- સુરતના સચીન કનસાડ વિસ્તારમાં રહેતી કમુબહેન લગ્ન પ્રસંગના રસોડામાં કામ કરતી હતી.
- ત્રણ દિવસ કામ કરીને ઘરે આવી ત્યારે પતિ ઘરે રહેતો ના હોવાની જાણ થતાં આ મામલે ઝગડો કર્યો.
- ગુસ્સામાં દેશી દારૂની પોટલીઓ ગટગટાવી ઘરેથી નિકળી આપઘાતનો પ્રયાસ કરનાર મહિલાની હાલત ગંભીર.
સુરત. લગ્ન પ્રસંગના રસોડામાં કામ કરીને પરિવારને આર્થિક મદદ કરતી મહિલાએ દેશી દારૂની પોટલીઓ ગટગટાવી ટ્રેન સામે પડતું મુકી આપઘાતનો પ્રયાસ કર્યો હતો. આ બનાવમાં મહિલાનો એક હાથ અને બે પગ કપાઈ ગયા હતાં. મહિલાની હાલત ગંભીર હોવાની જાણકારી પ્રાપ્ત થાય છે.
સુરતના કનસાડ વિસ્તારમાં રહેતી કમુબહેન મુકેશ રાઠોડ ચાર દિકરીઓની માતા છે. લોકોના ઘરમાં કામ કરીને તેમજ લગ્ન પ્રસંગના રસોડામાં કામ કરીને કમુબહેન પરિવારની આર્થિક જરૂરીયાતો પૂરી કરવામાં મદદ કરતાં હતાં. લગ્નસરાં ચાલતી હોઈ છેલ્લાં એક મહિનાથી તેઓ કામમાં વ્યસ્ત હતાં. ત્રણ દિવસથી તેઓ સુરત ખાતે લગ્ન પ્રસંગના રસોડામાં કામ કરવા ગયા હતાં.
આજે સવારે 7 વાગ્યાના અરસામાં કમુબહેન કામ પરથી ઘરે પરત ફર્યા હતાં. જેમાં વાતચિત દરમિયાન એક દીકરીએ એમને જણાવ્યું હતું કે, પપ્પા ઘરે રહેતા નથી. આ વાત જાણીને ઉશ્કેરાયેલા કમુબહેને દેશી દારૂની પોટલીઓ ગટગટાવવાની શરૂ કરી હતી. તેમજ પતિ મુકેશ અને દીકરીઓ સાથે ઝગડો કર્યો હતો.
(વિશ્વના સૌથી ખુશ પ્રાણી અંગે જાણો ખાંટુ નટુ પાસેથી)
ઝગડા દરમિયાન ગુસ્સે થઈ ગયેલા કમુબહેન ઘરેથી નિકળી ગયા હતાં. થોડીવારમાં તેઓ પાછા આવી જશે એમ માની પતિ સહિતનો પરિવાર ઘરે બેસી રહ્યો હતો. ત્યાં એક કલાક બાદ ફોન આવ્યો જેમાં જાણ થઈ કે, ટ્રેનની અડફેટે કમુબહેન ઘવાયા છે. એક હાથ અને બે પગ કપાયેલી હાલતમાં તેઓ રેલ્વે ટ્રેક પરથી મળી આવ્યા હતાં. હાલ તેઓ સિવીલ હોસ્પિટલમાં છે.
રેલ્વે ટ્રેક પર મહિલા ઇજાગ્રસ્ત હાલતમાં પડી હોવાનો કોલ 108ને આજે સવારે 8.34 વાગ્યે મળ્યો હતો. ઇજાગ્રસ્ત મહિલાનો એક હાથ અને બે પગ કપાઈ ગયા હતાં. 108 એમ્બ્યુલન્સ દ્વારા અંગો સહિત ઇજાગ્રસ્ત મહિલાને તાત્કાલિક સિવિલ હોસ્પિટલ ખસેડવામાં આવી હતી. ત્યારબાદ પરિવારજનોને જાણ કરાઈ હતી.
હોસ્પિટલના સૂત્રો અનુસાર, મહિલાની હાલત ગંભીર છે. દારૂનો નશો કરીને આપઘાત કરવા ગઈ હોવાનું જણાવી રહી છે. બનાવને પગલે આઘાતમાં સરી ગયેલા પરિવારજનો કમુબહેન માટે પ્રાર્થના કરી રહ્યાં છે.
#funrang #Vadodara #Ahmedabad #Surat #Rajkot #Gandhinagar #gujaratnews #gujaratinews #latestnews #newsupdate
Please Subscribe my YouTube channel by clicking this link –
https://www.youtube.com/channel/UCi9Oagp-aUKUjbKKfN6H0gg