsApp Group Link)

Funrang newsના વોટ્સએપ ગૃપમાં જોડાવા માટે આ લિન્ક પર ક્લિક કરો. https://chat. whatsapp. com/HudhfYxRO090FnzisUr3wz જેમને વોટ્સએપ ગૃપમાં એડ કરવા હોય એમને ન્યૂઝ ફોરવર્ડ કરો.