🍉 વિશ્વનું સૌથી મોંઘુ તરબૂચ, Black Watermelonની કિંમત જાણીને પરસેવો છૂટી જશે 🍉

• માત્ર જાપાનના હોકાઈડો આઈલેન્ડના ઉત્તર ભાગમાં જ ઉગતું દુર્લભ તરબૂચ.
• એક વર્ષમાં માત્ર 100 જેટલા જ કાળા તરબૂચ ઉગતાં હોય છે.
• હરાજીમાં કાળા તરબૂચની કિંમત લાખો રૂપિયામાં પહોંચતી હોય છે.  

[Funrang Founder / Editor – Mr. Mehulkumar Vyas – 9978918796]

ફન્ટુઝ । ઉનાળો શરૂ થતાં જ ઠેર ઠેર તરબૂચની હાટડીઓ લાગી જતી હોય છે. લોકો ગરમીથી છૂટકારો મેળવવા માટે તરબૂચની ડિશો આરોગતા હોય છે. જોકે, વિશ્વનાં સૌથી મોંઙા તરબૂચ Black Watermelonની કિંમત સાંભળીને મધ્યમ વર્ગના લોકોનો જરૂરથી પરસેવો છૂટી જાય.

આપણાં દેશમાં સામાન્ય રીતે 100 રૂપિયે કિલોના ભાવે તરબૂચ મળતાં હોય છે. પરંતુ જાપાનમાં હરાજી દ્વારા વેચાતું તરબૂચની કિંમત લાખો રૂપિયામાં પહોંચતી હોય છે. વર્ષ 2019માં એક Black Watermelon 4.5 લાખ રૂપિયામાં વેચાયું હતું. જોકે, બાદમાં કોરોના કાળને પગલે છેલ્લા બે વર્ષથી કાળા તરબૂચને પણ કાળો સમય જોવો પડ્યો હતો. જોકે, હવે પરિસ્થિતિ અનુકૂળ થતાં એના ભાવમાં વધારો જોવા મળે તેવી શક્યતાઓ છે.

વિશ્વમાં માત્ર જાપાનના હોકાઈડો આઈલેન્ડના ઉત્તર ભાગમાં જ ઉગતાં આ દુર્લભ ડેનસુક પ્રજાતિના Black Watermelonના એક વર્ષમાં માત્ર 100 જેટલાં જ ફળ પ્રાપ્ત થાય છે. એને કારણે એ બજારમાં જોવા મળતાં નથી. ડેનસુક પ્રજાતિના આ તરબૂચ એટલા વિશિષ્ટ છે કે દર વર્ષે એની હરાજી જ કરવામાં આવે છે. લોકો મોટી બોલી લગાવીને લાખો રૂપિયામાં એને ખરીદતા હોય છે.

Black Watermelon બહારથી કાળા રંગના દેખાય છે અંદર લાલ રંગનો હિસ્સો ખુબ જ સ્વાદિષ્ટ અને અનોખો હોય છે. તેમજ આ તરબૂચમાં બી ખૂબ જ ઓછા હોય છે. સ્વાદને કારણે પણ આ તરબૂચ વિશિષ્ટ ઓળખ ધરાવે છે. આમ તો, પહેલા પાકથી ઉગેલા તરબૂચ માટે જ મોટી બોલી લગાડવામાં આવતી હોય છે. ત્યાર પછીના પાકથી ઉગેલા તરબૂચ 20 – 25 હજારમાં વેચાઈ જતાં હોય છે. જોકે, એક તરબૂચ માટે આટલી કિંમત પણ ઓછી તો ના જ ગણાય.

(આજનો Funrang જોક)

ચમન – યાર મને લાગે છે કે હવે લગ્ન કરી લઉં… પત્ની કેવી પસંદ કરું?

અમન – જો ભાઈ, પત્ની બે પ્રકારની હોય છે… એક જે પતિની વાત માને, તેના વિચારોને – ભાવનાને સમજે. તેની સાથે પ્રેમથી વાતો કરે અને કોઈ જ માંગણી ના કરે.. પતિનો ગુસ્સો પણ હસતા મોઢે સહન કરી લે…

ચમન – અચ્છા બીજા પ્રકારની પત્ની કેવી?

અમન – બીજા પ્રકારની પત્ની દરેક પતિ પાસે હોય છે.

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો.)

9978918796 અથવા funrangnews@gmail. com પર મેઈલ કરો.    

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat.whatsapp.com/HudhfYxRO090FnzisUr3wz