👌🏻 વ્યક્તિને ઓળખવા માટે આંખોની જરૂર નથી, વાણી જ સાચી ઓળખ હોય છે 👌🏻

[Funrang Founder / Editor – Mr. Mehulkumar Vyas – 9978918796]

Fun Varta । સામાન્ય રીતે આપણે કોઈ વ્યક્તિની ઓળખ એના પહેરવેશ અને દેખાવ પરથી જ કરતાં હોય છે. જોકે, વ્યક્તિની ખરી ઓળખ એની વાણીથી જ થતી હોય છે. ધુતારાઓની મીઠ્ઠીવાણીથી આપણે ફસાઈ જતાં હોઈએ છીએ. જરૂર કરતાં વધું વિનમ્ર બનતાં વ્યક્તિને ઓળખવામાં થાપ ખાઈ જતાં હોઈએ છીએ. ખરેખર આપણે વાણીનું વિશ્લેષણ કરતાં શિખવાની જરૂર છે. વાણીથી વ્યક્તિ કેવી રીતે ઓળખાતો હોય છે એની જ એક કથા અત્રે પ્રસ્તુત છે.

એક રાજા શિકાર કરવા માટે પોતાના સેનાપતિ અને પાંચ – સાત સૈનિકો સાથે જંગલમાં ગયો. શિકાર શોધવામાં એ ઘણું ફર્યા. એમની પાસે જે પાણી હતું એ પુરું થઈ ગયું અને બાદમાં રાજા સહિતના તમામને તરસ લાગી. શિકાર કરવાનું છોડીને પાણીની શોધખોળ શરૂ કરી. નજીકમાં ક્યાંય તળાવ કે નદી નહોતાં.

પાણી શોધી રહેલાં સૈનિકોમાંથી એકને એક વાવ નજરે પડી. વાવમાં પાણી મળવાની શક્યતા હોવાથી સૌ તેની પાસે પહોંચ્યા. રાજાના આદેશ પર એક સૈનિક વાવમાં ઉતર્યો. વાવમાં એક પડછંદ અંધ વૃદ્ધ બેઠો હતો. સૈનિકે કહ્યું… દાદા… અંધ વૃદ્ધે કહ્યું બોલો શું કામ પડ્યું. સૈનિકે પ્રત્યુત્તર આપ્યો કે, પાણી પીવું છે, એક માટલું આપો.

અંધ વૃદ્ધે કહ્યું કે ડફોળ, જતો રહે અહીંથી… આ પાણી હું ગમે તેને નથી પીવા દેતો. આવો અણધાર્યો જવાબ સાંભળીને સૈનિક બહાર આવી ગયો એણે સેનાપતિને વાત કરી એટલે સેનાપતિ વાવમાં ઉતર્યો અને જઈને કહ્યું કે, એ ડોસા, અમને તરસ લાગી છે, એક માટલું પાણી આપ. એની વાત સાંભળીને અંધ વૃદ્ધે પાણી આપવાની ધરાર ના પાડી દીધી.

રાજાને અત્યંત તરસ લાગી હતી સેનાપતિએ આવીને કહ્યું કે, કૂવામાં એક આંધળો ડોસો છે પણ એ પાણી ભરવા માટલું આપવાની ના પાડી રહ્યો છે. આ વાત સાંભળીને રાજા સૈનિક અને સેનાપતિ સાથે વાવમાં ઉતર્યો.

રાજાએ અંધ વૃદ્ધની પાસે જઈને બે હાથ જોડીને કહ્યું કે, દાદા, અમને બહુ જ તરસ લાગી છે, ગળું સુકાઈ રહ્યું છે. જો આપ થોડું પાણી આપો તો આપની કૃપા. આ વાત સાંભળતાં જ અંધ વૃદ્ધે કહ્યું, મહારાજ આપ બેસો, આપને જોઈતું હોય એટલું પાણી પી શકો છો. તમારા સૈનિક અને સેનાપતિને મેં પાણી આપવાની ના પાડી હતી.

અંધ વૃદ્ધની વાત સાંભળીને રાજાને આશ્ચર્ય થયું એટલે એમણે પુછ્યુ કે, દાદા આપ જોઈ શકતા નથી, છતાં આપને કેવી રીતે ખબર પડી કે હું રાજા છું. પહેલા સૈનિક અને સેનાપતિ આવ્યા હતાં. વૃદ્ધે જણાવ્યું કે, વ્યક્તિને ઓળખવા માટે આંખોની જરૂર જ નથી, તેની વાણી જ સાચી ઓળખ હોય છે. આપ શબ્દોથી રાજા છો… તમે રાજા છો કે નહીં એની તો મને ખબર નથી… પણ, આપ વાણીથી રાજા છો.

(આજનો Funrang જોક)

ચમન – યાર એક જોરદાર વાત વાંચી…

અમન – એમ… કઈ વાત…

ચમન – ઇન્ડીપેન્ડન્ટ મહિલાઓ હમેશા, એમની કામવાળી પર ડિપેન્ડન્ટ હોય છે.

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો.)

9978918796 અથવા funrangnews@gmail. com પર મેઈલ કરો.    

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat.whatsapp.com/HudhfYxRO090FnzisUr3wz