😅 જેવા સાથે તેવાં । શેઠ તમારા ડરથી આપની બોટલમાંનું ઝેર પીને મૃત્યુ આવે એની રાહ જોઉં છું 😅

[Funrang Founder / Editor – Mr. Mehulkumar Vyas – 9978918796]

Fun Varta । એક ગામનો વિચિત્ર સ્વભાવનો જમીનદાર જોરૂ શેઠ, એના બધાં જ નોકર – ચાકરને એ ભારે હેરાન કરતો. દરેક પર નજર રાખતો અને કોઈને એક ઘૂંટ પાણી પણ વધારે પીવા નહોતો દેતો. આવા જોરૂ શેઠને ત્યાં એક ચતુર નોકર લાલીયો કામ કરે. જોરૂ શેઠને યુક્તિ – પ્રયુક્તિ કરીને લાલીયો પોતાના કામ કઢાવી લે.

એક દિવસે જોરૂ શેઠના મિત્રએ તેમને એક મરઘો અને ફળના રસની બોટલ ભેટ આપી. જોરૂ શેઠને થયું કે આ ભેટ ઘરે મોકલી દઈએ એટલે સાંજે મઝાથી ભોજન કરી શકાય. એમણે ખેતરમાં નજર ફેરવી તો કોઈ બધાં નોકર કામમાં વ્યસ્ત હતાં. મરઘો અને રસની બોટલ મોકલવા માટે લાલીયાને જ મોકલી શકાય એમ હતો.

જોરૂ શેઠે વિચાર્યું કે આ ચતુર લાલીયાને કામ સોંપવું અઘરું છે. પણ, એ સિવાય કોઈ રસ્તો નહોતો એટલે એક યુક્તિ નક્કી કરીને મરઘાને કપડાથી ઢાંકી દીધો અને પછી લાલીયાને બોલાવ્યો. લાલીયો આવ્યો એટલે શેઠે કહ્યું કે, જો આ કપડામાં વિદેશી પંખી છે. કપડું હટાવવીને જોતો નહીં, જો જોઈશ તો એ ઉડી જશે. બહુ કિંમતી પક્ષી છે. સમજ્યો… લાલીયાએ ડોકું ધુણાવીને હા પાડી દીધી.

શેઠે બોટલ એને આપતાં કહ્યું કે, આમાં એવું કાતિલ ઝેર છે કે એ સુંઘતા જ માણસ મરી જાય. માટે બોટલને ખોલવાની નહીં. સમજ્યો…. લાલીયાએ ફરી ડોકું ધુણાવ્યું… શેઠે કહ્યું, હવે ડોકું ધુણાવ્યા વીના મારા ઘરે જઈને આ શેઠાણીને આપી આવ. અને કહેજે કે શેઠ સમયસર જમવા આવી જવાના છે. ડોકું ના ધુણાવ જા ઝટ…

લાલીયો કપડામાં વિટાળેલું પક્ષી અને ફળના રસની બોટલ લઈને રવાના થયો. રસ્તામાં એક સારી જગ્યા જોઈ એ મરઘો પકવીને ખાઈ ગયો અને બોટલમાં રહેલો બધો રસ પી ગયો. એક ટીપુંય બાકી ના રાખ્યું.

જોરૂ શેઠ ખુશ થતાં ભોજન કરવા માટે ઘરે પહોંચ્યા. શેઠાણીને હુકમ કર્યો કે, ઝટ જમવાનું પીરસો. ત્યાં તો શેઠાણીએ કહ્યું, થોડી રાહ જુઓ, રોટલી શાક તૈયાર છે દાળ બની રહી છે. રોટલી શાક અને દાળ સાંભળીને શેઠ છંછેડાયા ગુસ્સેથી બોલ્યા કે લાલીયો મરઘો આપી ગયો એ નથી બનાવ્યો. શેઠાણીએ એનાથી વધારે ગુસ્સામાં કહ્યું કે, લાલીયો ફાલીયો કોઈ આવ્યો નથી.

શેઠાણીના હાકોટાથી જોરૂ શેઠ વધુ અકળાયો અને પગ પછાડતો પહોંચ્યો પોતાના ખેતર. ત્યાં જઈને જોયું તો લાલીયો પગ ફેલાવીને સૂઈ રહ્યો હતો. શેઠે જોરથી લાત મારીને કહ્યું, તને વિદેશી પક્ષી અને પેલી બોટલ ઘરે પહોંચાડવાની કીધી હતી. એ કેમ ના પહોંચાડી…

લાલીયો દયામણો થઇ ગયો અને બે હાથ જોડીને કહેવા લાગ્યો… શેઠ, હું આપના ઘરે જ જઈ રહ્યો હતો. એમાં બહુ જોરદાર વાયરો આવ્યો… એને લીધે કપડું હટી ગયું એટલે વિદેશી પક્ષી ફૂરરર કરતું ઉડી ગયું. હું બહુ જ ડરી ગયો… મને થયું કે શેઠ હવે મને જીવતો નહીં છોડે… મારાથી કામ બરાબર ના થયું એટલે મને લાગી આવ્યું અને મરી જવાનો વિચાર કર્યો… હું તો ઝાડ પર દોરડું લટકાવીને ટીંગાઈ જવાનો હતો… પણ, દોરડું મળ્યું નહીં… એમાં ઝેરની બોટલ ધ્યાનમાં આવી એટલે મનોમન તમારી માફી માંગતા બધું ઝેર ગટગટાવી ગયો… હવે મોત આવે એની રાહ જોતો જ અહીં સૂતો છું ક્યારનો… પણ, શેઠ લાગે છે કે તમને ભેટમાં મળેલું ઝેર કાતિલ નથી…

(આજનો Funrang જોક)

ચમન – યાર મને લાગે છે કે હવે લગ્ન કરી લઉં… પત્ની કેવી પસંદ કરું?

અમન – જો ભાઈ, પત્ની બે પ્રકારની હોય છે… એક જે પતિની વાત માને, તેના વિચારોને – ભાવનાને સમજે. તેની સાથે પ્રેમથી વાતો કરે અને કોઈ જ માંગણી ના કરે.. પતિનો ગુસ્સો પણ હસતા મોઢે સહન કરી લે…

ચમન – અચ્છા બીજા પ્રકારની પત્ની કેવી?

અમન – બીજા પ્રકારની પત્ની દરેક પતિ પાસે હોય છે.

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો.)

9978918796 અથવા funrangnews@gmail. com પર મેઈલ કરો.    

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat.whatsapp.com/HudhfYxRO090FnzisUr3wz