પાણી પીવાના નામે ઘરમાં ઘુસી મહિલાની આબરૂ પર પાણિ નાંખનાર રવીકપૂરનું પોલીસે કર્યું “પાણિગ્રહણ”

• મહિલાની છેડતી કરનાર રવી કપુરને અટકાવનાર વડીલને ગાળો ભાંડી ફેંટ મારી ઇજા પહોંચાડી.

વડોદરા. શહેરના સવાદ ક્વાર્ટસમાં રહેતી એક મહિલાનાં ઘરમાં પાણી પીવાના નામે ઘુસ્યા બાદ, મહિલાની છેડતી કરનાર શખ્સને વારસીયા પોલીસે ઝડપી પાડ્યો હતો. અત્રે જણાવવું જરૂરી છે કે, પાણીનો અર્થ પીવાનું પાણી થાય છે જ્યારે પાણિનો અર્થ હથેળી થાય છે. ણ સાથે હ્રસ્વ અને દીર્ઘ ઈ જોડાતાં અલગ અર્થ થાય છે. તેથી જ હેડિંગમાં તેનો ઉપયોગ કરાયો છે.

હરણી રોડ વિસ્તારમાં આવેલાં સવાદ ક્વાર્ટસમાં રહેતા રવી નંદલાલ કપુર રીક્ષા ચલાવે છે. તેના જ વિસ્તારમાં રહેતી એક મહિલાને એ ઘણાં સમયથી હેરાન કરતો હતો. મહિલા નોકરી પર જતી હોય ત્યારે રીક્ષા લઈ જઈ હોર્ન વગાડીને પરેશાન કરતો હતો.

ગઈકાલે સાંજે તરસ લાગી હોવાથી પાણી પીવાના બહાને તે મહિલાના ઘરમાં ઘુસ્યો હતો. મહિલાએ માનવતાના ધોરણે ઘરમાં આવવા દેતા, રવી કપુરે તેનો હાથ પકડી છેડતી કરી હતી. મહિલાએ બૂમરાણ મચાવતાં એક વડીલ ત્યાં આવી પહોંચ્યા હતાં. છેડતી નહીં કરવા સમજાવવા આવેલા વડીલને રવી કપુરે ગાળો ભાંડી હતી અને નાક પર ફેંટ મારી ઇજા પહોંચાડી હતી.

વારસીયા પોલીસ મથકના પોલીસ ઇન્સ્પેક્ટર કે. એન. લાઠીયા તથા શી ટીમે મહિલાની છેડતી કરનાર રવી કપૂરને ગણતરીના કલાકોમાં ઝડપી પાડ્યો હતો અને તેની સામે કાયદેસરની કાર્યવાહી કરી હતી.

#funrang #Vadodara #Ahmedabad #Surat #Rajkot #Gandhinagar #gujaratnews #gujaratinews #latestnews #newsupdate

ટચૂકડી જાહેરાત

(ઓફિસ ભાડે / વેચાણ)

વડૉદરા શહેરના હાર્દસમા દાંડીયાબજાર વિસ્તારમાં સિદ્ધિવિનાયક મંદિરની સામે સિદ્ધિવિનાયક સ્ક્વેરના પહેલા માળે ઓફિસ ભાડે અને વેચાણથી આપવાની છે. રસ ધરાવતાં વ્યક્તિઓ – 9173611111 પર કોલ કરે.

Please Subscribe my youtube channel by clicking this link – https://www.youtube.com/channel/UCi9Oagp-aUKUjbKKfN6H0gg