- મહારાષ્ટ્રના પિંપરી ચિંચવાડ જીલ્લામાં બનેલી ઘટના.
- કચરામાંથી બાળકોને દડો જેવો લાગતો દેશી બોમ્બ મળ્યો હતો.
- પોલીસને કચરામાં સંતાડાયેલા અડધો ડઝન બોમ્બ મળી આવ્યા.
[Mehulkumar Vyas – 9978918796]
મહારાષ્ટ્ર । કચરામાંથી મળેલાં દેશી બોમ્બને દડો સમજીને બાળકો રમવા માંડ્યા હતાં. દરમિયાનમાં બોમ્બ બ્લાસ્ટ થતાં એક પાંચ વર્ષિય બાળકીનું કરુણ મોત નિપજ્યું હતું. જ્યારે અન્ય બે બાળકોની હાલત ગંભીર હોવાનું જાણવા મળે છે.
મહારાષ્ટ્રના પિંપરી ચિંચવાડ જીલ્લાના વઙમુખવાડી વિસ્તારમાં આવેલા એક મેદાનમાં રાજસ્થાનથી આવેલો વણઝારા પરિવાર ઝૂંપડા બાંધીને રહી રહ્યો હતો. છેલ્લાં ઘણાં સમયથી મેદાનમાં રહેતો રાજસ્થાનનો પરિવાર દૂધ વેચીને તેઓ પોતાનું ગુજરાન ચલાવતાં હતાં.
શનિવારે સવારના સમયે બાળકોને મેદાનની એક તરફ કચરામાંથી બોલ જેવી વસ્તુ મળી આવી હતી. દોરીથી લપેટેલી ગોળ વસ્તુને બોલ સમજીને બાળકો રમવા લાગ્યા હતાં. ત્યાં જ બોમ્બ ફાટવાને કારણે રાધા નામની પાંચ વર્ષિય બાળકીના શરીરના ચીથડા ઉડી ગયા હતાં. જ્યારે એની સાથે રમી રહેલાં અન્ય બે બાળકોને પણ ગંભીર ઇજાઓ પહોંચી હતી.
બનાવ અંગે જાણ થતાં દોડી આવેલી પોલીસની ટીમે તપાસ કરતાં કચરામાં સંતાડવામાં આવેલા અડધો ડઝન દેશી બોમ્બ મળી આવ્યા હતાં. ચિંચવાડ પોલીસે દેશી બોમ્બને ફોરેન્સિક તપાસ માટે મોકલી આપ્યા છે. તેમજ બોમ્બ અહીં કોણે? અને શા માટે સંતાડ્યા હતાં? એ પ્રશ્નોના જવાબ મેળવવા માટે સીસીટીવી ફૂટેજની તપાસ હાથ ધરી છે.
(આજનો Funrang જોક)
પકડું – ટાઈગર તારે ત્યાં ઠંડી કેવી છે?
ટાઈગર – યાર એકદમ ઇન્ટરનેટ જેવી… બહાર જઈએ તો લાગે અને અંદર રહીએ તો નથી લાગતી…
(દાંડિયા બજાર વિસ્તારમાં ઓફિસ ભાડે – વેચાણ)
દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111
(ધાર્મિક – સામાજીક કાર્યક્રમો અંગે જાણકારી આપો. )
9978918796 અથવા mehul. v. vyas@gmail. com / funrangnews@gmail. com પર મેઈલ કરો.
(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)
https://chat. whatsapp. com/HudhfYxRO090FnzisUr3wz