- અમરોલી છાપરાભાંઠા પાસે ગત તા. 26 સપ્ટેમ્બરના રોજ અજાણ્યા શખ્સોએ હત્યા કરી હતી.
- નજીવી બાબતે હત્યા કરનાર શખ્સોને શોધી કાઢતી અમદાવાદ ક્રાઈમ બ્રાન્ચ.
સુરત. અમરોલી છાપરભાંઠા વિસ્તારમાં ગત તા. 26 સપ્ટેમ્બરના રોજ થયેલી યુવાનની હત્યાના બનાવનો ભેદ અમદાવાદ ક્રાઈમ બ્રાન્ચે ઉકેલી નાંખ્યો છે. જોગણી માતાના મંદિર પાસે દારૂ નહીં પીવા કહેનાર 25 વર્ષિય યુવકની તિક્ષ્ણ હથિયારથી હત્યા કરનાર બે દારૂડિયાઓને ઝડપી પાડવામાં આવ્યા છે.
ગત તા. 26 સપ્ટેમ્બર 2021ના રોજ 24 વર્ષિય મુકેશ ઉર્ફે છોટી સુભાષ ગાયકવાડ (રહે. ગરનાળા પાસે, છાપરામાં સુમુલ ડેરી રોડ, કતારગામ સુરત) અને 22 વર્ષિય સાગર રણજીત દંતાણી (મૂળ રહે. અમદાવાદ હાલ રહે. છાપરામાં સુરભી હોસ્પિટલ સામે, કતારગામ, સુરત) અંગ્રેજી દારૂના બે ક્વાર્ટર લઈ આવ્યા હતાં. બંને જણા છાપરાભાઠા ખીજડીવાળી જોગણી માતાના મંદિરના દરવાજા આગળ તાપી નદીના પાળા પર દારૂ પીવા બેઠા હતા.
મુકેશ અને સાગર દારૂ પી રહ્યા હતાં તે વખતે ત્યાં 25 વર્ષિય સની નવલકિશોર શર્મા (રહે. દેવદીપ સોસાયટી, શિવાંજલી એપાર્ટમેન્ટની બાજુમાં, છાપરાભાંઠા અમરોલી, સુરત) આવ્યો હતો. શનીએ મંદિર પાસે દારૂ નહીં પીવાનું કહેતાં તેઓની વચ્ચે ઉગ્ર બોલચાલ થઈ હતી. ઝગડા દરમિયાન મુકેશ ગાયકવાડે મોટી છરીથી સની પર હુમલો કર્યો હતો. જેમાં સનીનું મોત નિપજ્યું હતું. હત્યા કર્યા બાદ બંને દારૂડિયાઓ ફરાર થઈ ગયા હતાં. બનાવ અંગે અમરોલી પોલીસે અજાણ્યા શખ્સો સામે ગુનો નોંધી તપાસ હાથ ધરી હતી.
છેલ્લા બે માસથી અનડીટેક્ટ રહેલાં હત્યા કેસનો ભેદ અમદાવાદ ક્રાઈમ બ્રાન્ચે ઉકેલી નાંખ્યો હતો. અને બંને આરોપીઓને ઝડપી પાડ્યા હતાં. આરોપીઓએ સમગ્ર બનાવ અંગે કબૂલાત કરી હતી.
#funrang #Vadodara #Ahmedabad #Surat #Rajkot #Gandhinagar #gujaratnews #gujaratinews #latestnews #newsupdate
Please Subscribe my YouTube channel by clicking this link –
https://www.youtube.com/channel/UCi9Oagp-aUKUjbKKfN6H0gg