funrang. લગભગ બે વર્ષના વિરામ બાદ સિનેમા હોલ ફરી ધબકતાં થઇ રહ્યા છે. કોઈ ફિલ્મ બ્લોકબસ્ટર બને ત્યારે એમાં જેટલો હાથ હીરોનો હોય છે તેટલું જ યોગદાન વિલનનું પણ હોય છે. ઐતિહાસિક ફિલ્મ શોલેથી માંડી બાહુબલી સુધીની ફિલ્મો આ બાબતનું ઉદાહરણ પુરું પાડે છે. આગામી દિવસોમાં 7 એવી ફિલ્મો રિલિઝ થવા જઈ રહી છે જેમાં હીરો જ નહીં વિલન પણ સિનેમા હોલ ગજાવશે. આવો જોઈએ આ ફિલ્મોના વિલન્સ…
(નવરાત્રિ સ્પેશિયલ ગુજરાતી ગીત “ગોરી હું તો તારા માટે” સાંભળવા નીચેની લિન્ક પર ક્લિક કરો.)
KGF 2 (સંજય દત્ત)
કન્નડ સુપરસ્ટાર યશની આગામી ફિલ્મ KGF 2માં બોલીવુડ સ્ટાર સંજય દત્ત મુખ્ય વિલનની ભૂમિકા ભજવતો જોવા મળશે. અધિરાનાં કેરેક્ટરમાં સંજય દત્તનો ગેટઅપ ખૂબ જબરદસ્ત લાગે છે. રોકીની માફક અધિરાને જોવાની દર્શકોમાં ભારે તાલાવેલી જોવા મળે છે.
Adipurush (સૈફ અલી ખાન)
પ્રભાસ સ્ટારર ફિલ્મ આદીપુરુષમાં સૈફ અલી ખાન લંકેશનું કેરેક્ટર કરતો જોવા મળશે. આ ફિલ્મમાં સૈફ અલી ખાનનો ગેટઅપ જબરદસ્ત જોવા મળવાનો છે.
Pushpa (ફહાદ ફાસિલ)
અલ્લૂ અર્જૂન સ્ટારર ફિલ્મ પુષ્પામાં ફહાદ ફાસિલ ક્રૂર આઈપીએસ અધિકારી ભંવર સિંહ શેખાવતનું કેરેક્ટર કરતો જોવા મળશે. ફહાદનો ફર્સ્ટ લૂક દર્શકોનાં રૂંવાડા ઉભા કરવા માટે પૂરતો છે.
Salaar (જગાપતિ બાબૂ)
ફિલ્મ સ્ટાર જગાપતિ બાબૂનો ફર્સ્ટ લૂકનો ખુલાસો મેકર્સ દ્વારા તાજેતરમાં કરવામાં આવ્યો હતો. સાલારમાં સુપરસ્ટાર પ્રભાસની સાથે તેલુગુ એક્ટર જગાપતિ બાબૂની જબરદસ્ત ટક્કર ફિલ્મમાં જોવા મળશે.
Vikram (વિજય સેતુપતિ, ફહાદ ફાસિલ)
માસ્ટર સ્ટાર વિજય સેતુપતિ એકવાર ફરી વિલનની ભૂમિકામાં સિનેમાઘર થથરાવવા માટે તૈયાર થઈ ચૂક્યો છે. એની સાથે પુષ્પા ફિલ્મનો વિલન ફહાસ ફાલિસ એક ખૂંખાર રૂપમાં જોવા મળશે. તમિલ સ્ટાર કમલ હાસન આ ફિલ્મમાં એક સાથે બે બે વિલન સાથે લડાઈ કરશે.
Vikram Vedha (ઋત્વિક રોશન)
સાંભળવા મળે છે કે, ફિલ્મ વિક્રમ વેધામાં ઋત્વિક રોશન વિલનની ભૂમિકામાં જોવા મળશે. જ્યારે સૈફ અલી ખાન પોલીસ અધિકારીના રોલમાં જોવા મળશે. આ ફિલ્મ સાઉથની ફિલ્મની રિમેક છે.
Antim (આયુષ શર્મા)
બોલીવુડ સ્ટાર સલમાન ખાનની અપકમિંગ ફિલ્મ અંતિમનું ટીઝર દર્શકોને ગમી રહ્યું છે. ફિલ્મમાં સલમાન ખાનનો જમાઈ આયુષ શર્મા મુખ્ય વિલેનની ભૂમિકા ભજવી રહ્યો છે. સાળા – બનેવી વચ્ચે જબરદસ્ત ટક્કર જોવા મળી શકે છે.
Satyamev jayate 2 (જ્હોન અબ્રાહમ)
બોલીવુડ સ્ટાર જોન અબ્રાહમ એની અપકમિંગ ફિલ્મ સત્યમેવ જયતેમાં પોતે જ પોતાની સાથે લડાઈ કરતો જોવા મળશે.
#Funrangnews #Entertainment