- દ્વારકા જિલ્લામાં રમાયેલી ૪૦ મી સ્ટેટ માસ્ટર એથલેટિક્સ યોજાઈ.
વડોદરા. તા. 27 – 28 નવેમ્બરના રોજ દ્વારકા જિલ્લા ખાતે યોજાયેલી 40મી સ્ટેટ માસ્ટર એથલેટિક્સ ચેમ્પિયનશિપ – 2021માં વિવિધ કેટેગરીમાં વડોદરા શહેર પોલીસના ખેલાડીઓ 15થી વધુ મેડલ્સ જીત્યાં હતાં. અત્રે ઉલ્લેખનિય છે કે, સ્ટેટ માસ્ટર એથલેટિક્સ ચેમ્પિયનશિપમાં રાજ્યભરના વિવિધ જિલ્લાના પોલીસ અધિકારીઓ – કર્મચારીઓએ ભાગ લીધો હતો.
સ્ટેટ માસ્ટર એથલેટિક્સ ચેમ્પિયનશિપમાં વડોદરા સીટી પોલીસ કમિશ્નર ડૉ. શમશેરસિંહના માર્ગદર્શન હેઠળ વડોદરા સીટી પોલીસ ના અધિકારી તેમજ કર્મચારીઓએ ભાગ લઈ અલગ અલગ કેટેગરીમાં મેડલ મેળવી વડોદરા સીટી પોલીસનું નામ ગુજરાત સ્તરે રોશન કર્યું છે
સ્પર્ધાની 35 – 40 ઉમર વર્ષ કેટેગરીમાં વારસીયા પોલીસ સ્ટેશનમાં ફરજ બજાવતા પો.સ.ઇ અરુણ મિશ્રાએ 200 મીટરની દોડમાં તથા ગોળાફેંકમાં ફર્સ્ટ આવી ગોલ્ડ મેડલ તેમજ 400 મીટરની દોડમાં સિલ્વર મેડલ,
40 -45 ઉમર વર્ષ કેટેગરીમાં હે.કો શેરજમાન બ્લોચએ 400, 800 તથા 1500 મીટરની દોડમાં ગોલ્ડ મેડલ પ્રાપ્ત કરી જોશનું પ્રદર્શન કર્યું છે.
જ્યારે 45 – 50 ઉમર વર્ષ કેટેગરીમાં કોન્સ્ટેબલ નિશાંત શિવાજીરાવએ 200 મીટરની દોડમાં ગોલ્ડ મેડલ તથા 100 મીટર ની દોડમાં બ્રોન્ઝ મેડલ મેળવ્યો છે તો 45 – 50 ઉમર વર્ષ કેટેગરીમાં એ.એસ.આઇ. સલીમ ઇબ્રાહિમએ 5 કિ.મી. અને 1500 મીટરની દોડમાં સિલ્વર તથા 800 મીટરની દોડમાં બ્રોન્ઝ મેડલ પ્રાપ્ત કરી ખેલ કુશળતા બતાવી છે.
45 – 50 ઉમર વર્ષ કેટેગરીમાં પોલીસ હે.કો હસન ઇબ્રાહિમએ 400 મીટર ની હર્ડલસ (વિઘ્ન દોડ)માં તેમજ 1500 મીટર દોડમાં તથા 5 કિમી ક્રોસ કન્ટ્રીમાં ગોલ્ડ તેમજ 800 મીટરની દોડમાં સિલ્વર મેડલ પ્રાપ્ત કર્યો છે.
45 – 50 ઉમર વર્ષ કેટેગરીમાં પોલીસ કોન્સ્ટેબલ રમેશભાઈ ઠાકુરએ 400 મીટર ની હર્ડલ્સ (વિઘ્ન દોડ) માં બ્રોન્ઝ મેડલ પ્રાપ્ત કર્યો છે.
આવુ ઉત્કૃષ્ટ પ્રદર્શન કરી વડોદરા સીટી પોલીસના પોલીસ અધિકારી તેમજ કર્મચારીઓ એ વડોદરા સીટી પોલીસ નું નામ ગુજરાત માં રોશન કર્યું છે. વિજેતાઓને શહેર પોલીસ કમિશનર તથા ઉચ્ચ અધિકારીઓ એ અભિનંદન આપ્યા છે.
આ વિજેતા જવાનો અને અધિકારીઓ એ પોલીસકર્મીઓ એ હંમેશા શરીરની ચુસ્તી અને સ્ફૂર્તિ જાળવવી જોઈએ તેવો પ્રેરક સંદેશ આપ્યો છે.તેની સાથે રમતમાં પ્રવીણતા પોલીસ દળમાં પ્રવેશ સરળ બનાવે છે એવો સંદેશ પોલીસ ભરતીમાં ભાગ લેનારા યુવા સમુદાયને આપ્યો છે.
#funrang #Vadodara #Ahmedabad #Surat #Rajkot #Gandhinagar #gujaratnews #gujaratinews #latestnews #newsupdate
ટચૂકડી જાહેરાત
(ઓફિસ ભાડે / વેચાણ)
વડૉદરા શહેરના હાર્દસમા દાંડીયાબજાર વિસ્તારમાં સિદ્ધિવિનાયક મંદિરની સામે સિદ્ધિવિનાયક સ્ક્વેરના પહેલા માળે ઓફિસ ભાડે અને વેચાણથી આપવાની છે. રસ ધરાવતાં વ્યક્તિઓ – 9173611111 પર કોલ કરે.
Please Subscribe my youtube channel by clicking this link –
https://www.youtube.com/channel/UCi9Oagp-aUKUjbKKfN6H0gg