😞 “દરિયા કિનારે મસ્તી કરતાં જીવ જઈ શકે” એ સાથે વાઈરલ થયેલા વિડીયોની સત્યતા । ભારતીય પિતા અને પુત્ર – પુત્રી લાપતા (જુઓ વિડીયો) 😞

• ઓમાનના મુઘસેલ બીચ પર દિકરા – દિકરીને ડૂબતા જોઈને પિતાએ પણ દરીયામાં ઝંપલાવ્યું હતું.
• રવિવારના રોજ બનેલી ઘટનાનો વિડીયો બે દિવસથી સોશિયલ મિડીયામાં ભારે વાઈરલ થયો હતો.
• દરીયાના વિકરાળ મોજાને પગલે આઠ લોકો પાણીમાં જતાં રહ્યા હતાં.
• મહારાષ્ટ્રના સાંગલીના રહેવાસી શશિકાંત મ્હમાને, તેમની 9 વર્ષિય દિકરી અને 6 વર્ષિય દિકરાનો કોઈ પત્તો મળ્યો નથી.

[Funrang Founder / Editor – Mr.  Mehulkumar Vyas – 9978918796]

વાઈરલ વિડીયો । છેલ્લાં બે ત્રણ દિવસથી સોશિયલ મિડીયામાં એક વિડીયો વાઈરલ થયો હતો. જેમાં દરિયા કિનારે મસ્તી કરતાં જીવ જઈ શકે છે એમ જોવા મળતું હતું. વિડીયોમાં દરિયા કિનારે મોટી સંખ્યામાં લોકો ઉભા હોવાનું જોવા મળ્યા બાદ એક મોટું મોજું ત્રાટકે છે અને કેટલાંક લોકો દરીયાના પાણીમાં ખેંચાઈ જતાં જોવા મળે છે. આ વિડીયો ક્યાંનો છે? તે અંગે કોઈ જાણકારી અત્યાર સુધી સામે આવી નહોતી. પણ, હાલ પ્રાપ્ત થતી માહિતી મુજબ, વિડીયો ઓમાનના મુઘસેલ બીચનો છે અને આ દુર્ઘટનામાં ભારતીય પિતા અને તેમનો પુત્ર – પુત્રી હજી સુધી લાપતા હોવાનું જાણવા મળે છે.

મહારાષ્ટ્રના સાંગલીના રહેવાસી શશિકાંત મ્હમાને મિકેનિકલ એન્જિનિયર છે. તેઓ દુબાઈની એક ખાનગી કંપનીમાં કામ કરી રહ્યા છે. ગત રવિવારે ઇદની રજા હોઈ તેઓ પરિવારજનો અને મિત્રો સાથે ઓમાન ગયા હતાં. તેઓ સલાલ્હા વિસ્તારમાં આવેલા મુઘસેલ બીચ પર સમુદ્રના મોજાઓની મઝા માણી રહ્યા હતાં.

દરમિયાનમાં એક વિકરાળ મોજાની લહેર ઉઠી હતી. જેમાં શશિકાંતભાઈની 9 વર્ષિય દિકરી શ્રૃતિ અને 6 વર્ષિય દિકરો શ્રેયસ પાણીમાં તણાયા હતાં. બંને બાળકોને તણાતા જોઈ શશિકાંતભાઈ પણ પાણીમાં કૂદી ગયા હતાં.

ઓમાન સિવિલ ડિફેન્સ એન્ડ એમ્બ્યુલેન્સ ઓથોરિટીના જણાવ્યા પ્રમાણે, મુઘસેલ બીચ પરના બેરીકેટ વટાવીને લોકો આગળ જતાં રહ્યા હતાં. દરીયાનું મોટું મોજું આવતાં આઠ જેટલાં લોકો તણાયા હતાં. જેમાંથી ત્રણને તો તાત્કાલિક જ બચાવી લેવામાં આવ્યા હતાં. જોકે, શશિકાંતભાઈ અને તેમના પુત્ર – પુત્રીની હજી કોઈ ભાળ મળી નથી.

દુર્ઘટના સમયે પરિવારની જાણકારી પોલીસને મળી નહોતી. જોકે, પોલીસે તમામ એશિયા મહાદ્વિપના રહેવાસી હોવાનું જણાવ્યું હતું.

(ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(સંપર્ક)

ધાર્મિક – સામાજીક કાર્યક્રમો કે સમાચાર અંગે જાણકારી આપવા માટે 9978918796 પર વોટ્સએપ કરો અથવા કોલ કરો. અથવા તો funrangnews@gmail.com પર મેઈલ કરો.

(WhatsApp Group Link)

Funrang newsના વોટ્સએપ ગૃપમાં જોડાવા માટે આ લિન્ક પર ક્લિક કરો. https://chat. whatsapp. com/HudhfYxRO090FnzisUr3wz જેમને વોટ્સએપ ગૃપમાં એડ કરવા હોય એમને ન્યૂઝ ફોરવર્ડ કરો.