- Surat એ.સી.માં શોર્ટસર્કિટને પગલે પીપલોદના સાયોના એપાર્ટમેન્ટમાં આગ
- શોર્ટસર્કિટથી લાગેલી આગના તણખા ઉડતાં ગાદલા પણ સળગ્યા.
- ઘરમાં રહેતાં લોકો તેમજ પાડોશીઓમાં ઉત્તેજના વ્યાપી
FunRang. આજે સવારે પીપલોદ ખાતે આવેલા સાયોના એપાર્ટમેન્ટના બીજા માળે આવેલા ફ્લેટમાં એ.સી.માં શોર્ટસર્કિટ થવાને કારણે આગ ભભૂકી ઉઠી હતી. બનાવને પગલે ઘરમાં રહેતાં લોકો તેમજ પાડોશીઓમાં ભારે ઉત્તેજના વ્યાપી ગઈ હતી. ફાયરબ્રિગેડના લાશ્કરોએ આગ પર કાબૂ મેળવ્યો હતો.
પીપલોદ વિસ્તારમાં કટારીયા શોરૂમની પાછળ આવેલા સાયોના એપાર્ટમેન્ટના બીજા માળે આવેલા ફ્લેટમાં આજે સવારે એ.સી.માં શોર્ટસર્કિટ થવાથી ધડાકાભેર આગ ભભૂકી ઉઠી હતી. આગના તણખાએ ગાદલાને ઝપટમાં લેતાં તે પણ સળગ્યા હતાં. આગ લાગ્યાની જાણ થતાં જ ઘરમાં રહેતાં પરિવારજનોમાં ગભરાટ ફેલાઈ ગયો હતો. પાડોશીઓએ પાણીનો મારો ચલાવી આગ ઓગલવવાનો પ્રયાસ કર્યો હતો. તે સાથે ફાયરબ્રિગેડને જાણ કરાઈ હતી.
બનાવની જાણ થતાં દોડી આવેલાં લાશ્કરોએ આગ પર કાબૂ મેળવી લેતાં લોકોને રાહત થઈ હતી. આગના બનાવમાં ઘરવખરીનો સામાન બળ્યો હતો. જોકે, કોઈને ઇજા પહોંચી નહોતી.
#Funrangnews #Surat #fire