😅 Seven Seater Bike? બાઈકનો SUV જેવો ઉપયોગ… આને પેટ્રોલનો ભાવ વધારો નડે ખરો? (જુઓ video) 😂

• ચાર બાળકો, બે સાડી પહેરેલી મહિલાઓને બાઈક પર બેસાડનાર ચાલકનો વિડીયો વાઈરલ થયો.
• બાઈકની સીટ હજી થોડી લાંબી હોત તો આ ભાઈ 11 જણની ટીમને ફેરવી શકે… શું કહો છો?

[Funrang Founder / Editor – Mr. Mehulkumar Vyas – 9978918796]

મેહુલકુમાર વ્યાસ । મોંઘવારી માલેતુજારોને તો અડી શકતી નથી, અદાણી – અંબાણીની ડિક્શનરીમાં મોંઘવારી શબ્દ એની જાતે ભૂંસાઈ જતો હશે… તો બીજી તરફ સાવ ગરીબોને મોંઘવારી શું? એની ખબર જ નથી… પણ, મોંઘવારીને ગમે છે મધ્યમવર્ગ… મોંઘવારીમાં પિસાતો મધ્યમવર્ગ કાર ખરીદવાની ત્રેવડ ભલે ના ધરાવતો હોય…પણ, એ જુગાડ કરીને જીવન આગળ ધપાવવામાં માહીર થઈ ગયો છે. આવો જ એક વિડીયો સોશિયલ મિડીયામાં વાઈરલ થયો છે.

ખાસ વાત તો એ છે કે, સેવન સિટર બાઈકનો વિડીયો, પેટ્રોલ પંપની સામેના રોડ પર જ બન્યો છે. વિડીયોમાં જોવા મળે છે કે, એક ભાઈ બાઈક પર બેઠાં છે. એક મહિલા બે બાળકોને બાઈકની ટાંકી પર સેટ કરે છે ત્યાર બાદ બીજી મહિલા બાઈકની પાછલી સીટ પર બેસે છે. પહેલાંવાળી મહિલા એના હાથમાં એક બાળકી પકડાવે છે અને આખરે એ મહિલા ચોથા બાળકને હાથમાં લઈને બાઈક પર ગોઠવાઈ જાય છે. મઝાની વાત તો એવી છે કે, બંને મહિલાઓએ સાડી પહેરી હોવા છતાં તેઓ શિફતપૂર્વક બાઈક પર ગોઠવાઈ ગઈ.

વિડીયો ક્યાંનો છે અને ક્યારનો છે? એ અંગે કોઈ જાણકારી પ્રાપ્ત થતી નથી. પરંતુ, એ જાણવાની જરૂર પણ નથી લાગતી… જોકે, એટલું ચોક્કસ છે કે, જે વિસ્તારમાં ટ્રાફિક પોલીસ અત્યંત દિલદાર હશે એ વિસ્તારમાં આ ઘટના બની હશે. બાકી, નિયમોનું કડક પાલન કરાવવામાં માનતી ગુજરાતની ટ્રાફિક પોલીસ તો આવું ચલાવી જ ના લે…  એટલે આ વિડીયો ગુજરાતનો નથી એ વાત તો નક્કી જ છે.

(ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(સંપર્ક)

ધાર્મિક – સામાજીક કાર્યક્રમો કે સમાચાર અંગે જાણકારી આપવા માટે 9978918796 પર વોટ્સએપ કરો અથવા કોલ કરો. અથવા તો funrangnews@gmail.com પર મેઈલ કરો.

(WhatsApp Group Link)

Funrang newsના વોટ્સએપ ગૃપમાં જોડાવા માટે આ લિન્ક પર ક્લિક કરો. https://chat. whatsapp. com/HudhfYxRO090FnzisUr3wz જેમને વોટ્સએપ ગૃપમાં એડ કરવા હોય એમને ન્યૂઝ ફોરવર્ડ કરો.