- અમિતાભ બચ્ચન હેમામાલીનીને પુછશે કે પર્સમાં શું શું રાખે છે.
- રમેશ સિપ્પી જણાવશે અમિતાભ બચ્ચનને શોલેમાં કાસ્ટ કરવા પાછળનું કારણ.
funrang. કોન બનેગા કરોડપતિ (KBC) સિઝન 13નો આવતીકાલે શાનદાર શુક્રવાર એપિસોડ રિલિઝ થશે. જેમાં શોલેનું રિયુનિયન જોવા મળશે. શોલે ફિલ્મના ચાહકોને મઝા પડી જાય તેવી વાતો અમિતાભ બચ્ચન ડિરેક્ટર રમેશ સિપ્પી અને કૉ-આર્ટિસ્ટ હેમામાલીની સાથે કરતાં જોવા મળશે. એકંદરે, આવતીકાલે રાત્રે 9 વાગ્યે સોની ટીવી પર કેબીસી-13માં દશેરા નિમિત્તે શોલેની યાદોંના ઘોડા દોડશે.. એ નક્કી છે.
કૌન બનેગા કરોડપતિ 13ના શાનદાર શુક્રવાર એપિસોડ અંગે સોની ટીવીના ઓફિશિયલ ઇન્સ્ટા એકાઉન્ટ પર પ્રોમો વિડીયો શેર કરવામાં આવ્યા છે. જેમાં અમિતાભ બચ્ચનની સામે શોલે ફિલ્મના નિર્માતા રમેશ સિપ્પી અને અભિનેત્રી હેમામાલીની જોવા મળે છે. ત્રણેય વચ્ચે ગેમ શૉ રમવા ઉપરાંત શોલે ફિલ્મની મજેદાર વાતો પણ સામે આવશે તેમ સ્પષ્ટ જણાય છે.
(હેમામાલીનીનો પ્રોમો વિડીયો જોવા નીચેના ફોટો પર ક્લિક કરો)
શોલે રિયુનિયન એપિસોડમાં અમિતાભ બચ્ચને હેમામાલીનીને એક પ્રશ્ન પુછે છે કે, નાના અમથાં પર્સમાં (ક્લચ) મહિલાઓ શું રાખતી હોય છે. જેના જવાબમાં હેમામાલીની સસ્મિત જણાવે છે કે, કોમ્પેક, લિપસ્ટિક અને બહુ થોડા રૂપિયા. હેમામાલીનીના આ જવાબ પર અમિતાભ બચ્ચન વળતો સવાલ કરે છે કે, ઘરેથી તૈયાર થઈને નિકળ્યા પછી, આ વસ્તુઓની શું જરૂર પડતી હોય છે. તો હેમામાલીની જણાવે છે કે, થોડું ટચ અપ કરતાં રહેવું પડે… અને હસી પડે છે.
(રમેશ સિપ્પીનો પ્રોમો વિડીયો જોવા નીચેના ફોટો પર ક્લિક કરો)
તો અન્ય એક પ્રોમો વિડીયો વાઈરલ થઈ રહ્યો છે જેમાં રમેશ સિપ્પી શોલે ફિલ્મમાં અમિતાભ બચ્ચનને કાસ્ટ કરવાનું કારણ જણાવતાં જોવા મળે છે. અમિતાભ બચ્ચને નિર્માતા રમેશ સિપ્પીને પ્રશ્ન કરે છે કે, જય અને વીરુના કાસ્ટિંગ માટે તમે કેવી રીતે વિચાર કર્યો હતો. જેના પર રમેશ સિપ્પી જણાવે છે કે, આનંદમાં તમે બહુ સારું કામ કર્યું હતું. બોમ્બે ટુ ગોવામાં એક લાઈટ રોલ કર્યો હતો. આ જોઈને એવું લાગ્યું કે આ એવો અભિનેતા છે, જે બધું જ કરી શકે છે.
રમેશ સિપ્પીની વાત સાંભળીને સસ્મિત બચ્ચન સાહેબ પુછે છે કે, મારા માટે તમને એવું લાગ્યું હતું. જેના જવાબમાં રમેશ સિપ્પી હા માં જવાબ આપે છે. આ ઉપરાંત, સિપ્પી જણાવે છે કે, શોલેના એક સીનમાં અમિતાભ બચ્ચન માઉથ ઓર્ગન વગાડી રહ્યાં છે તો બીજી તરફ જયા બચ્ચન દિવો પ્રગટાવી રહી છે. આ એક શોટ લેવા માટે મને લગભગ ત્રણ સાલ લાગ્યા હતાં.
(નવરાત્રિ સ્પેશિયલ ગુજરાતી ગીત “ગોરી હું તો તારા માટે” સાંભળવા નીચેની લિન્ક પર ક્લિક કરો.)
રમેશ સિપ્પી, હેમામાલીની અને અમિતાભ બચ્ચન સાથે શૉમાં વિડીયો કોલથી ધમેન્દ્ર પણ જોડાશે. જેમાં તેઓ કહે છે કે, એક સીનની શૂટિંગ માટે તેમને 28 માઈલ પગપાળા ચાલવું પડ્યું હતું.
અત્રે ઉલ્લેખનિય છ કે, શોલે ફિલ્મમાં જયનું કેરેક્ટર પહેલા શત્રુઘ્ન સિંહા પાસે કરાવવાનું નક્કી થયું હતું. જોકે, અમિતાભ બચ્ચનના કહેવા પર આ રોલ ધર્મેન્દ્રએ તેમને આપ્યો હતો. જ્યારે આ વાદ શત્રુઘ્નને ખબર પડી તો એમણે ધમેન્દ્રને સવાલ કર્યો હતો કે પાજી તમે આવું કેમ કર્યું હતું.
એકંદરે, વર્ષો બાદ શોલે ફિલ્મની મહત્વની વ્યક્તિઓનું એક મંચ પર રિયુનિયન શાનદાર શુક્રવારમાં સોની ટીવી પર જોવા મળશે.
#Funrangnews #Entertainment #amitabhbachchan #KBC13 #sonytv